堅決反對合併成793

214P_world 發表於 2022-5-13 01:40
中九龍幹線油麻地有出口直入彌敦道嗎？中九龍幹線去大角咀/南昌站一帶先至方便
...

中九龍幹線九龍入口可經麗翔道, 三幹南行同北行進入而九龍出口可經連翔道北行同南行, 三幹北行同南行離開

如果要行中九龍幹線去彌敦道, 最直接似乎都係 287X 走線

Ravenclaw 發表於 2022-5-13 04:03
其實有樣野我淋唔明，點解唔將深水埗GROUP九龍灣做(行太子道界限街)，旺角GROUP長沙灣做(行西廊Argyleo街) ...

油麻地依家除左 93K 去將軍澳係冇服務喎, 你咁樣 group 法一樣係冇車做油麻地, 既然擺得車落去點解唔做大d個服務範圍
至於應唔應該用呢堆線做九龍灣呢... 其實依家 795X 唔係做唔到九龍灣, 不過得一個站, 就係九展一帶o者, 深入去宏照道果邊就真係冇喇
單純講 795X, 796C 分工, 個人認為係唔應該將是但一條線改入九龍線內街, 因為始終都會拖慢左依家既客, 真係想食九龍灣客既話反而應該用 793 食 797 做旺角 <> 九龍灣既客

咁岩小弟兩頭住家就係將軍澳&長沙灣, 返工又返正九龍灣, 岩晒位講兩句

其實成個組合都係睇賣點, 從將軍澳人角度出發, 絕對樂見有新線肯做將軍澳來往彌敦道呢個N年盲點！
原因幾版前已經有版友提過, 真係唔多人係家樂坊一帶食完個飯仲咁天真行去旺角道坐架唔算密既796C, 更唔講296C係同一條街唔同站, 根本就無得叫雙飛~
用下同理心都會明, 當你身處一個掂到油麻地站, 沿路仲有旺角位既位置, 幾多百米你都好難再向前行多半個地鐵站走去等班次疏N倍既巴士的, 我都試過同女友係寁樂坊果邊食完飯返歸, 女友唔太想行&企第一件事都問有無巴士返將軍澳, 我同一個住左好耐坑口既同伴都只能無奈答, 將軍澳真係唔方便, 油旺係唔會有車返去的, 呢點係仲衰過大西北~
所以呢段路對將軍澳人黎講, 區內就算兜都必然有充足的吸引力, 只要班次唔大甩&站位唔出事就問題不大~
如果步行係可以解決站位唔方便既問題, 咁而家堆線就唔會相對上咁少客啦, 搭得巴士梗想舒服ga~
至於咩機隧塞車, 算吧啦, 紅隧夠塞啦咪一樣大把人坐巴士過海, 只要車上有舒適既位置就可以減弱呢個缺點, 搭鐵真係一係企到跛, 有得坐都坐到8月15爛呢~
舊線入九龍灣, 其實megabox唔塞停車場就得返下繁偉業街會成為問題, 不過唔好忘記, 條線係兩個總站, 有D野仲要從另一邊總站區睇返過黎, 呢樣野下面再講~

站在九龍灣商貿區, 其實呢頭只要唔係EMAX果邊上車就去邊都出事......所以有條全日線落去呢個位都係好事黎~
而且咁岩落去果條線係兩邊沿路都係盲點黎, 小弟之前住長沙灣時已經比人問過N次收工搭咩去深長荔會方便/快, 我永遠都係搭算吧啦, 呢個路程你點諗都無車, 點轉都唔會快, 甚至揸車/搭的士都唔會快過出去轉車幾多~ 因為除左的士, 呢頭你要肯行先會有24出MK, 一係你就等條唔會有班次唔知幾時有車到既仲要收你$11去到megabox都仲有可能要過車陪塞既紅van......所以呢條793既走線點講都算不上差, 是還可以的~
反正係MEGABOX走, 較時間797上將轉轉車又係死, 賭110/A反而可能仲快仲方便(110最近係EMAX油站果度都加返站, 下繁成日都吉車黎滿車走)
然後到出彌敦道, 無野講啦, 之前都有版友講左, 我既結論係搵條替直線比我地出彌敦道先再講而家呢兩條新線走線有幾差幾慢, 始終一條線真係唔係淨係做你單向將軍澳的~

站在深長荔既角度, 直D講句, 796C轉793之後係會慢左, 但個想法係慢左既時間係咪真係不可接受先??
以793將會做到既工作黎講, 非繁行多5-7MINS左右去睇就絕對唔係不可接受, 而所謂既繁時亦都好兩睇, 一來旺角多左條唔慢既795X(多數都係吉車過到黎), 二來796C下繁長沙灣段出客有限, 主力都係做太子旺角九龍城, 而後者又有架更密既796X互相補位, 咁從長沙灣返將軍澳既角度黎講, 其實影響唔係好大的~
但對長沙灣黎講, 終於有條線入九龍灣呢忽仔沙漠, 而且只係用一個唔太影響自身出行車程既結果去做, 都係一個good deal黎~

