建議開辦九巴6A 尖沙咀碼頭-觀塘裕民坊

參考九巴6C往九龍城碼頭加開特快班次6X.

建議增設尖沙咀碼頭往深水埗的特快班次6A, 繁忙時間車程可由現時25-30分鐘大幅縮短至15分鐘, 惠及深水埗嘉頓 欽州街 北河街一帶及石硤尾邨居民.

同時, 希望藉此增設深水埗電腦及時裝集中地往觀塘的巴士服務, 提供較快車程由深水埗經九龍城往觀塘, 由彌敦道往觀塘的行車時間料與1A相約.

建議6A分別由1A及6調派巴士行走.


詳情

6A 尖沙咀碼頭>深水埗欽州街>觀塘裕民坊

開出時間:
每日12:00-20:00, 每20分鐘一班

全程$7.6;
九龍灣站往觀塘裕民坊$6.2

途經街道:
梳士巴利道, 彌敦道, 長沙灣道, 大埔道, 元州街, 欽州街, 長沙灣道, 天橋, 界限街, 太子道西, 太子道東, 觀塘道, 協和街, 物華街

停靠車站:
尖沙咀碼頭(6同站), 中間道(N3), 金巴利道(N12), 寶靈街(N22), 長沙街(N52), 太子站(N75), 福華街休憩公園, 北河街, 長沙灣政府合署, 欽州街, 黃竹街, 花墟公園, 明愛太子宿舍, 碧華花園, 聖德肋撒醫院, 侯王道, 富豪東方酒店, 譽•港灣, 九龍灣站, 牛頭角下邨, 觀塘道休憩處, 創紀之城(U4), 觀塘市中心(T3), 觀塘裕民坊

一兜深水埗觀感都差曬

我覺得如果兜深水埗嘥嘅時間同彌敦道停少啲站+太子道橋慳嘅時間差唔多，結果去界限街仲慢過1A，去太子道天橋只係同1A打和，同埋我講嘅時間係由尖沙咀計起，如果由旺角計起1A就快過6A

如果想做深水埗-觀塘生意，一係296C行長沙灣道，一係就我之前建議嘅6P做曬長深荔，而唔係拉條尖觀線做

6X嗰個模式其實都唔成功，時間上其實只係慳得嗰5分鐘，對乘客吸引力不大

我建議嘅6P：https://www.hkitalk.net/HKiTalk2/thread-2137180-1-1.html

感覺仲慢過1A，6A塞元州街時搭鐵已經到觀塘。兩個唔順路嘅地方無謂扯埋一齊

停站同燈號時間可以夾得更好, 考慮到金巴利道都多人上車, 唔停嘅話中間道直飛寶靈街, 慳番停站同柯士甸道口嗰3分鐘.

服務時間每日12-8, 周末同繁時北行條條線等埋站上落客, 同南行主要落客冇得直接比較.

用彌敦道特快做太子 深水埗, 其實未嘗不可, 尖沙咀段跟6停站, 我唔求好多1A東九客上車, 停寶靈街 長沙街先係食1A客, 不過你唔好誤會係去東九嘅客, 係做尖碼上車嘅客, 站上面有人見到寫住觀塘上左車, 發現彌敦道飛住去太子, 仲入埋深水埗覺得唔對路, 呢個時候佢已經冇退路, 佢搭埋落去佢就知慢唔慢, 無論如何, 有6乘客墊住, 客量又未必太差, 搵到錢係真嘅.

彌敦道選擇性停站, 深水埗直飛花墟, 新蒲崗直飛九龍灣站, 唔一定慢過1A站站停+奶路臣街去花墟嘅塞車時間, 當然, 在觀感上對油尖去九龍城 觀塘而言係差, 唔上6A可以繼續等1同1A.

何況, 見到牌著住「6A 觀塘裕民坊」, 真係落搭嘅一係去觀塘嘅生客同遊客, 一係搭開6號嘅熟客冇睇地點, 或者唔計較價錢.


喺度想加多樣嘢, 畀以為6A去到美孚, 或者係善用轉車嘅客用:

6A乘客在北河街下車, 以同一電子付款方式支付以下路線車費, 車費可獲豁免, 包括2E往白田, 6往荔枝角, 6C往美孚, 6D往美孚, 6P往蘇屋

到北河街之前, 報站會提埋以上轉乘資訊.