六號幹線有感

s3n370 發表於 2022-4-29 08:17
响承啟道通往中九龍幹線嘅T字路口，
只要行多唔夠一公里，就已經係九展啟福道。
真係下下直駁先至叫做用 ...

但啟福道上將南仲要經過N 個路口

jpoon 發表於 2022-4-29 04:32
真心唔明加多個出入口有乜代價，講到多咗出入口會搞冧其他路咁
諗下啟德體育園大型活動時，會唔會整爆啟祥 ...

唔知你有無聽過一個放諸四海皆準嘅現象：
起多D路，初期係會暢順佐，解決到交通擠塞問題。
但擠塞問題最終會返黎，因為暢順佐會吸引更多車行。

明顯地，無一個大城市，可以有無限用地去起路
（可能係得鄰近經濟強国可以？）。
所以決定條路點起，就要更謹慎。

假設啟德真係可以直入T2公路，
咁就唔止啟德快佐少少去到東九龍/東隧等，
係連紅磡土瓜灣都受惠。
原本剩係紅、土經啟德往返九龍灣有著數，變佐往返整個東九龍/港島東都係。
啟德會比今日有更多路過嘅交通入去。

咁有“遠見”嘅你，應該會預視到啟德一帶會因為咁，
條路要起得更闊，即係少佐地去做其他用途。
呢D後果係咪唔駛理會？

啟德好在佢三面貼住土瓜灣、九龍城、九龍灣。去呢D地方係方便。
但呢個好處同時帶黎難題：啟德駁得呢三區，
就好難避免呢三區本身行開舊路嘅車，
經啟德去第二度，最終搞死啟德自己嘅路。
（又或者要留多D地去起路）
點畫D路，俾邊D車路過係極難平衡。

又如上水粉嶺得兩個公路出入口去落馬洲，係唔理想架。
之不過，如果粉嶺都整埋，連呢段路嘅交通都要互相穿插，令條公路無咁暢順。
又係咪一面倒地好呢？



大型活動嘅交通，一般唔會同繁忙時間重疊。
進場同離場時間，唔會所有人同時黎或者走。
更何況主辦單位可以用唔同手段，控制人潮。
你幻想嘅打爆情況，應該幾難出現。

da87 發表於 2022-4-27 20:19
出入口古靈精怪只係重覆返青沙嘅錯誤

青沙嘅問題在於當日起佢果陣，
興建青沙嘅主要目的之一---直駁貨櫃碼頭---嘅需要大不如前。
只係因為佢仲幫到手連繫新界東同機場，咁仲勉強值得起。
而佢衰極都好，起碼無搞衰其他道路嘅交通。
今日多佐人識用，使用率算交到功課。

最大鑊其實係中環及灣仔繞道，
西邊切斷佐林士街天橋直入畢打街隧道。
東邊嘅東區走廊亦唔見得好佐。
所以先至要急急腳研究點駁番畢打街隧道，
同埋叫停東廊嘅後續改建工程。

而據知因為呢單野，
所有興建緊及規劃中嘅公路，
都要即時檢討出入口安排。
臨通車前又要再睇。

icecone 發表於 2022-4-29 17:20
但啟福道上將南仲要經過N 個路口

算吧啦，佢一心諗住現有道路夠應付到，又諗住新路開咗啲車會行新路舊路會少咗車行，無諗過啟德會有新增交通需要，更加睇唔到而家起動九龍東已經搞到成個九龍東啲路半死，再同佢拗都嘥氣
佢仲要覺得而家啟德嘅路係無問題，仲拗話起多啲路會佔用咗空間更加好笑嘅係佢以為啟德體育園係幾百人咁，話佢搞活動同繁時錯開就無問題，香港大把例子證明佢錯啦，搞七人欖球賽可以令成個銅鑼灣塞死，仲累埋香港仔隧道要間封，就算係近近地MegaBox，一到假日條車龍都可以整死周邊道路啦，佢竟然覺得一條承啟道就夠
再拗落去都無謂，都費事再回佢了

s3n370 發表於 2022-4-29 18:39
青沙嘅問題在於當日起佢果陣，
興建青沙嘅主要目的之一---直駁貨櫃碼頭---嘅需要大不如前。
而佢衰極都好，起碼無搞衰其他道路嘅交通。
今日多佐人識用，使用率算交到功課。

無搞衰其他路？Are you joking？大埔公路二合一塞車位原來響你眼中係無嘢嘅

最大鑊其實係中環及灣仔繞道，
西邊切斷佐林士街天橋直入畢打街隧道。
東邊嘅東區走廊亦唔見得好佐。
所以先至要急急腳研究點駁番畢打街隧道，
同埋叫停東廊嘅後續改建工程。

