建議發展智軌系統連接屯門站至掃管笏

kmb71k 發表於 2022-10-4 08:25
屯門人都唔想要慢到嘔既輕鐵
更何況搞乜嘢智軌

智軌起步速度同整體速度同巴士差唔多

3asv166@w3 發表於 2022-10-3 23:50
智軌咁多道門，對比巴士有助加速上落客。香港作為國際大都會，引入智軌作為創新交通缔造創新形象，將來若 ...

形象可以解決交通問題？
巴士就唔可以買多幾隻門嘅巴士？
而且掃管笏去屯門客量多到要咁緊張上落客時間？

qunow 發表於 2022-10-4 10:29
形象可以解決交通問題？
巴士就唔可以買多幾隻門嘅巴士？
而且掃管笏去屯門客量多到要咁緊張上落客時間？ ...

其實仲有掛接巴士，但係政府批唔批係其中重要因素。智軌表面上長過巴士，但係佢所有軸都有轉向功能，所以扭力遠較一般巴士大，因此被批嘅機會較大。

智軌係本港非官方中長期交通策略（畢竟係我個人建議），青公青山灣至掃管笏沿途人口今年至未來幾年靠巴士巳足夠，但係若果將來沿途發展至新市鎮規模，實在有更大型集體運輸需求。起輕鐵以至地鐵基本上唔可行。不斷加密巴士班次反而令到更多車更塞車。唯有引入長達30米，能同時載客300幾人嘅智軌列車，加上發展成熟嘅自動道路收費系統，鼓勵市民搭車，再加上列車本身嘅超快上落客時間，先至長遠解決塞車問題。

效益同巴士冇分別，但要花一堆錢研究道路點樣adapt。果然係巴膠鐵膠先諗到嘅建議。

3asv166@w3 發表於 2022-10-4 12:11
其實仲有掛接巴士，但係政府批唔批係其中重要因素。智軌表面上長過巴士，但係佢所有軸都有轉向功能，所以 ...

更大型公共運輸係咪應該諗中型甚至重型鐵路？更何況當政府將輕鐵預留地改為擴闊青山公路時，唔通冇諗過鋪輕軌？

typhoon_york 發表於 2022-10-4 12:40
效益同巴士冇分別，但要花一堆錢研究道路點樣adapt。果然係巴膠鐵膠先諗到嘅建議。 ...

本人其實並非所謂巴膠鐵膠或交通迷，只係積極嘗試建議一啲創新交通但潛在可行嘅方案，喺發表建議前會再三思考係咪合理。

回正題，智軌其實唔一定係自動駕駛，駕駛員可以當巴士咁揸，只係一架車就可以等於兩架雙層巴士載客量，即係一個班次就handle兩架雙層巴士班次載客量，節省人手同資源。

仲有智軌喺現有馬路上行走，毋須另行喺馬路旁起新軌道，係同其他車輛共用同一條馬路。

不如延長505去掃管笏
順便發展埋千島湖

3asv166@w3 發表於 2022-10-4 12:11
其實仲有掛接巴士，但係政府批唔批係其中重要因素。智軌表面上長過巴士，但係佢所有軸都有轉向功能，所以 ...

東大嶼線咪經呢段路

唔講marking幾快甩哂(香港啲路，你懂的)

車長已經係一個問題，叉電未解決又係一個問題
車站設置成本已經比巴士高，去到市中心有無位擺站?
當你搞得掂土地問題，輕鐵作為一個已存在嘅系統，效益上一定好過你開新系統

3asv166@w3 發表於 2022-10-4 13:59
本人其實並非所謂巴膠鐵膠或交通迷，只係積極嘗試建議一啲創新交通但潛在可行嘅方案，喺發表建議前會再三 ...

後勤維修由零做起，要專為智軌起維修廠，而且零件供應由一間公司壟斷，成本高昂。而只為屯門至掃管笏起所謂智軌成本效益更加低得可憐，輕鐵cover屯門元朗兩個新市填先justify到成本