你講 795X 丫嘛, 咁咪分享下依家 795X 既情況, 早繁得一班車 0740 將軍澳開, 冇第二班架啦, 呢一班車 795X 落旺角時間係算早, 一般都係 0830 內, 不過如果去美孚荔枝角一帶返 9 點就差唔多架喇小弟係不嬲好贊成開多 1, 2 班車試下水溫既, 依家得一班車既情況下, 只會試到返某一個時間既客量夠唔夠, 唔岩時間既就唔會搭, 有足夠班次 cover 到成個早繁既時段, 咪知道條線係咪真係受歡迎囉
閣下講果d情況, 小弟又分享下我知道果d, 早繁亞皆老街, 窩打老道情況, 起學校正常返學既時間一樣係多車, 又多死車, 順就一定順過死亡交叉, 不過係咪會快過呢, 小弟就有以前數據
796C 0727 清水灣半島開, 通常 0820 左右起旺角通菜街 (依家 0727 果班依家冇左架喇, 比屎水收到得返 0700, 0730, 0800)
796X 0740 清水灣半島開, 通常 0830 左右去到旺角街市
東行小弟就真係好難認同你既講法, 就算講緊成個下繁, 795X 同其他幾條大線既行法 (衛理道, 山谷道, 東九龍走廊, 啟德隧道, 九展) 根本就好少會塞死, 衛理道去山谷道果段小弟起你引用個 post 講左, 東九龍走廊塞係因為啟德隧道慢線九龍城出口多車塞返上橋面, 不過多數都係慢溜好少會塞到停車
你話 5P 快過 5X, 5X咪就係要塞九龍城出口囉, 101 快過 215X 仲離奇, 首先馬頭圍道唔順燈, 世運迴旋處下繁又例牌塞車, 不過 215X 都有弱點, 宏通街個站比 megabox 燈位頂死, 偉業街同觀塘道下繁一樣塞車, 不過呢d全部都唔關死亡交叉同東九龍走廊事, 講到尾, 你舉呢d例子有幾常見係一個問題, 而呢d例子既出現又係咪 apply 到落 795X 同另外幾條行啟德隧道既大線又係另一個問題
795X 呢條走線點解將長沙灣旺角油麻地客「炒埋一碟」? 因為呢幾區依家都係 796 系既盲點囉, 795X 叫做係 796C 既補位, 795X 如果跟你講太子道西走, 一樣要加車落去做但做唔到油麻地, 而如果要改 796C 經油麻地走唔行亞皆老街, 一樣要行你講既死亡交叉, 因為油麻地返將軍澳本來最快本來就係 795X 定線, 不過亞皆老街都有唔少客搭 796C, 睇怕 796C 一樣改唔到, 到時油麻地又繼續真空
你講緊「值唔值得倒多 10 架車去做 795X」呢個問題, 都係果句啦, 小弟覺得唔係值唔值得倒車去做 795X, 而且倒得車去搞就應該要一次過搞埋其他線, 我起 F1 板有個建議一次過搞埋 797 同 793, 呢度唔多講, 不過如果可以好好利用返 797 既資源, 呢 10 架車個人就唔覺得係咩大問題
|
