運輸署建議改善元朗博愛交匯處交通安排

就算理順左博愛迴旋處，只要經青山公路元朗段入元朗大馬路/元朗工業邨車流唔減少，
一樣會tailback返去迴旋處，我覺得反而要起元朗北繞道直入東頭工業邨，不過肯定涉及收地同環保問題(濕地)。
而家博愛迴旋處車流好多都係由6點入3點出，變相要行晒3/4個迴旋處(尤其南北行)，即係除左要等3點鐘方向啲車，
仲要等埋6點鐘方向啲車，南行有時更加要等埋9點鐘方向返入元朗巴士入博愛醫院，
要等有空擋仲要睇定圈內車輛動態先入得迴旋處，少啲駕駛經驗都未必有信心。

還有一點就係YOHO MIDTOWN 商場停車場入口必須經博愛迴旋處，呢點同APM類似，
好多時因為排隊而頂返入迴旋處，減低左迴旋處效率，但基本上呢個係無得解決。

on11358 發表於 2022-5-10 11:33
只係因為而家好多駕駛者(包括職業司機)判斷力都好參差，Free flow仲差過用燈去控制。

...

咁任何情況任何時空下，
總有新手老師傅、敏捷慢一拍嘅司機並存喎。

就算判斷力好，避免唔到大家同時想讓，或以為對家會讓。

s3n370 發表於 2022-5-10 19:52
咁任何情況任何時空下，
總有新手老師傅、敏捷慢一拍嘅司機並存喎。

閱讀人地駕駛者能力，首先要做足打燈動作，望下對方個頭向邊個出口，簡單而言就係路面駕駛經驗。

on11358 發表於 2022-5-10 11:55
閱讀人地駕駛者能力，首先要做足打燈動作，望下對方個頭向邊個出口，簡單而言就係路面駕駛經驗。
...

人人都肯打燈就係。
問題係好多車似乎長期壞指揮燈，
到驗車果下就不藥而癒要大多數司機都肯好好利用盞燈，咁先至判斷到。

當然公平D講句，又有大把司機怕蝕底，
一見前面打指揮燈就即刻大腳油鏢前攝位，
咁都好唔健康

又，多D司機肯望多幾眼，行內圈其實唔難。

s3n370 發表於 2022-5-10 20:04
人人都肯打燈就係。
問題係好多車似乎長期壞指揮燈，
到驗車果下就不藥而癒要大多數司機都肯好好利用 ...

因為好多駕駛者覺得打燈人地就會篤油，變左打燈好蝕底。

on11358 發表於 2022-5-10 19:47
就算理順左博愛迴旋處，只要經青山公路元朗段入元朗大馬路/元朗工業邨車流唔減少，
一樣會tailback返去迴旋 ...

而家yoho對出兩大車流
1.經青公入元朗南 2.入yoho
入得工業邨果啲一早安樂路上橋
而家元點橋底好似整緊回頭路,到時經燈位右轉使用量應該減幾多
同時鳳翔路周邊鳳攸北街建樂街改單向應該少許幫助

YOHO MIDTOWN倒灌就真係無辨法
當初將兩個巴士站一齊塞入YOHO MIDTOWN條路,對出青公未必咁塞

on11358 發表於 2022-5-10 12:12
因為好多駕駛者覺得打燈人地就會篤油，變左打燈好蝕底。

真心唔明慢一兩個車位，真係輸蝕得咁緊要？

YY487 發表於 2022-5-10 15:01
星期日下午五點經過博愛交匯處
青山公路西行條下通道龍尾喺朗善邨
有冇版友知點解會塞得咁誇張？

元朗嘅車塞番出黎
衰起上黎十八鄉交匯處都會塞

如果癥結係太多車入元朗，除了各左轉路口加專用線外，可否將元朗公路南行入迴旋處改成只准巴士小巴使用（也可考慮設時限），其他車一律上橋經十八鄉交匯處或左轉經凹頭迴旋處調頭／欖隧車醒目就經高埔出？