都會票 出閘食卡，票務處話 冇入閘記錄，要扣多一車程

港鐵都會票 出閘卡card/食卡。要通知職員處理。
半年前也試過一次，佢打開閘機交番張飛比我就走得。


今日 唔好彩，第二次食卡 。
(我好少在南昌D出口果邊出閘，加埋唔夠5次，但又係同一部出閘機食卡、維修真差啊！)。

職員打開閘機，同上次一樣，我見到張 都會票卡在閘機 出口處附近。

今次要跟佢去票務處，個肥妹職員話 ：「我張卡沒有入閘記錄，問我咩站入閘後，比佢扣了一車程。


我好肯定入閘正常， 捲閘機 仲見到顯示我的剩餘車程 (數字係2x、冇仔細去記)。
100%肯定有入閘記錄。



我會唔會比佢扣多一車程？

有冇師兄知道，都會票 運作原理？

會唔會係，出閘機已經count咗我出閘，所以再去票務處check飛，咪會冇咗之前 入閘記錄囉。

都會票Check唔到 之前的出入閘車程資料呢？



謝謝大家。

你唔即場同佢理論? 事後追麻煩好多

Quanta 發表於 2022-6-19 11:36
你唔即場同佢理論? 事後追麻煩好多

佢哋就是不斷話「冇入閘記錄」，佢仲話有時候會咁。但北角站 係用舊款 捲閘機， 唔拍卡點都撞唔到入閘，我仲睇到閘機 顯示張飛嘅剩餘車程。

如果佢部腦係睇得到，我對上一程車係前日搭過，張飛冇今日嘅乘車記錄 (冇扣過$)，佢哋咁樣嘅對答，就顯然係真實準確 值得信任。

我係搞唔清呢樣嘢

tomy2001 發表於 2022-6-19 12:47
佢哋就是不斷話「冇入閘記錄」，佢仲話有時候會咁。但北角站 係用舊款 捲閘機， 唔拍卡點都撞唔到入閘， ...

最好都係自己每次成功出閘記得剩返幾多程。入閘唔使擺落部機入面，可能晶片記錄失敗？閘機開畀你不等於晶片一定已完成記錄，正如八達通都間中話無入閘記錄而出唔到閘。

28818888

其實港鐵呢種出入閘方式都幾反智

28818888幫到你


喺電話入面你需要講明:
1. 入閘時間及事件發生時間
2. 相關閘機編號
3. 自己張都會票號碼

乘客於下列時間來電，可直接與客務聯絡主任聯絡：
星期一至五 - 上午8時30分至下午6時
星期六 - 上午8時30分至下午1時 (星期日及公眾假期除外)

LH797 發表於 2022-6-19 19:59
28818888幫到你

多謝各位嘅解答，我星期一試下打去問問。
本身不是比佢再扣多一程嘅問題 (我有時都會用剩一兩程)，
我係非常介意佢哋解答 不清楚，兩個女人來夾攻我、堅持話 我冇入閘。


試過用站內嘅 自助車票查閱機， 係睇唔到 都會票 嘅乘車資料(邊一日搭過車、餘下車程)，非常廢。。。


老實講，我又真係冇仔細記錄每次淨番幾多程。 極其量 只係去到剩番幾次 先會留意)。

試過用站內嘅 自助車票查閱機， 係睇唔到 都會票 嘅乘車資料(邊一日搭過車、餘下車程)，非常廢。。。

因為單程/多程車票本身成本較低晶片，儲存資料容量好有限，所以好多詳情都睇唔到。
如果遇正機械故障，的確要靠解讀其他器材記錄先知個咭有無扣/寫到數。


講真，閘機電腦一定有log，都會票就係因為睇唔到詳盡記錄無必要同前線拗。
直接現場要求填表開case留返相關部門查，用呢個方式對數就9成都執得返，睇下到時送張單程飛比你定係賠返張剩1程都會票比你？

p.s. 我都試過石硤尾站某個出閘機，對於年代久遠少少某一批個人八達通係完全無反應其他人用就正常，擺明係config問題。最後都要網站填表開case要人去整機先解決到。

HU6455 發表於 2022-6-19 19:39
其實港鐵呢種出入閘方式都幾反智

反正而家出閘拍卡嘅話，都係出提示叫你插返卡，兼且車飛背面有印到使用方法
點解唔索性將智能車飛嘅出閘方法改做只係拍卡、或者可拍可插呢（至於單程飛同埋都會票最後一程就拍卡會出插卡提示或者可以直接插卡）