根據你嘅理論，起多個出入口唔係嘥位嘥錢咩

駕駛者由A點去B點可以有好多考慮，最短距離唔等於用最短時間，
例如西九龍公路(三幹)去紅隧，大部份人會揀油麻地出口經渡船街上加士居道天橋，
但經過兩大塞車交匯點(駿發花園同理工8期)，部份人會選擇尖沙咀出柯士甸道西直插理工，
康莊道掉頭入紅隧，可以避開左cut右cut，但柯士甸道燈陣都唔係講笑。
有部份會經佐敦道上加士居道天橋，但由於而家只可以揀民安隊後面條小路出，要停多個路口少左人揀。
仲有一個選擇唔怕兜多啲里數，經連翔道下行通道、九龍公園徑、梳士巴利道、康莊道掉頭入紅隧，
因為九龍公園徑南行、梳士巴利道東行、康莊道北行甚少塞車。

中九龍幹線通車後，去紅隧一係行返舊路葵涌道+西九龍走廊，
一係三幹提早落連翔道+渡船街+加士居道天橋，一係就尖沙咀出口+柯士甸道。
六號幹線目標係中九龍幹線、T2幹道、將藍隧道一齊通車，上次去參觀T2社區聯絡中心果陣問過職員話進度最慢係T2幹道。

jpoon 發表於 2022-4-29 16:46
無搞衰其他路？Are you joking？大埔公路二合一塞車位原來響你眼中係無嘢嘅

當初青沙嘅設計係預計有埋T4公路，請問而家條T4响邊呢？
又，請問中環及灣仔繞道，係通車幾耐之後爆鑊？
大埔公路二合一呢個位，通車起計隔佐幾多年先至so called出事呢？
你成日都話要睇長線，唔可以短視，
咁隔佐咁多年先So called衰，係咪可以入哂青沙數呢？

你提青沙嘅例子反而印證佐呢一點：
小弟一路強調公路有問題，一定係交匯位出事，
所以一定要謹慎去加去擺。

至於贊唔贊成起多個公路出入口問題，
啱啱先至唔認同封閉小欖交匯處嘅言論，
甚至指埋中九龍幹線西面嘅出入口有問題。
小弟一路以黎，都係睇條路定位做乜、
用有無需要、称下好處多定壞處多等等去論，
幾時有一刀切話浪費？

那怕你唔認同都好，至少我會深入講下我嘅論據。
而你呢？除佐一味話好多人、兜好遠、有冗餘、要睇長遠，
但唔係深入少少都欠奉，就係失實甚至係自相矛盾。
咁都算，仲淪落到含血噴人都有架？

你响度嘅年日唔少，睇怕唔係放暑假一族。

成熟D啦

icecone 發表於 2022-4-29 09:20
但啟福道上將南仲要經過N 個路口

啟福道起計，去寶邑路/寶順路跨灣連接路入口，
只係過多一個迴旋處咁多。
康城嘅跨灣連接路入口呢？
多4個（蓬萊路、百勝角路、康城路、石角路），
仲要係去工業村，先至真係捱哂呢4個。

搵到咁細微細眼先至搵到有好處，係咪值呢？

jpoon 發表於 2022-4-29 16:45
算吧啦，佢一心諗住現有道路夠應付到，又諗住新路開咗啲車會行新路舊路會少咗車行，無諗過啟德會有新增交 ...

其實你係咪剩係識得吹水唔抹咀，一味作大？
同埋選擇性失明，對自己無利嘅完全無視？

銅鑼灣無佐大球場係咪水靜鵝飛？啟德嘅體育園，有哂通道去港鐵站，你話D人搭乜車多？你當人潮管制係無到？

Megabox嘅車龍，就算我之前假日揸車去Megabox又好，
經觀繞落宏照道出偉業街（再去龍翔道）又好。
係呀，觀繞落黎入Megabox係塞架，但除非你係入Megabox，
頂多係等多一兩盞燈，都一定走到。
西邊入黎嘅，經機隧嘅通常好少頂到出啟福道，太子道黎嘅，頂多排到常怡道零碳天地。
請問點影響到隔佐一截嘅啟德呢？

你話啟成街、啟信道、啟華街同宏光道呢個loop無限輪迴打困龍，就話會頂住啟德出黎嘅車啫。
睇黎你連九龍灣係點，都未搞得清喎

最後，舊路嘅車分咁D行新路之後，
有空間真係唔可以再俾其他車行？

s3n370 發表於 2022-4-30 06:19
啟福道起計，去寶邑路/寶順路跨灣連接路入口，
只係過多一個迴旋處咁多。
康城嘅跨灣連接路入口呢？

又係行舊路既問題
去康城計多4個路口同約長1.5公里
當然唔係接受唔到，但起得條新路緊係想物盡其用，邊有人想兜路行返舊路