2/4起九巴24修改旺角區行車路線

反對呀 改去企業廣場分分鐘去到啟業下層冇位揀黎坐

十年苦等，如今終於撥亂反正！

那個「避塞車」的「理由」深入部分巴士迷的心，但我都係嗰一句，避到塞車又點？根本站位都唔吸引，無客想搭(叫得絕章一飛)，開條載空氣線為乜？

如果避塞車咁好、咁有需要，點解27唔改？我覺得27都好需要避吓塞車添，你估九巴敢唔敢改27？班客會唔會嘈？

--------

都係講吓未來發展：

上午特車理順咗，但下午都仲係有問題，班特車堅持要計入啟業開普通班次咁樣，撇除頭三站一向都好少人搭，宏天、德朗兩站班次依舊受到影響，啟業開1755、1810、1825，但係去到宏天時一定變咗唔係每隔15分鐘一班，結果變咗相隔25同5分鐘，宏天客一定繼續嚇走晒，呢個放工大站九巴竟然放棄？最慘九商又唔係執到好多客，宏天德朗班客就流失晒去地底同20。

根本下午特班應該改為企業廣場開，停臨華街後左轉啟祥道，再跟5M返宏天，反正九巴呢個鐘數完全無諗過要做啟麗客，無謂浪費時間在九龍灣兜圈兼食燈陣；今朝30/3去坐朝早特車，朝早無客兼疫情都要10分鐘先返到宏天，你話下繁有幾轟烈？而家搞到六點幾啲車出到旺角亂晒鐘，一係30分鐘無車，一係連嚟兩架，但我肯定班客唔會咁神心等足30分鐘睇你拖卡。

至於點解唔停先達而停菜街，其實2000年之前係停齊晒兩個站(印象中八十年代尾珍寶時代已經係咁)，當年只係得24停齊兩個站，應該係想幫24吸多啲客啩？始終條線最頹，只能靠站多執死雞，通常落就一定菜街落晒，所以之後因為「水務工程」取消分站，班客要等燈轉埋彎塞吓車先埋到先達嗰站，咁梗係唔理想，所以今次停菜街係明智，同埋先達已經有9同203E做平價流水，24停菜街可以打散些少，之不過九巴竟然容許24分薄13D同16，或者黃敵當前，寧可自己人左手交右手，好過去咗黃色公司一蚊都無。

今日出過旺角，暫時太子站同菜街都無動靜，亦未宣傳24即將改經，伊中同水務署亦係無聲無影，話晒取消站應該盡快通知客，而啟麗啟德一帶就出晒通告，但係無傳單拎。

希望24有美好新一頁！

B.B.B. 發表於 2022-3-30 14:58
反對呀 改去企業廣場分分鐘去到啟業下層冇位揀黎坐

老友玩曲線咋😅😅

啟業有幾多人上車，心知肚明。

但最起碼特車真係要盡快改

其實倒不如全日都企業廣場做總站同紅van鬧， 價錢兩者差成倍

kaiyip24 發表於 2022-3-30 15:00
十年苦等，如今終於撥亂反正！

那個「避塞車」的「理由」深入部分巴士迷的心，但我都係嗰一句，避到塞車又 ...

我印象中之前 24K 係唯一停齊晒兩個站  

多謝ching佐證

tommy14D 發表於 2022-3-30 15:15
其實倒不如全日都企業廣場做總站同紅van鬧， 價錢兩者差成倍

有板友早n年都提過（當年好似仲未有紅van？）
不過九巴以前嘅態度係由得24自生自滅

kaiyip24 發表於 2022-3-30 15:04
老友玩曲線咋😅😅

啟業有幾多人上車，心知肚明。

其實24 同224X 拉埋去企廣真係可以吸多唔少客，最起碼Megabox嗰邊都要車落尖沙咀同九龍城/旺角
奈何企廣個站細 同埋啓麗又會嘈冇咗頭站 再加296P個掠水大計會冇咗

marcolam205 發表於 2022-3-31 01:17
其實24 同224X 拉埋去企廣真係可以吸多唔少客，最起碼Megabox嗰邊都要車落尖沙咀同九龍城/旺角
奈何企廣 ...

放心，啟麗係唔會嘈24無咗頭站，因為根本就唔會搭；(無咗小巴就可能嘈)

224X係兜來兜去先反對。

tommy14D 發表於 2022-3-30 15:15
其實倒不如全日都企業廣場做總站同紅van鬧， 價錢兩者差成倍

一黎九巴無興趣為左個企廣搞到兩繁塞九龍灣加兩部車，

二黎新巴好有興趣做九龍灣塞偉業街出旺角既 793，
本身無再拉 20A 去做埋太子市場咪算好。

marcolam205 發表於 2022-3-31 01:17
其實24 同224X 拉埋去企廣真係可以吸多唔少客，最起碼Megabox嗰邊都要車落尖沙咀同九龍城/旺角
奈何企廣 ...

296P 一直都無咩興趣做，佢不知幾想 296P 搬走九龍灣，
反而九巴有興趣做果條叫 X6C。