尹光一首 "真真折墮, 我揸架十四座", 唱出香港小巴佬嘅揾食艱難嘅心聲,
就算今時今日小巴已經加至十九座, "十四座" 呢首尹光之歌依然深入民心,
揸小巴係咪真係折墮外行人未必會知,
但係如果話依家小巴越出越大架越來越舒適就應該冇人會反對,
七十年代日產 Echo 十四座小巴大行其道,
直至八十年代三菱引入全港首架有冷氣嘅 Rosa 十四座小巴,
從此搭小巴都可以嘆冷氣, 公共小巴從此亦起革命,
豐田亦不甘後人引入 Coaster 十四座小巴,
而豐田 Coaster 更成為今時今日嘅香港小巴龍頭。
最近 Tiny 推出嘅豐田 Coaster 十四座小巴, 正正重現當年喺香港嘅風光歲月,
你冇睇錯, 當時新車初出道果陣係用細牌箱嘅,
記得果陣亞嫲帶我去紅磡差館里截小巴去九龍城或者官塘,
坐中呢款小巴嘅感覺係非常新鮮, 印象中冷氣十足,
舊日產冇冷氣真係要靠邊企啦! 除左紅小綠小之外,
九巴同九鐵巴士部亦曾經引入長陣版嘅 24 座 Coaster 中型巴士,
Tiny 出左呢架咁醒神嘅 14 座, 唔知有冇機會起 / 改模出埋九巴呢?
香港的豐田小巴
香港紅小
Thanks for reading~ |