我唯一從巴士角度諗到既所謂缺點, 就係唔少人講既所謂旺角特快角色, but come on, 好似從一開始佢都唔特快得去邊, 轉no.之後直頭話你知佢都要行返偏流水既方式試行, X呢樣野交比795X做, 咁即係果個位既"旺角特快"出黎條數係巴士公司黎講係, 一係就客未夠多、一係就錢唔夠多啦~
而家已經好難要求人地做住一條平但唔慢既角色喇, 咪睇下比貴左係咪好左囉, 係好左既再貴D都肯比！

東鐵過海後，新巴大巴車多出黎，唔爭在繁時再加資源開 793P，行翻 796C 條路，飛咗九龍灣，現在繁時搭開 796C 的乘客就唔受影響。


就算唔開都好，原計劃:
1. 加咗最少 10 部車落去
2. 多咗條全日路線
3. 提供雙向分段收費
4. 服務範圍大咗

要去到「堅決反對」嘅理由要好充份先合理！

用最少車又想做夜晚食完飯返將軍澳果水油麻地客，可以考慮行太子道入，經哂彌敦道太子旺角油麻地再加士居道出，咁就用最少車做到夜晚最旺果段彌敦道，可以避開西行漆咸道交叉位。缺點係會變左做循環線。

Citcalag 發表於 2022-5-13 19:06
用最少車又想做夜晚食完飯返將軍澳果水油麻地客，可以考慮行太子道入，經哂彌敦道太子旺角油麻地再加士居道 ...

淨做彌敦道又唔得
因為長荔深非繁/ 晚間又真係有唔少客上落
（雖然我都唔知啲客邊度嚟）

stevechau 發表於 2022-5-13 14:50
咁岩小弟兩頭住家就係將軍澳&長沙灣, 返工又返正九龍灣, 岩晒位講兩句

其實成個組合都係睇賣點, 從將 ...

110/A小巴......

你等得到佢真係要講聲恭喜。

AE367 發表於 2022-5-13 20:38
110/A小巴......

你等得到佢真係要講聲恭喜。

晚繁會有110A吉車喺九展截796P客
通常都會打爆上跑道

stevechau 發表於 2022-5-13 14:50
咁岩小弟兩頭住家就係將軍澳&長沙灣, 返工又返正九龍灣, 岩晒位講兩句

其實成個組合都係睇賣點, 從將 ...

只拉長5-7分鐘呢部分值得商榷

撇除增加距離帶黎既額外行車時間

係交通燈方面黎講
加停九龍灣既代價係加4盞紅綠燈
遇上四盞全紅已經唔止增加7分鐘
況且常怡道宏照路路口交通燈係繁忙時間可能要等最少兩組燈先過到

係交通流量（塞車）方面
a. 觀塘繞道西行九龍灣出口係經常性塞車
往往橋面慢線係要拉手制停車
如果下下都要行慢線入九龍灣 而唔係中線直出九龍城
增加既時間隨時係5分鐘以上

b. 偉業街觀塘道交匯處北行更加唔洗講
繁忙時間必塞
坐過797一定知咩事
5分鐘逃脫到果度係好彩

如果只係增加5-7分鐘行車時間
我覺得可以
但係實際上絕對唔止5-7分鐘

797自從伸長去新蒲崗脫班嚴重左幾多
每一轉車用耐左幾多時間
等車增加左幾多不確定性
相信坐過既大家一定唔陌生
前車之鑑 後事之事
食過屎都知難食啦係咪
新巴仲要差隻腳入去
真係自掘墳墓

小弟近期收到凱婷復信，當中第一段寫「根據巴士公司提供的行車紀錄資料，行經九龍灣商貿區預計會延長行車時間約5-7分鐘。運輸署理解延長行車時間或影響現時部分乘搭第796C號線前往蘇屋方向的乘客，但乘客亦可選乘行車時間更短的第795X號線往來旺角及蘇屋一帶，預計該線較現時第796E號線節省約15-20分鐘。」

小弟唸左唸發覺唔對路

1. 新巴網頁上官方顯示795X行車時間係75分鐘。

2. 若運輸署指「第795X號線往來旺角及蘇屋一帶，預計該線較現時第796E號線節省約15-20分鐘」， 即是說由清水灣半島開始乘坐796E線往蘇屋一帶需時為795X號線行車時間加上運輸署所說的15-20分鐘，即75+15 = 90分鐘。

3. 新巴網頁上官方顯示796C行車時間係73分鐘。

4. 而796E與796C號線在清水灣半島至蘇屋一帶的分別正正在於796E線需繞經九龍灣，所以得出796E線比796C線慢約90-73 = 17分鐘

運輸署所講既「行經九龍灣商貿區預計會延長行車時間約5-7分鐘」說法不攻自破