東鐵線書展加班車

ryandroid 發表於 2022-7-24 23:27
會展站去會展兜成800米先到落橋樓梯灣仔站只係行450米到落橋位
大型展覽嗰陣都係用返灣仔站好
走先用會展搭 ...

其實頭三日少人去，係直入會展廣場入書展，到星期六先要兜華潤大廈入面
如果你係頭三日去，中環廣場天橋左轉會展廣場入書展，路程已經長過會展站鷹君中心天橋入會展廣場啦

以星期六計，就算你用灣仔站去會展，過咗中環廣場天橋都要你行去鷹君中心入口，由果度兜華潤大廈一個圈，行返會展天橋樓梯，落港灣道，邊有得你直接去港灣道咁好

再講，真係人多，其實仲可以玩A出口出站，B出口入站，用埋海港中心個平台做排隊，再誇張啲嘅甚至響華潤大廈叫人落地面打完蛇餅再上返平台

港鐵有諗過書展安排就好啦
我去咗三日，星期六朝早十一點幾去，佢B出口開咗三條上，去到地面兩條上，個樽頸就響地面果層，我幾驚啲人上咗地面後排隊搭上行扶手電梯頂住下面

下午5點走果陣落會展，明明果陣走嘅人仲多人過去書展嘅，港鐵仲係玩三條上行一條下行，結果三條上嘅好少人用，落嘅就勁多人

jpoon 發表於 2022-7-27 04:34
港鐵有諗過書展安排就好啦
我去咗三日，星期六朝早十一點幾去，佢B出口開咗三條上，去到地面兩條上，個樽頸 ...

三上一落我諗佢寧願塞住條街都唔好塞住個站，而且有夜場平價票，7pm前後都可能有人潮到，就費事停電梯轉方向，我估。

DIH 發表於 2022-7-27 12:54
三上一落我諗佢寧願塞住條街都唔好塞住個站，而且有夜場平價票，7pm前後都可能有人潮到，就費事停電梯轉 ...

本身個站月台頭尾窄，又唔夠扶手電梯，由頭尾落月台除咗要行樓梯，過海方向仲要行返月台先落到一層，迫上加迫，令啲乘客個個集中晒響中間扶手電梯上落

三上一落另一個問題係佢上天橋係二上一落，前面都講咗佢地面出口空間唔大，變咗啲人上咗地面後要排隊上扶手梯，多人起上嚟頂住扶手梯口，好易出事；不過星期五、六都無夜場票，所以夜晚唔會有貪平嘅人吧？無論點都好，上天橋散唔切人，好心大堂上嚟就整返二上二落啦
P.S. 睇下某hater又會唔會跳出嚟