覺唔覺得香港人對鐵路偏見問題已經好嚴重？

12Lane 發表於 2022-6-27 23:15
唔係極不吸引，而係帶住一家大細搭車係極不方便。
淨係講大時大節/拜年，帶住一老一嫩出去等巴士，迫到 ...

新加坡養車難度高，但搭公共車舒服過香港唔少
至少大部分巴士線做到15分班有車，睇下新加坡啲巴士相會唔會下下雙層企人頂閘？
地鐵東西線南北線長途雖然唔快，但唔難有位坐
市區地鐵網亦一路有擴展
利申去過幾次新加坡，大部分車程搭公共交通

香港啲巴士，多幾個吉位，啲巴士迷已經係咁鬧坐唔滿要減班
想開村巴，甚至現有村巴，都俾巴士迷酸提子大帝論
地鐵好似起咗好多，但市區網絡都未有耐夠用，將軍澳線樽頸咗廿年都嚟緊，北港島線仲喺度紙上談兵
東九龍線都仲係諗住去到鑽石山就算，永續逼觀塘線

同香港交通迷講改善交通，就係地鐵大巴盡量逼到運豬車，話之幾逼、幾疏車、轉幾多次

非常同意樓上版友所講，成家立室，有能力嘅朋友，買車俾屋企人舒服啲出行
身邊就算巴士迷朋友，都愈來愈多人買車
亦有朋友一直無考車牌，而家有小朋友就覺得搭車難搞，結果都經常call的士uber