未找數的一堆RPP－屯元篇

GD1570 發表於 2022-7-30 08:16
我或者補充少少：

當青公紅VAN都仲可以維持到來往屯門及元朗，繁忙時間康樂路總站仲可以大排長龍嘅時候 ...

睇下去邊真係好重要。
用你個例子，搭紅 van 為例，去洪水橋 / 鍾屋村輕鐵站已經唔會快過鐵，因為依家紅 van 要煲客，或者要排隊上車，等得黎輕鐵已經開左車，甚至已經去到屏山。去景峰 / 紅橋 / 吉之島，614 快起上黎其實唔慢，而且肯定平過紅 van，呢班客近年已經回流返鐵。

但係，去青山公路各村口，紅 van 又能夠保持彈性，時間係差唔多，但係唔駛行，一樣有大把 fans。至於去富泰 / 嶺南 / 置樂，紅 van 當然大勝，係居民首選。

講左以上幾點，其實想帶出一個信息，大西北根本無話邊個交通模式最好，而係應該容許巴士（包括鐵巴、九巴、城巴）、西鐵、輕鐵、紅 van 共存，共同競爭，百花齊放。一來咁先足夠服務照顧乘客需求，二來咁樣先可以提升服務質素，幫乘客慳時間。

SLsTuDiO 發表於 2022-7-30 04:40
我同意樓上講既 又正如好似你咁講 有人鐘意用極端行法去製做假像
但輕鐵既班次唔同重鐵, 住近市中心 西鐵 ...

去洪水橋計等車同行車時間淨係轉68A/63x果程等車時間我真係唔知點贏751/K巴。
260x/268b淨係尖東去柯士甸已經夠部西鐵由尖東去到荃西。
你話去屯門就話260x有吸引力姐，元天行車時間基本上必輸。
不如話有位坐or個人喜好巴士好過。

12Lane 發表於 2022-7-31 12:40
去洪水橋計等車同行車時間淨係轉68A/63x果程等車時間我真係唔知點贏751/K巴。
260x/268b淨係尖東去柯士 ...

建議你去等一次751/K車 然後先好再定論
咁講得梗係試過好多次先會咁講
68A/63X係疏 但未至於每次都要等成10分鐘以上, 除非咁唔好彩係正前面走車

751話就話最快7分鐘黎一班 但每次一走就10分鐘起跳, 次次走成2班706先黎一架 仲未計有時比前面部706上客塞住走唔到 係天水圍無10分鐘都未走到
K75A你夾岩時間咪快 夾唔岩你都可以轉身行返去等751
K75P都成10分鐘以上先一班 再兜埋廈村 咁我不如等返68A/751好過

我無話過時間上巴士會贏 但去某d地方 就係根本其實兩者既差別唔係大家想像中咁大