本帖最後由 Tre89 於 2022-6-21 15:47 編輯
如果一早36B改快方案過咗,梨木樹有條全日出西九特快線之餘,仲可以用補返36B改快後梨木樹去長沙灣道出現真空位做理由,踢返32出長沙灣道唔駛行晒全條荔枝角道,吸引返石圍角班客搭。
撇除班次疏嘅問題,32站位唔靚亦都好趕石圍角客落去鐵嗰度。基本上多數人出深長荔要去嘅位就集中喺長沙灣道沿線,但32就反智到要專登來回行一大段路去荔枝角道先至有得搭,更加唔好講嗰啲要去北邊元州街、青山道一帶嘅人究竟要行幾遠先到返荔枝角道。當初定線嗰個人真係好有問題,明明只有行中軸線(長沙灣道)先至可以同時兼顧到去南邊(荔枝角道)同北邊(元州街、青山道)嘅客,但係就偏偏要行荒蕪嘅荔枝角道(特別係欽州街以西一段,蔬菜統營處附近人影都冇多隻)倒客,搞到32變成應該係全港唯一一條要行晒全條荔枝角道嘅跨區線。
只可以話,嗰兩條友咁做唔單止人哋區冇得改善,就連自己梨木樹難得嘅改快機會都浪費埋。
|