九巴87D調整班次

Ricky403 發表於 2022-6-16 11:08
馬市唔想搭巴士仲可以樓下上屯馬綫
後山仲要駁多程車出黎
成個交通組合睇，兩繁後山比馬市巴士服務好先至 ...

本身早繁87D係拆線，呢點前朝已經行先一步，我亦都唔反對後山87E直出做大佢，取代87D錦英特，有客就加強服務，我認為冇問題。我經常強調一樣嘢，唔應該淨係焗限於繁忙時間做嘢，非繁忙時間應該一視同仁，做得好嘅分流、絕對唔介意減班換提速。

你都識講公平，係，選擇上係公平咗，但走線就差天共地，咁樣仲可以叫公平競爭？先唔講旺角去獅隧可以點先合理地快，山腳唔出聲、唔代表認同咁樣兜法，有可能對佢地嚟講 巴士車程 比 鐵經屯馬綫加行返屋企 差唔多、亦有可能覺得未去到烏溪沙嗰種走少段路快成15分鐘，所以眼見仲有人唔介意搭87D。如果淨係一味諗，搭87D=唔介意兜、提完速都慳得唔係好多時間，連水溫都唔試下，就一刀切落閘，連upgrade換提速嘅機會都冇，長遠只會跌哂落屯馬線，九巴真係想雙手送走呢嚿肥豬肉？


經常有人提，87E行油站耀遜樓有站嘛，係、地圖黨睇落係好近，其實行過嘅都知就唔係咁好行，雅景臺住客都識得經警署嗰邊大門口出、過馬路落行人隧道再入3期大街上天橋去新港城，而我記憶中亦有人提過988警署門口嗰一對站、係意外地吸到新港城嗰邊啲客落車行返去，走馬鞍山路吸市中心客唔係問題，重點係要合理，而唔係不負責任地拋低一句「有耀遜樓咪得囉」呢啲說話。

RyanPun 發表於 2022-6-16 13:47
本身早繁87D係拆線，呢點前朝已經行先一步，我亦都唔反對後山87E直出做大佢，取代87D錦英特，有客就加強服 ...

當年87D早繁馬市開出班次係叫87X，耀安直出濱景但要入銀城街，之後開左281A先行返沙田路，到2000年就變左87D特班。
如果話耀遜樓同雅景台有站就叫做埋恆耀，勉強都可能得住耀謙既會接受，但其他座一定唔會支持，哪怕係恆安？

BTW未來馬鞍山想做快線，其實都係要靠十四鄉發展，40E同X89D走線將會係參考。

edhong 發表於 2022-6-16 08:55
獨起邊度？一拆二仲有條281B起度

281B係補到大圍去油麻地,但仍舊補唔到去富安,77區呢2個獨市位(雖然可以坐馬鐵去,但會好吊腳).

edhong 發表於 2022-6-16 15:47
不過講完，有關嘅區議員一係同大水坑老友鬼鬼，一係就沉默是金，然後各散東西，起度吹完就算啦，唔會有人fo ...

而家冇左容帝，馬鞍山班議員咪可以任數大水坑巴士