近年新區巴士總站位置問題

12Lane 發表於 2022-8-11 10:20
要基建設施遷就巴士運作唔係先係本未倒置？水泉澳係可以條條線都學288咁兜架，完全係巴士公司自由選擇，係 ...

說話唔係咁講，規劃嘅時候係應該連埋公共交通路線規劃一齊做
複雜嘅唔講，而家皇后山未入曬伙，已經開始話龍馬路同皇后山總站爆滿

皇后山個 case 其實當初如果將山麗苑各座基座墊高，擺個總站係下面
或者改善行人通道來往皇后山總站，區外線只停皇后山總站；區內線同小巴先入山麗苑
然後 78A 係粉嶺個邊做總站，山麗苑做循環點
其實已經好好多

架架都 288 咁兜上兜落其實唔係一件好事
浪費時間浪費燃油又增加噪音，搞塞埋條路又好好玩咩

12Lane 發表於 2022-8-11 10:20
要基建設施遷就巴士運作唔係先係本未倒置？水泉澳係可以條條線都學288咁兜架，完全係巴士公司自由選擇，係 ...

唔係要基建遷就巴士運作
而係設計/ 規劃嘅時候做到user friendly
依家新區有總站嘅，就係細到無論兼唔就腳
部份直頭連總站都唔起畀你，是但泊街算數

KE7066 發表於 2022-8-12 02:02
道路網規劃唔做好下下畫到好似皇后山咁咪會 gridlock
邊度本末倒置？

以皇后山個公共交通繁忙程度應該離gridlock都仲有一段距離。總站貼近商場，對於車務運作、車長食飯同調度都係最好安排，而商場設於最接近幹道出入口都更方便物流運輸。唔係所有野都係圍住巴士轉，車務運作安排係巴士公司自行決定，佢地都大可山麗苑做頭站上客同清客，總站只係用黎擺又得。

10598C 發表於 2022-8-12 02:39
說話唔係咁講，規劃嘅時候係應該連埋公共交通路線規劃一齊做
複雜嘅唔講，而家皇后山未入曬伙，已經開始 ...

「規劃嘅時候係應該連埋公共交通路線規劃一齊做」呢句認同，但明顯唔係首要設計consideration. 成個項目唔係simcity，話擺就擺個商場同總站上山就可以，當中包括幾多土力同平整問題，遠比巴士嘥唔嘥油個考慮大得多。而288明顯係營運上係可以改變策略，節省燃油，同其他有雙總站嘅短途線調換騰出沙中總站位都係可行之法，唔去諗實際方法解決而將問題推去屋邨總站位置唔好，個人對此說有所保留，邊個唔想所有線搬晒去區內盡頭巴士站以做到最多客？問題係個個總站都咁大咩。

JX9097 發表於 2022-8-12 11:13
唔係要基建遷就巴士運作
而係設計/ 規劃嘅時候做到user friendly
依家新區有總站嘅，就係細到無論兼唔就 ...

空間唔夠，呢句非常認同，就算安達臣有新總站，要放得落晒現有擺街路線都似乎唔夠擺。位置係咪user friendly就見仁見智，如果user係講巴士公司，一定係想總站係最尾又有商場，方便路線慳油，擺車同車長食飯休息。如果user係市民，商場同總站設於該區中心一定有so，用最好侯車環境去serve最多乘客，同埋買完野大家都係相若距離番屋企。

User同持份者唔係得一個，有得兩全其美就當然最好嘅。

12Lane 發表於 2022-8-12 11:25
以皇后山個公共交通繁忙程度應該離gridlock都仲有一段距離。總站貼近商場，對於車務運作、車長食飯同調度 ...

咁話說巴士總站其實都係基建一部分
雖然唔係所有野都圍住巴士轉
但肯諗多一步既其實可以避免到唔少問題
就算兩間巴公點玩到好
點都避免唔到要係山麗苑同總站之間出出入入
劃個總站係山麗苑係唔係真係咁難度高先

Snoopy@FB8617 發表於 2022-8-12 11:59
咁話說巴士總站其實都係基建一部分
雖然唔係所有野都圍住巴士轉
但肯諗多一步既其實可以避免到唔少問題

根本上就係難度極高，某程度上等於冇可能，你要喺座大廈下邊起個巴士總站，無論設計同埋建築成本已經完全唔同

Snoopy@FB8617 發表於 2022-8-12 11:59
咁話說巴士總站其實都係基建一部分
雖然唔係所有野都圍住巴士轉
但肯諗多一步既其實可以避免到唔少問題

冇話唔可能，問題係成本效益幾高。
巴士站一起就一闊三大，要比廁所，又駛唔駛比埋食肆呢？又駛唔駛抽風系統呢？要考慮嘅野同設備空間都唔係一個巴士站範圍咁簡單，如果冇呢類配套，用流動廁所，食飯又要走去老遠，咁都係玩死司機，另類影響車務運作。
最尾都係番到基本問題，點解要起一個新發展區喺一個盲腸位？呢個先係應該關注嘅問題，無他嘅都只係因為皇后山軍營冇咩收地問題。有得揀嘅我諗個個都好想新發展係起喺沙頭角公路兩側。

將總站擺理想運作位置，規劃上做多左功夫，而家擺商場下面，咁大廈個邊 山麗苑咁就只係就住宅設計。整多個平台墊住宅規劃上做多好多野。當然而家樣樣ESG，一日幾百班巴士行多一公里兜路用多左的炭排咩野環保設計都補唔返

我覺得水泉澳主要問題係上嶺/欣/朗泉調頭迴旋處太小
一有多架死車係嗰度就唔郁得(如果架架車都上去,不過老九上繁都可以迫幾架288B/C上,平時叫d車兜上去都係多3分鐘行車啫
(甚至個人估計嗰度都係288/287X批唔到12800的其中一個因素,唔係以依兩條綫平時客量值得有至少一兩架12800掛牌