屎水 eta mon 新格式

ATSE40 發表於 2022-4-8 23:07
好似app咁灰字係預定班次黑字有實時ETA咪幾好，點解要做到得返個橙色標籤喺個角度？真搞笑 ...

預定班次都係文字寫出來好過

改ETA MON......但係條條線都唔開

屎水就快無糧出，仲搞咁多無聊野。

今日睇過都有好多MON無換新LAYOUT

而就算現有版本都有差異
有D一次過SHOW所有線搞到字好細
有D會分兩版
唔知咩準則

如為企業形象換色, 只換右上的"段墨七彩"color bar 已經好夠, D 字顏色真係新不如舊, 完全沒考慮到戶外反光情況以至視力較弱的乘客需要, 違背設立ETA顯示屏作無障礙交通設施原意。

係度嘈無用, 不如大家一齊向交通投訴組投訴:

交通投訴表格 https://www.tcu.gov.hk/chi/traffic-complaint.html
此顯示屏為政署資助(入境事務大樓, 告士打道)? https://www.td.gov.hk/filemanager/tc/util_uarticle_cp/subsidising(wch)(c).pdf

信都同大家DRAFT 埋, 一人一信去信TCU 同TD相關官員!
---
info@tcu.gov.hk garylai@td.gov.hk kelvinau@td.gov.hk

投訴新巴城巴的巴士預報到站時間顯示屏難以閱讀

致交通投訴組, 運輸署 (總運輸主任/港島及高級運輸主任/灣仔):

近日本人從hkitalk.net討論區 (https://www.hkitalk.net/HKiTalk2/thread-2138230-1-1.html )發現, 新巴及城巴設於灣仔入境事務大樓, 告士打道的巴士預報到站時間顯示屏(ETA Screen) 的巴士線及預計到站時間被更改為淺綠色及淺灰色, 對比原設計黑色及深紫色字, 完全是新不如舊, 沒考慮到戶外反光情況, 淺綠色及淺灰色字在強光下難以閱讀, 極不使用者友善, 對視力較差或有問題的乘客更為不便, 違背設立巴士預報到站時間顯示屏作無障礙交通設施原意。

如為企業形象換色, 只換右上的"段墨七彩"color bar 已經好足夠, 本人要求現特此來函查詢及投訴, 要求貴組及運輸署跟進及回覆:

1) 有關巴士預報到站時間顯示屏是否政府資助安裝的顯示屏之一 (即下表所列的 https://www.td.gov.hk/filemanager/tc/util_uarticle_cp/subsidising(wch)(c).pdf )? 如是, 運輸署可有作出監管使用情況?
2) 就巴士預報到站時間顯示屏內的格式(包括字體顏色、大小、字型)及內容(播放商業廣告範圍大小), 運輸署可有任何規定, 以確保易於閱讀, 保障乘客權益?
3) 就上述灣仔入境事務大樓, 告士打道巴士預報到站時間顯示屏, 巴士公司在更改格式前, 是否需要得到運輸署批淮?
4) 運輸署會否要求相關巴士公司還原巴士預報到站時間顯示屏原本的字體顏色及大小, 方便乘客?

白底青色字用黎驗青光眼?

GW4866 發表於 2022-4-9 02:52
白底青色字用黎驗青光眼?

鬼佬喜歡就得

好學唔學學九巴

今日見到入境事務大樓個mon變返舊款

早前我去信運輸署，今天獲回覆如下

陳先生/小姐：

謝謝你於2022年4月9日的電郵，本署現回覆如下：

根據本署記錄，新巴及城巴設置於灣仔入境事務大樓巴士站上蓋的實時巴士到站資訊顯示屏(“顯示屏”)是由政府以配對形式提供資助。資助計劃旨在透過提供硬件和安裝的前期費用加快專營巴士公司在巴士站提供配套設施，而專營巴士公司有責任確保顯示屏的版面設計能有效地顯示各路線的預計到站時間及相關資訊。

本署已就你提出對顯示屏版面設計的意見，要求巴士公司作出跟進。巴士公司回覆表示，為改善巴士站候車設施，巴士公司在四月上旬以短期試驗性質在個別巴士站更新了顯示屏的界面設計以評估其視覺效果，並已在試驗結束後恢復顯示屏原來的界面設計。

本署會繼續監察有關顯示屏的運作事宜，適時與巴士公司作出跟進。謝謝你對巴士站配套設施的關注。

運輸署署長
（楊詩琪 代行）