兩巴在新界的理想定位

小弟係新晉巴迷，見香港嘅專利巴士市場因城巴拓展新界網絡而烽煙迭起，開post講下小弟心目中兩巴在新界嘅角色應該點樣定位。

就新界往來市區嘅長途線來講，比較理想嘅局面係，兩巴各自都有一張具規模效益嘅轉乘網絡，各自對某些地方提供直車服務，對其餘地方俾到轉車選擇。睇番每一個特定地方去一個目的地，一間公司俾到直車而對家以轉乘網絡cover得到，咁就ok，叫做有適度競爭。直車由邊間做就無所謂。

為左達至兩巴各自都有一張還算完善嘅網絡，一個區嘅對外線完全由一間壟斷就唔太合適。好似皇后山同54區嘅對外招標線由城巴投得，而揀D非招標範圍嘅對外線俾九巴，咁做係ok嘅。

我地睇兩巴在屯門的覆蓋。現時係，九巴網絡可以話覆蓋屯門同市區每個地方，但城巴網絡在屯門只cover到屯門南（連同青山公路）同54區（連同屯公頭兩個站）。市中心，山景大興，良田建同富泰藍地等諸多屯門地區，係城巴網絡嘅盲點。市區果邊，城巴已經以投得54區對外線為契機，將自己嘅屯門對外網絡拓展至九龍大部分地方，但係就爭深長荔同土瓜灣未cover到。城巴網絡如果可以在屯門同市區分別補埋呢D盲點，對整個屯門對外巴士生態都會有好大得益。

點補呢堆盲點呢？我會建議城巴開條屯市至土瓜灣同啟德線。始終啟德係城巴据點又有發展潛力，而且日後行中九幹一定快過搭鐵。

新界東果邊，城巴据點暫時只有皇后山，而且新界東出九龍嘅路太多，唔似新界西出九龍可以集中在一個轉車站轉乘……城巴想在新界東打造可同九巴媲美嘅對外路線網絡，仲有好多路要行。

最後講翻區內線……我就覺得除左駁鐵功能最好交俾鐵巴之外，其餘區內線邊個做都無所謂。區內行程就唔適合再轉車啦，一條線嘅市場無空間俾兩間公司同時做，而俾邊間做都唔會有太大分別，既然已經唔考慮接駁其它交通工具嘅功能。

PS 城巴投得嘅天水圍至元朗招標線，好難發揮最大駁鐵效果，因為城巴做，轉港鐵無優惠，而沿途多數地方已有鐵巴駁去第個鐵路站。呢條線係會以往來大馬路客為主。

「市中心，山景大興，良田建...係城巴網絡嘅盲點。」50、55停屯公同埋成條50M你食咗？
「網絡拓展至九龍大部分地方，但係就爭深長荔同土瓜灣未cover到」大量城巴E車已經遍佈九龍廿年，包括深長荔同土瓜灣
「建議城巴開條屯市至土瓜灣同啟德線」同61X重疊

明明城巴係有網絡，但係連54區轉E車免費都冇，實在太唔進取喇

Happypig375 發表於 2022-7-25 23:51
「市中心，山景大興，良田建...係城巴網絡嘅盲點。」50M你食咗？
「網絡拓展至九龍大部分地方，但係就爭深 ...

-50M你食咗？
新界對外線，通常模式係每個新界地方都直出公路，到轉車站先轉車。屯門呢D地方以50M轉對外線，先上去54區再出公路，唔太吸引。不過有得轉都好過無。

-大量城巴E車已經遍佈九龍廿年，包括深長荔同土瓜灣
城巴的確無咩心機充分利用佢個網絡搞轉乘……可惜。

-「建議城巴開條屯市至土瓜灣同啟德線」同61X重疊
61X行龍翔道，在土瓜灣覆蓋面亦都有限。城巴如果做屯啟呢個市場，現時應該行5幹，未來改行中九幹。如果經承啟道順帶做埋土瓜灣，只停新山道以後站點，應該可以避到61X。

sunhoo 發表於 2022-7-26 00:21
-50M你食咗？
新界對外線，通常模式係每個新界地方都直出公路，到轉車站先轉車。屯門呢D地方以50M轉對外 ...

5幹紅隧口塞死

中九幹通車後，土瓜灣唔可以608轉乘咩？做咩行回頭路

61X依家土瓜灣都唔多客，興奮線開通後唔應該再放西北線載空

Happypig375 發表於 2022-7-26 00:39
5幹紅隧口塞死

中九幹通車後，土瓜灣唔可以608轉乘咩？做咩行回頭路

ok，唔去土瓜灣，只做啟德囉。希望啟德嘅商業發展儘快成熟，儘快養起新界西嘅全日線啦。

我覺得唔好太強調"網絡", 直接競爭往往兩敗俱傷,
我反而會諗點樣幫兩巴"分工"

例如將中西灣仔區以外的新開辦新東過海長途巴士線分比善巴,
新界往返九龍/新界線基本歸九巴,至於中上環線就投標處理

運桔偏幫屎水，其實係縱容甚至幫助屎水入侵同蠶食老九既利益，亦同時犧牲緊乘客利益。好心屎水就咪係到搞屎棍啦。

sunhoo 發表於 2022-7-26 01:02
ok，唔去土瓜灣，只做啟德囉。希望啟德嘅商業發展儘快成熟，儘快養起新界西嘅全日線啦。 ...

咪玩啦啓德咪一樣有興奮綫
啓德道路網又完全係唔User Friendly每個路口掘頭路兜入去
仲有啓德剩低未賣堆商業地城規都已經全部準備改劃返做住宅
鬼需要架巴士去大西北

依家已經爭食爭到出面
理想定位唔會係依家發生既事

sunhoo 發表於 2022-7-26 01:02
ok，唔去土瓜灣，只做啟德囉。希望啟德嘅商業發展儘快成熟，儘快養起新界西嘅全日線啦。 ...

只做啟德？望吓條78X吧！