九巴69C加班

KM8453 發表於 2022-10-17 12:33
對。呢啲問題無二十年都有十年，所以依家我相信巴士公司（以至我地討論）都免得提出大規模改動建議，盞無 ...

其實係城巴得 967 一條線，變相令人不滿嘅頂盡都係得一條線
而且有競爭底下，城巴更加有心集中資源做好一條線（雖然其實 967X 加時都係屎撈糖，但粒糖大過舊屎好多咁解）

不過感覺九巴動作真係好慢，對家 967 一早上繁天北嘉湖北分家，反觀 69C 咁耐以來都係 Z 字形走線不變
個人覺得除左加時之外，69C 上繁應該分拆，一條跟 967 上繁走線，順便做濕地直出，然後一條跟現時不經天北班次
不過九巴應該想做天北九商線多過天北直出

269M 唔知拖咩，而且 269A 269P 方向其實都唔多正確
一係 269M 放棄天秀路，一係跟 69C Z 字形兜天北
但根據返之前有節目講，官方規劃交通要有人口入住先陸續加線，不排除真係等 WSB WSP 雙雙入齊伙先搵 M 線兜過去

269B 其實比較難搞，一兜天北就得罪嘉湖北要兜多 10 分鐘
雖然幾肯定做天北搵到嘅客會多過趕走嘅嘉湖北客
至於 265B，其實同 93K 68X 呢啲交換走線改善旺角站位更好
雖則小修小補，但九巴角度資源無須加咁多，做嘅動力都會多啲

JV1376 發表於 2022-10-17 19:30
應該要用269M做啦

269M兜上濕地公園路就搞掂

10598C 發表於 2022-10-17 20:55
其實係城巴得 967 一條線，變相令人不滿嘅頂盡都係得一條線
而且有競爭底下，城巴更加有心集中資源做好一 ...

好記得當年嘉湖北叫天北啲線兜埋落去有2個藉口

1）兜埋不會花費很多時間
2）會提升客量，從而加強班次

tina 發表於 2022-10-17 21:11
好記得當年嘉湖北叫天北啲線兜埋落去有2個藉口

1）兜埋不會花費很多時間

就睇下嘉湖北會唔會有口話人，無口話自己，又或者是失憶症發作。

269B 加經天北：不論是現有走線加停，或者跟 264R 倒轉行，我都舉手舉腳贊成。

KM8453 發表於 2022-10-17 21:37
就睇下嘉湖北會唔會有口話人，無口話自己，又或者是失憶症發作。

269B 加經天北：不論是現有走線加停， ...

人係自私嘅，視乎嘉湖北有無著數嘅
理論上因為天北人口持續增長，69C 甚至 967 系都陸續加班，嘉湖北加加埋埋係有著數
但單單一個 269B 繞經天北，嘉湖北好難貿貿然同意
除非同時將 269X / 69C 是但一個再加強服務

10598C 發表於 2022-10-17 20:55
其實係城巴得 967 一條線，變相令人不滿嘅頂盡都係得一條線
而且有競爭底下，城巴更加有心集中資源做好一 ...

269M 繼續現走線並非大問題，但 269A/269P 角色理應釐清。(1) 想做濕地的話，用 265M 分支處理會更為妥當，因為行車時間比 269A/P 一定更短。(2) 想做嘉湖天慈的話，直接加密 269M 就可以，269A/P 日日都用短車，濕地再找 69C/269X 解決。

至於 69C，我覺得已經唔奢求佢飛嘉湖北，但只求俾返合理服務水平居民。前面都 post 過 967 於 2003 年 1 月通告，依家都就到 2023 年，69C 回程竟然比當年 967 更差，這樣完全沒有道理。

「合理」這兩個字很重要。我無理要求 69C 開 5 分鐘一班，haters 們再貼堂都未遲。天水圍北爭「合理」，爭「服務」，爭「進步」，天經地義。

10598C 發表於 2022-10-17 21:42
人係自私嘅，視乎嘉湖北有無著數嘅
理論上因為天北人口持續增長，69C 甚至 967 系都陸續加班，嘉湖北加加 ...

我地都提出過 967X / 69C 對嘉湖北有利而無不害，直出比兜足四大天王實在快好多。

不過，不過，咁樣都會俾人話架，話天水圍北借嘉湖北發達呀，「呢啲時候就借人過橋」「265M 就話唔關你事，要飛嘉湖，要減隔離 269A/P 班」等等，周圍都一大堆呢啲低 B 論述，哈哈哈。

