菁田/紫田有可能有輕鐵嗎？

toyl 發表於 2022-7-29 09:11
所以前面都話……係咪真係要開咁多拖卡？多返D人手開密少少單卡，隨時係總車卡比原有總拖卡X2少D都會載得 ...

其實唔明點解當初地鐵換車果陣唔改左個車卡長度去，例如20m改做13m一卡，2-3卡一組都未嘗不可

jpoon 發表於 2022-7-27 04:19
好嘢? 慧景軒個彎位，次次輕鐵轉彎都好鬼嘈，唔慌唔好啦
搭輕鐵見有一半人唔拍卡，對乘客嚟講梗係好啦，搭 ...

將所有輕鐵月台加裝出入閘機、幾部高清CCTV對準閘機、並提高逃票罰則，應可大幅減少甚至杜絕搭霸王車情況，如再加上用八達通接駁屯馬綫由免費改為半價（最貴嗰程半價都衹係3蚊幾毫，同港島電車差唔多，但好處較電車更多：全部車有冷氣、行車較快等），上述所有措施執行後相信能令輕鐵「起死回生」由蝕轉賺，到時自然會考慮起新綫，包括以架空方式將507線延長，經54區到兆康！

newlife 發表於 2022-7-31 23:47
將所有輕鐵月台加裝出入閘機、幾部高清CCTV對準閘機、並提高逃票罰則，應可大幅減少甚至杜絕搭霸王車情況 ...

屯馬駁輕鐵改收半價
唔會改善收入
係會蝕得更入肉

係咪曲線回應前面某站友話要拆輕鐵？

tonytsang_hk 發表於 2022-7-30 04:57
其實唔明點解當初地鐵換車果陣唔改左個車卡長度去，例如20m改做13m一卡，2-3卡一組都未嘗不可
...

要諗輕鐵拖卡而家採用非貫穿形，再加上就轉彎而把兩端整窄，某程度係少咗企位同座位，如果連車長都改短，唔覺得新雙卡會比舊單卡 / 新三卡比舊雙卡載得多人

重整班次理順中途班距似乎更實際

cky 發表於 2022-8-1 00:39
要諗輕鐵拖卡而家採用非貫穿形，再加上就轉彎而把兩端整窄，某程度係少咗企位同座位，如果連車長都改短， ...

又或者咁，一抽車連貫通道26米，兩抽駁埋用就52米，但係要加長月台先可以用到
雖然載客效率會低左，但呢種車過波口同轉彎應該會比舊車好唔少

cky 發表於 2022-8-1 00:33
屯馬駁輕鐵改收半價
唔會改善收入
係會蝕得更入肉

財政角度而言，有票務收入（半價）肯定好過免費接駁，而且不會大量流失客源，絕大部份衹會搭最短途接駁，即$4.8（半價後僅2.4，仲平過電車），西北區啲人再窮都冇理由俾唔起2.4一程，況且唔好忘記大量乘客逃票係輕鐵蝕錢最重要因素之一，既然建議所有月台加裝閘機，應可近乎杜絕搭霸王車情況，肯定對止蝕有幫助！

newlife 發表於 2022-8-1 08:22
財政角度而言，有票務收入（半價）肯定好過免費接駁，而且不會大量流失客源，絕大部份衹會搭最短途接駁， ...

當年九鐵做過研究 輕鐵月台空間根本裝閘機根本承受唔到人流
同埋 你一郁免費轉乘 代表住長途線要加資源

he_01 發表於 2022-8-1 08:41
當年九鐵做過研究 輕鐵月台空間根本裝閘機根本承受唔到人流
同埋 你一郁免費轉乘 代表住長途線要加資源 ...

如果轉乘改成$0.5，屯馬綫頭尾都駁輕鐵最多收$1.0，然後慢慢隨加價上去又得唔得呢？

至少叫做有少少錢收返嚟。

bennyho1004 發表於 2022-7-26 10:59
一早九鐵時代已經話輕鐵唔會再起因為蝕錢。而家變左屯馬線接駁甚至已經有人話不如拆左佢。講真我絕對贊成拆 ...

明明全世界嘅經驗唔止一次證明拆電車輕鐵之後
個交通網絡仲塞過唔拆兼造成嚴重空氣污染
得不償失係都仲要去犯同樣錯誤
你呢啲觀點簡直短視到極點

he_01 發表於 2022-8-1 08:41
當年九鐵做過研究 輕鐵月台空間根本裝閘機根本承受唔到人流
同埋 你一郁免費轉乘 代表住長途線要加資源 ...

人流多唔係可容許大量乘客逃票嘅理由借口，既然靠乘客自律拍八達通搭車無效，就要用最有效、最常用令人付費搭車做法（安裝出入閘機）。電車都人流多，而且雙層，但喺冇閘機情況下卻冇人能逃票，建議如真的無法喺輕鐵月台加裝出入閘設施，應考慮採用港島電車模式，即改裝列車駕駛室為開放式、將八達通收費器及錢箱置於車長旁（由司機監察每名落車乘客有否付費）、將車身三組車門左至右改為出-入-入，兩組衹入車門安裝閘板（每次衹准一名乘客進入，閘板隨即關上）或單向式三節閘棍，且不能由此離開車廂！期望當局盡快拍板並實行以杜絕任意搭霸王車景象，令輕鐵繼2003年最後一批車站落成後、十九年嚟能實質探討甚至落實興建新路綫！