九巴 37M 42C 44 X42C 269D 修訂行車時間表

Tobychow 發表於 2022-10-6 22:06
237A都有一半人係亞皆以南落

阿大話精
用 TD 47% 客量 同 你個所謂一半人亞皆以南落 嚟計
得出 30 個客喺鴉蘭街一個站落車
37 旺角警署都冇咁多人落車啦

JX9097 發表於 2022-10-4 01:17
其實269D客量又未去到東九咁誇張
拆線有啲炆水

其實東九都開始摺摺地，塞車塞到冇晒穩定性，屯馬全通唔使行美孚吸引好多人搭地鐵，而且東九車站位都唔係太靚(去程可接受，回程駿業里同九龍灣站係正中間，個個一頭一尾上地鐵)，以前出九龍灣就要企既境況只有大塞車先出現。沙田坳道回程搬左站甚至係上1、2個客就走，永光仲多客上過佢，反而尖沙咀車就多左客，可能西鐵太迫難上車左。

269D繁時可拆，只要大欖keep到10分鐘以內一班就可以，其實269D係死在班次同價錢，要快嘅直上大欖，要密嘅落荃灣，要死等都大有人在，但係西鐵係速度優勝，有D人甚至276系轉火車(特別係出入大埔)，速度同屯馬差唔多，不過速度穩定而且平D，所以269D好難拆，要D客由M車轉車回頭，一定要keep到班次(而家M車普遍5-10，269D 5-8，起碼keep 12/15)，速度就無法講，塞車唔夠東九誇張，唔會差太遠，只係班次同行車時間時間梗死左佢發展。

不過元天真係架架都開始摺，除左上水車、M車西鐵唔到，過海西鐵唔夠巴士快，西鐵係速度真係碾壓所有路線，尖沙咀就係第一批遭殃，而家到東九，到時睇下架西鐵烏溪沙開去到紅磡有幾多位剩🤣🤣

213D 發表於 2022-10-7 03:53
其實東九都開始摺摺地，塞車塞到冇晒穩定性，屯馬全通唔使行美孚吸引好多人搭地鐵，而且東九車站位都唔係 ...

最近搬咗入天水圍，
發個269C 非繁忙時間好麻麻，1300-1330 天水圍開啲班次，基本上30個人左右上公路，以前都係咁，定係而家先係咁？有時嗰啲時間269B都仲好客少少。

不過繁忙時間同假日 269C 反而好少少，仲keep到唔錯你成績

N948 發表於 2022-10-7 11:37
最近搬咗入天水圍，
發個269C 非繁忙時間好麻麻，1300-1330 天水圍開啲班次，基本上30個人左右上公路，以 ...

天水圍基本上純住宅區，客源單一、單向，非繁冇咁多流動。
非繁黎講，元朗線如268C好唔少。

Tobychow 發表於 2022-10-7 07:13
你知唔知咩叫亞皆老街以南？

你係咪連地圖都唔識睇 ?
237A 喺亞皆老街以南以外就係得鴉蘭街有站
大話精講大話都講得合理啲啦

今日269D 全日好多時間都有私下再減班，星期六可唔可以做番好少少

psypericarp 發表於 2022-10-29 22:43
今日269D 全日好多時間都有私下再減班，星期六可唔可以做番好少少

我一個禮拜有三日都係大約中午12點搭269D，唔同星期同一日嘅對比，發現客量都係好飄忽，可以坐滿上公路，亦都可以半滿。

同埋我自己都會有一日早繁坐269D，天水圍上車坐出沙田嘅都有20-30人，可能係朝早欖隧難上車🤔