好似啲坑口邏輯咁，天北要服務就自私自利，怨婦；VIP 區要直出、要死保舊經濟，要左擁右抱就非常合理。

tina 發表於 2022-10-17 21:11
好記得當年嘉湖北叫天北啲線兜埋落去有2個藉口

1）兜埋不會花費很多時間

第一個問題，作為天北居民，大部分時間都冇異議，只有繁時出市區好大問題，望下K73同當年嘅265M，天晴就爆滿，結果？浪費好多時間。

第二個問題，望下265B，密係密呀，全世界齊遊花園呀嘛，不過大家都要硬食咁解。都係咁講，停弼街會死架咩？停多個站都唔肯？

濕地公園好易解決，269M兜上去，幫到265M，濕地有全日短途線，再將K76S變全日加唔入天富就搞掂。69C？一定要回程加班加時！去程可縮少少班而且要加時！而家一過8點出觀塘直接落鐵，265M 10分鐘一班都接受到，268C/269C？實際15分鐘一班呀！等完加埋塞車，個半鐘都唔都九龍灣呀！我地唔求多，69C回程全部15分鐘一班，269C抽一兩部絕對做到！

至於269B，其實應該係中北部呢D唔近西鐵站，輕鐵/K76/村巴轉車連西鐵同巴士差唔多嘅地方到下功夫，天耀天盛太近西鐵站，行上行落幾分鐘，西鐵加埋半個鐘，巴士又行廣東道同尖東呢D西鐵唔遠嘅地方，0優勢可言，天北特可以試下加一兩班回程，來回入埋旺角，加個佐敦道分段就算，連269X都慳返。

至於天華路？要快嘅直車？除左265M，多一條都冇可能！冇一條長途線可以用265M嘅走線而爆滿！逆走就更加唔使諗！有咁多車就唔好嫌！要快就博265M！要唔博就兜！

今日係隧道口轉車，值得講多小小，為何堅持 69C 下繁應該加密至 10 分鐘一班，增加 1755 及 1815 班次！

話說今日黃昏東九塞爆車，269C 去到黃大仙竟然有海量座位。當時查過 ETA，1805 嘅 69C 仲塞係啟泰苑，當然即刻上車，不過又要隧道口轉 265M。

**********

觀察

1.  當 269C 到大欖隧道時，265M 已經有二十幾人排隊。之後，我特登睇睇有幾多人由九龍東路線轉落去 265M:

- 269C (UD8185) : 約 5 人
- 268P (WM7114) : 約 13 人
- 268C (1800 特快班次) : 約 7 人
- 269S (VN4803) : 約 10 人
- 另外大約 10 人轉去 269P (WU3740)
- 另外大約 5 人轉去 265B - 合共 30-50 人

2.  等左一陣，上到 UK6859 @ 265M，今日開左好多加班車，但係最後都要企滿離場。由於條龍太誇張，站助截人搭 1920 特車 (XA944)。無論如何，265M 始終係全場最爆。

3.  同場一部 967X 企 10 人，兩部 967 接近坐滿，三部 12.8 米巴士一齊拖入去天水圍。

4.  68M 減班後第一日下繁，客量依舊麻麻，改開 8 分鐘一班後，部胃仙 U 廣告 E6X 依然只有窗口滿；另一部 69M (VE3740) 落客後，與 68M 客量相若，同部半滿嘅 269C (UD8185) 拖入天水圍。

**********

評論

由於太多人轉車，數到後面好難計，而且單單肉眼都未必準，歡迎九巴自己再篤下八達通數。不過，相信呢四班車，合共轉落去 265B、265M、269M 及 269P 人數，總共有 30 - 50 人。

根據呢個數字，乘 2 或 2.5，包括埋 268A 特別多人轉，以及 269C 少啲人轉。大概代表 69C 維持開 20 分鐘一班的話，每 20 分鐘，69C 未 capture 到嘅北部基本盤，大概有 60 - 125 人，足以中間開多一班車。

**********

呢個數仲未計以下三個因素：

(1) 69C 同樣可以做到元朗、天水圍、錦田、屏山洪水橋轉車客，班次吸納到嘅人數，一定會高於 60-125 人呢個區間；

(2) 69C 加密後會再提升吸引力，估計有更多天水圍(北)客會棄 269C 再轉輕鐵，甚至棄屯馬線，改搭 69C；

(3) 天晴邨及嘉湖北乘客，可以安心鎖定首選 69C，呢度每班 269C 都幾個人，69C 每車又會多 10 人左右。

所以點解我會話中間攝多班 69C，加密至 10 分鐘，絕對絕對絕對做得住。

更重要的是，如果 69C 有充足服務，每 10 分鐘開出一班，每 20 分鐘就會少 100 人需要係大欖隧道轉車，自自然 265M 就無需要用瘋狂力度，加開加班車，去應付龐大轉車需求，對九巴而言，一定除笨有精。

**********

以上乃是乘客小小諫言：上到 69C 安睡入天水圍，265M 就少一次 TCU 投訴風險。69C 加密一班，265M 轉車壓力少 100 人。請運輸署及巴士公司好好把握機會，為 69C 線增加 1755 及 1815 班次！

KM8453 發表於 2022-10-17 21:59
今日係隧道口轉車，值得講多小小，為何堅持 69C 下繁應該加密至 10 分鐘一班，增加 1755 及 1815 班次！

...

下面張相人龍係等69C？好誇張喎﹗