[建議] 開辦299R 西荃線

tina 發表於 2022-9-18 17:12
呢個位係比較老尷
係兩邊中間之餘仲冇巴士總站

根本嗰邊搭巴士嘅，唔係冇，係唔夠養起咩線

有車嘅唔會放棄架車去搭限時限刻嘅巴士，嗰條友FF玩巴士海滿足個人慾望就真

HB00610 發表於 2022-9-18 17:27
根本嗰邊搭巴士嘅，唔係冇，係唔夠養起咩線

有車嘅唔會放棄架車去搭限時限刻嘅巴士，嗰條友FF玩巴士海滿 ...

唔夠人養起條線唯一方法係谷盡1條線去市中心


其實西貢市都算中規中矩啦
有條廉價密線落九龍
又有密線落沙田紅小都去到旺角 觀塘 銅鑼灣嘅熱門地方
仲有99 792M做輔助
假日就有R疏導人群

就算佢所講嘅西沙路都有特快線入沙田（係入咗富安差少少）

tina 發表於 2022-9-18 17:45
唔夠人養起條線唯一方法係谷盡1條線去市中心

冇錯

其實我正正係識過人住西徑，叫做入過去一排，所知嗰度根本唔會有可能返工時間幾十人排巴士嘅盛況

揸車嘅其實唔駛陪塞西沙，更加唔駛限時限刻，佢想開全日即係放小巴/的士客量巴士線喺嗰D地方，根本同搗亂冇分別

HB00610 發表於 2022-9-18 18:37
冇錯

其實我正正係識過人住西徑，叫做入過去一排，所知嗰度根本唔會有可能返工時間幾十人排巴士嘅盛況

我之前學校返沙田，日日去到西徑村都有成十幾人排隊搭車出沙田，唔係講笑

而且呢啲地方好難加全日路線，所以我一向都係建議增加繁時線嘅，(或者白芒個case，現有全日線加站)
另外，我亦建議增設閒日繁時/週末、假日全日路線（類似268B咁嘅服務時間）

LauCT 發表於 2022-9-20 00:08
我之前學校返沙田，日日去到西徑村都有成十幾人排隊搭車出沙田，唔係講笑

而且呢啲地方好難加全日路線， ...

十幾人你都仲好意思講出來🤣
我之前住村嘅地方早繁都好似仲多人過佢
P.S. 我話你知錦上路251A係臨尾兩個站真係同你留後。

其實你首先要搞清楚一點，你巴士到係會上哂，定係無視搭小巴/的士解決，會唔會引致唔夠載？ 定係有D係截的士解決？

如果搭巴士唔夠載，預時間攝架299X到黃竹灣起載已經可以解決。（我已經費事你用99講話唔夠遠）

請你記住一條限時限刻嘅繁時線係冇可以叫人放棄架車，呢個點都唔可能係一個開始，亦都唔係每個人嗰個時間返工。

白芒你都拎返出嚟講 🤣？ 你知道嗰度D人要乜野嗎？

奉勸你都係呢句，用返住村人士個mindset諗下先出來講啦，出埋D離地建議係咁整埋D的士客量郊區返工線，F1唔係俾你咁玩架好冇。

HB00610 發表於 2022-9-20 01:52
十幾人你都仲好意思講出來🤣
我之前住村嘅地方早繁都好似仲多人過佢
P.S. 我話你知錦上路251A係臨尾兩個 ...

我當然知道嗰度D人要乜野啦！ 我本身係住村人士嘛。住村人士都想返工返學方便啲㗎！好似丁角路、大窩西沿線咁，有巴士直出油尖旺、荃葵、中上環呢啲地區，郊遊線做埋居民生意又有幾離地呢？開辦多啲繁忙時間通勤通學路線又有幾離地呢？ 你去嵐山睇吓74E、73P係咪的士客量啦！

LauCT 發表於 2022-9-20 21:46
我當然知道嗰度D人要乜野啦！ 我本身係住村人士嘛。住村人士都想返工返學方便啲㗎！好似丁角路、大窩西沿 ...

真係識嘅人係唔會高流灣，塔門同白芒都話大量返工返學人士都好意思講得出口囉

西沙，汀角，田廈路，錦田公路，錦上路要通勤模式嘅已經好唔同；一條舊村同一個村屋屋苑又唔同，老人村同新D嘅村落要嘅野又唔同
仲有拎嵐山講去同村比，你不如reserach嵐山有幾多個單位先？

汀角要相對多D直車線係因為佢哋去大埔市區係相對轉折，你見錦田，田廈路都係駁出鐵路站/轉車站就算，西貢都係去附近市區/鐵路站，因為順路。

仲有大窩西條條繁時線，條條都兜DD豬頭骨先維持到喎