上層有倒頭位、下層有多用途空間的九巴 MCV 車身 Volvo B8L

s3n370 發表於 2022-3-22 00:05
偷埋樓梯頂，咪可以加多兩張櫈囉。

抵消返雙輪椅位而少咗既四個位
即係都仲有96座

呢部應該係屬於最近加嗰 46 部無特別註明車身嗰批，但係之前新聞稿講設計最多載 141 人，比而家嘅 V6X 少。

s3n370 發表於 2022-3-21 21:50
呢排倒頭櫈，似乎係偷條樓梯嘅“天花”位黎擺
（手繪圖圈嘅位置）

扭盡六壬黎加位/用Revo S凳,不如用返MMC facelift車身

stevensiu 發表於 2022-3-22 21:27
扭盡六壬黎加位/用Revo S凳,不如用返MMC facelift車身

加多排嘅話唔關MMC事 成功咗嘅話分分鐘成為標準

s3n370 發表於 2022-3-21 22:08
睇番排倒頭位同樓梯前果排位嘅距離，
頂多塞到兩排櫈，而唔係正常高載嘅三排位。
我覺得係想加多排位，上 ...

睇返上層樓梯後第一條垂直窗柱
而家啲V6X上層梯後第一排椅背大概就係對正呢條窗柱
但呢張相見到倒頭位之後第一排向前嘅櫈係比第一條垂直窗柱向後移咗半排嘅長度
估計有兩個可能性
一係座位間距唔同咗，好似#8所講，排數不變純拉闊距離
二係除咗呢個倒頭位之外，近車尾仲有其他倒頭位

另外，倒頭位同下一排距離都相當闊，細心睇中間仲有條垂直柱。未必真係多咗兩個位，反而可能係當輪拱咁擺咗其他設備喺倒頭位椅背後面去偷位用

he_01 發表於 2022-3-22 13:42
加多排嘅話唔關MMC事 成功咗嘅話分分鐘成為標準

令到樓梯位可以加位嘅人/團隊真心堅。
各大巴士製造商/車身廠肯定會跟機，就算唔係標準都肯定係option，
仲要唔止係香港用得著。

咁做即時嘅好處係多兩個客有櫈坐。
大膽同樂觀咁諗，因樓梯導致嘅減載少佐，
引入雙梯嘅心理關口亦同樣降低，
話唔定巴士公司更加願意考慮雙梯三門巴士。

另一狂想，如果巴士公司仲好似七十年代前，
肯整土炮野改架車，
現時服役緊嘅車同你改哂都似

ccchhhuuunnn 發表於 2022-3-22 15:45
睇返上層樓梯後第一條垂直窗柱
而家啲V6X上層梯後第一排椅背大概就係對正呢條窗柱
但呢張相見到倒頭位之後 ...

巴士公司有冇咁好死，肯為佐加坐距扭盡六壬先？
搞完場大龍鳳，但錢箱又唔會收多佐錢，
俾著係我，做乜唔維持原狀，而走去搏俾老闆炳到九彩？

據圖量度，倒頭位同梯前果排位之間嘅樓梯位，
只夠攝兩排位。
而高載條梯本身佔佐三排。
所以小弟維持早前嘅推論，倒頭位係新加嘅。

s3n370 發表於 2022-3-23 01:44
巴士公司有冇咁好死，肯為佐加坐距扭盡六壬先？
搞完場大龍鳳，但錢箱又唔會收多佐錢，
俾著係我，做乜唔 ...

將倒頭位掉返轉的話，椅背大概係中間扶手柱位，亦即係樓梯後第一條垂直窗柱前大概半排位長度

如果第一條窗柱由而家平排梯後第一排櫈改為額外加多一排櫈並且係新加第一排櫈同第二排（原第一排）中間，咁第二排櫈（原第一排）已經向後移咗半排，打後嘅櫈一定比而家嘅legroom仲要窄好多，就咁睇相就唔覺後面啲位窄咗好多

巴士公司間唔中都有唔會收多錢嘅改進、而且呢啲更有可能係車身廠自己主導，唔使下下咁陰謀論

ccchhhuuunnn 發表於 2022-3-22 17:58
將倒頭位掉返轉的話，椅背大概係中間扶手柱位，亦即係樓梯後第一條垂直窗柱前大概半排位長度

如果第一條 ...

就咁睇，倒頭位完全响樓梯原身乜都無，
玻璃同上層擋板嘅三角位上面。

而用12米高載車做base，每排位座距唔夠700mm計。
車身長佐0.8米，就咁已經有多百零mm可以玩。
睇番梯後第一排位後移幅度，同呢個數極接近。
擺多排位實屬合理推測。


P.S. 巴士公司以利益行先根本唔係乜秘密。
整得新野，就算唔係有錢落袋，都肯定對自己有益處，
包括伙記做野方便佐、提升形象等。

對車廠而言，响樓梯頂加位唔係乜高深技術，
但肯定要花公夫去設計同製造出黎，巴士公司無good reason去buy，整黎為乜呢？

打工心態唔係無驚無險，平平安安到六點，就係整色整水搏表現。
咁大路嘅想法居然會係陰謀，真係唔知係乜邏輯囉。

s3n370 發表於 2022-3-23 08:35
就咁睇，倒頭位完全响樓梯原身乜都無，
玻璃同上層擋板嘅三角位上面。

睇返現有V6X相片（來源：https://hkbus.fandom.com/wiki/%E5%9C%96%E5%BA%AB:%E5%AF%8C%E8%B1%AAB8L/%E4%B9%9D%E5%B7%B4/V6X?file=V6X22_KMB_290_in_Choi_Ming_12-11-2020.JPG），上層梯位第一格窗有兩排櫈，即係每排平均半格窗

對比本文照片（綠線代表現有V6X）：

估計倒頭位後（梯位後第二排起）每排只係移前咗1／4格窗，即係大概半排位嘅距離，半排位嘅空間夠唔夠塞多排我有疑問

不過，梯位後第二排起移前咗之後睇落仍然係每格窗兩排櫈，即係座距無明顯拉闊，所以有個可能係近車尾位置有其他改動，例如其中一排位變3人橫位坐多個，又或者車尾要騰出空間安置新設備，所以要改排位維持載客量