運輸及物流局局長：建設舒適和有特色的行人通道和隧道

除了一些「傳統」的街道改善措施，例如擴闊行人路、增設行人過路處等，運輸署亦邀請了區議會建議為合適的行人通道加建上蓋，為市民「遮光擋雨」。位於北區、西貢、九龍城、屯門及元朗的五個項目已經完成，預計明年內可陸續完成另外七個地區的同類工程。

另外，路政署正積極策劃為各條通往公立醫院的主要行人通道加建上蓋。其中四條連接公立醫院的行人通道（包括九龍灣香港兒童醫院、灣仔鄧肇堅醫院、九龍城香港眼科醫院和屯門醫院）預計可於今年年底開始陸續動工，並於2024年起分批完成加建上蓋工程。

路政署由2017年起配合天橋和隧道的保養和翻新工程，選擇一些人流較高，位置較顯眼的天橋或隧道進行美化工程，為牆身添上圖案或色彩，多年來已為接近300條天橋和隧道「添上新裝」。每個地區都有屬於自己的設計主題，呼應當區的環境，匠心獨運，各具巧妙之處。

我希望這些美化工程，日後可以成為香港的地標之一，猶如希臘小島的白色小屋，令市民和旅客在香港「行街」的樂趣，提升到另一層次。

來源：建設舒適和有特色的行人通道和隧道

你認同這些美化工程，日後可以成為香港的地標，以及提升市民和旅客在香港行街的樂趣？

你又支持興建上蓋，為行人遮光擋雨；還是支持不興建上蓋，令行人望到天空？

起上蓋唔緊要
但唔好起到景林邨口咁款
條柱喺正行人路中間
左邊（近邨）就冇蓋
右邊（近路）有蓋但又唔完全cover行人路
結果蓋就起咗，啲柱就欄路東東
行人又繼續要開遮
簡直反智到極點

JX9097 發表於 2022-9-26 09:20
起上蓋唔緊要
但唔好起到景林邨口咁款
條柱喺正行人路中間

近邨果邊可能攝及地界問題，唔識唔緊要！唔好講到好似政府唔願做！基於景林邨屬於租者置其屋計劃出售單位！由第一個業主出現，該邨的範圍就會屬於私人地界！所以政府種行人有蓋設施時！要睇官地行人路種柱位置有沒線管，排水渠，水記喉管之類公共設施，再考慮種邊個位！中間就最大機會落石屎承托柱最大可能下邊無公用設施！近路邊有機會有路政疏水渠道！

noname617 發表於 2022-9-26 09:36
近邨果邊可能攝及地界問題，唔識唔緊要！唔好講到好似政府唔願做！基於景林邨屬於租者置其屋計劃出售單位 ...

閣下會唔會大反應咗少少？（btw，我字裡行間何來話政府唔想做？）

我可以話畀你聽，成件事要多謝「真誠賣香港」
當初設計嘅時候，居民都唔知係咩款式
當動工嗰陣，大家見到呢個設計通知區議員嘅時候
佢先戇居居去同政府講呢個設計唔掂

叫政府去研究移埋去圍牆邊
政府最終答覆係埋邊近圍牆有公共設施
所以唔可以向內移，跟住就當做咗嘢喇

唔可以向前移，又可唔可以調轉將柱種近馬路邊？
唔可以左右移，又可唔可以喺個頂度做啲工夫？
（例如上蓋向左右伸出，又或者將本身上蓋伸出啲？）
呢啲問題完全冇人處理過
結果起完仲衰過唔起，欄路東東
遮又要繼續開，條路又斬開兩半（條路本身又唔係闊）
真係拆咗佢冇咁嬲

JX9097 發表於 2022-9-26 10:57
閣下會唔會大反應咗少少？（btw，我字裡行間何來話政府唔想做？）

我可以話畀你聽，成件事要多謝「真誠 ...

起上蓋唔緊要 但唔好起到景林邨口咁款
條柱喺正行人路中間
左邊（近邨）
就冇蓋 右邊（近路）
有蓋但又唔完全cover行人路
結果蓋就起咗，啲柱就欄路東東
行人又繼續要開遮
簡直反智到極點




請問紅字果D無話政府唔想做?由頭到尾都話人反智！


跟住覆你果D都答左囉！公共設施你俾錢同人搬？咁樣會好易過左地區小型工程預算！另外政府地界係計2D，你叫人伸過D凌空未得囉！塊地係你，無啦啦有構築物係你塊地到偷位，你咩反應呢？再跟住你話伸出D，伸出馬路同D路邊樹生出馬路俾人斬有乜分別，你話種柱種貼D馬路，你知唔知睇唔到疏水井係路面唔代表，地下無渠走？有渠，你拆左路政D渠去？

noname617 發表於 2022-9-26 21:24
起上蓋唔緊要 但唔好起到景林邨口咁款
條柱喺正行人路中間
左邊（近邨）

地界計2D關咩事？
你自己睇下幅圖
我當條柱「寸步不移」
喺上蓋度入手，由單邊收雙邊
都唔會入到邨範圍
（依家啲柱種喺行人路嘅中間）

同埋根本就冇跟進過可唔可以移
（除非你話你就係區議員，你做咗又冇出過聲）

另外就當唔伸出啲，個蓋向上翹起根本都擋唔到雨
設計嗰個一係弱智，一係冇常識

最後，閣下做政府官員應該一流
都係一味靠「屈」
紅字入面只係鬧做嘅嘢反智，低能
咁都可以同「話政府唔想做」劃到等號
小弟真係甘拜下風

noname617 發表於 2022-9-26 21:24
起上蓋唔緊要 但唔好起到景林邨口咁款
條柱喺正行人路中間
左邊（近邨）

的確係有好多技術難題要解決，但如果起到好似唐俊街一段咁行兩步斷一斷，咁同唔起又有何分別？

啟德成個區由第一日設計就有有蓋行人通道，但區內所有私人屋苑去地鐵站都要淋雨。

天橋拆晒D鐵絲網先講

巴士的膠 發表於 2022-9-26 22:59
的確係有好多技術難題要解決，但如果起到好似唐俊街一段咁行兩步斷一斷，咁同唔起又有何分別？

啟德成個 ...

Exactly
做一半唔做一半
不如唔好做仲好

3ASV356 發表於 2022-9-27 00:04
天橋拆晒D鐵絲網先講

講開鐵絲網
呢排見到政府換咗啲疏窿啲嘅鐵絲網
例如紅隧口