運輸署落實將74P和272X線提升至全日服務

kmb71k 發表於 2022-6-7 00:05
白石角一路都起緊樓
將來唔會少

白石角淨番未發展既地其實唔太多，而且堆私樓低密度每棟得10幾廿層，人口都係3萬咁上下。

TPCYP 發表於 2022-6-6 22:04
其實74P富蝶富亨新興+白石角科學園都夠客啦，食曬74X盲點, 唔駛下下都經大中廣福。非繁20分鐘一班定點應 ...

７４Ｐ改富蝶做總站，做到太明，擺明同招標線打對台，富亨開出好一點。

jocosben 發表於 2022-6-6 22:43
白石角人口咁少，點解可以咁多全日線

試吓諗一諗74P和272X經過的大埔中心, 大埔超級城, 雲匯, MOKO, apm, 加埋九巴母公司之間有咩共通關連,
就知道唔係人口多少問題

Choi 發表於 2022-6-6 22:05
其實爬山同兜白石角一樣要花時間，但大窩西可以同73A夾時間，兼且上路恢復去觀塘服務，順手將沙田段推比8 ...

觀感上已經輸哂否則埔公線唔會頹到呢個地步

ricky 發表於 2022-6-7 00:13
７４Ｐ改富蝶做總站，做到太明，擺明同招標線打對台，富亨開出好一點。
...

唔知條招標線點set，但我覺得運吉有責任落閘，太似招標線唔可以俾九巴開；或者開左之後但唔中標要讓返條線出黎。唔可以俾佢濫用左個地區優勢而影響招標線嘅服務範圍。
下下用左自己個優勢插左旗先，咁對招標線中標者唔係咁fair

成件事越黎越亂，不論對大埔定白石角一帶都係。
唔係越多線就代表越好：
-> 線多班次多，每班車唔夠客蝕錢，最終加價，乘客硬食返；
-> 線多班次疏，香港地有幾多聯合班次既成功例子？最終就變左「聯合到站班次」，然後一個唔好彩，等半粒鐘先有班車。

*****
大埔：
1. 狗公對大中、廣福有偏好就真架啦。唔係唔理解既，畢竟大中同廣福係人口集中處，除左72X叫做麻麻之外，其他線如73X、74X、271架架都爆哂咁。
2. 問題係，呢兩區多客，唔代表其他地方無客喎。太和都叫同黨鐵打到正，無心打都算；富亨、富善呢？運頭塘呢？
3. 最搞笑係而家74P提全日，竟然繼續擺落大中。背後原因當然係抽74X車，所以擺大中用黎塞返住大中班客既口；另外就算唔行廣福道，都要沿南運路做埋落廣福，亦都係要塞住廣福人把口。
4. 結果就係74DPX都做哂大中同廣福，有咁既必要咩？
5. 講到尾，郊區 / 新區多左人住，唔該加車去做，唔係下下都抽74X資源去做，搞到三不像。

****
白石角、科學園：
1. 呢到仲搞笑。屈指一算，可見將來，或會有4條全日大老山線經呢區：74D、74P、將埔、富蝶油塘。如果將埔入標都入全日，咁富蝶油塘兩間公司更加無可能只做繁時。
2. 問題係，有咁大需求咩？4條去大老山，當中3條去觀塘，有必要咩？
3. 到頭來，咪又係條條30 / 60 分鐘一班，一個唔好彩幾條線一齊到站，然後又要等返半粒鐘先有車。

*****
既然玩到咁，倒不如認認真真幫幾條線重新分工……
-> 九龍坑、大窩支、康樂園外、（吐露港）、埔公（松仔園、中大）、大老山、彩虹、觀塘（繁時30；非繁60，擺明係hea做塞哂呢兩個郊區把口）
-> 富蝶、富亨、富善、新興、大老山、彩虹、觀塘、油塘（半全日，繁時15/20；非繁30，行觀塘道，咪再重複33/33B/78X既錯誤）
-> 太和、大中、新興、大老山、彩虹、觀塘（繁時6-8；非繁12）
-> 運頭塘、舊墟、廣福道、大老山、彩虹、觀塘（繁時8-10；非繁12-15）
-> 優景里、白石角、科學園、大老山、彩虹、觀塘（繁時10-15；非繁30）
-> 74E/F 大致不變，但74E回程可以不入大中五期

解說：數下數下，其實74系即將會有4條全日線（74ADPX，唔計74K啦 ），以74X做主軸，其餘ADP近乎以60分鐘一班鄉郊形式處理，但成個大埔仍然有唔少地區無車來往東九龍。既然如此，倒不如「4拆5」（唔計74E/F/B/274X）去服務埋其他盲點。

另外點解白石角、科學園線要獨立成線？唔驚唔夠客咩？
主要有兩個原因：
1. 可見將來，白石角都係以低密度發展為主，非繁應該只能以約20-30分鐘形式維持服務。但如果搭大窩西（即現74D）又或大尾督（即74E/F），呢兩個鄉郊區根本唔需要咁密既服務（甚至未必需要非繁服務），咁只會做成資源浪費。
2. 而對其他區域（廣福又好，大中又好，甚至富蝶亨善都好），要佢地陪兜白石角，邊有人願意？雖則富蝶亨善而家無全日線去東九，理論上搭埋白石角做，班客都無得好怨。不過我相信富蝶亨善加埋新興，足夠做半全日有餘。
3. 更重要既係，白石角既道路網問題。如果搭埋大埔任何一個區域做，為左唔好浪費咁多時間於白石角一帶，必然採用最直接既走線（即創新路直出直入）。但一來黎緊優景里會有發展項目，二來白石角沿海既屋，要行出去創新路坐車，又係咪咁方便？咁倒不如專心俾一條獨立線佢地玩好過，擺優景里，仲要兜埋天賦海灣甚至逸瓏灣，另外可以入埋科學園路，唔駛下下要科學園班友行出創新路坐車。4. 簡單黎講，就係送條專線俾白石角你玩，但唔該唔好再瘋狂打劫大埔資源，逼大埔人下下都要兜落白石角先安樂。

Neutroginger 發表於 2022-6-6 19:36
狗巴: 狗籠坑算把啦

不過又調轉講, 74D 貴過74P , 加74P 算有良心

[GAG]每年春秋二祭之時，74D於九龍坑總站都可以坐滿半車人走～[/GAG]

Neutroginger 發表於 2022-6-6 19:53
有73 出黎轉74X 你唔去搭
你走去死等一個鐘既74D
仲要貴D

月票客：唔使睇價錢牌，計少一程車喎～

天空之神 發表於 2022-6-6 21:58
係都 73D 食 43P

走線上，43P要兜第一城，大埔客肯兜完白石角再兜第一城先上公路？

石頭 發表於 2022-6-7 01:57
走線上，43P要兜第一城，大埔客肯兜完白石角再兜第一城先上公路？

咩年代呀師兄

一早改左大學站直出城隧啦