[Flight Report] 充滿驚喜的廉航服務 jetBlue YVR-JFK

以下所有照片均由Google Pixel 5拍攝。

小弟大半年前已移居加拿大溫哥華並成功獲得心儀工作，上星期趁加拿大感恩節雙十長假到紐約探望朋友。

由溫哥華直飛紐約，現時有3間航空公司供乘客選擇：分別是聯航、加航，以及本年年中加入市場的廉航捷藍航空jetBlue Airways。前兩者均是星空聯盟成員及使用EWR機場，而jetBlue溫哥華航線則是唯一使用JFK機場。據小弟所知2019年前國泰航空亦使用第五航權營辦溫哥華-紐約航線，不過因客量不足而取消。小弟剛從大學畢業進入社會工作，收入及積蓄有限，自然選擇票價最低廉的jetBlue。

晚飯後約晚上七點多到達機場


世界各國均陸續復常，溫哥華國際機場客運大樓內人流不俗。
唯獨絕大部分前往中國大陸的客運航班仍然停飛。





入閘後先來航拍


菲航B77W，準備前往馬尼拉


前往倫敦希斯路機場的英航冬季限定B77E，夏季會用A380




加航B788



約晚上10點小弟將要乘搭的飛機——機齡接近20年的"Blue Kid in Town"號由紐約飛抵溫哥華



登機口一拍，晚上11點多出發


小弟出發前往機場前已經用捷藍mobile app check-in。因沒有寄艙行李，所以到達機場後就直接過安檢進入禁區。
本來打算用QR code登機證，但臨上機前地勤人員仍然為小弟列印一張紙登機證。



上機後，坐距很好。最意想不到的是廉航航班上竟然有AVOD



片源非常更新，不但有上年年中上映的No Time To Die



連今年年中才上映的Top Gun:Maverick都有。唯一問題是航機上沒有免費耳機提供，而小弟身上只有藍牙耳機。
廉航來說，沒有甚麼好投訴的。不過建議大家下次有機會乘搭捷藍航空的話要自備有線耳機。



每播放一套電影前都要強制觀看約兩分半鐘廣告



大量美國電視節目直播，唯獨沒有一個是新聞台



起飛後不久派飲品，這也是意料之外。此時機內燈光已被調節成昏藍



還有小食，穀物條、薯片、餅乾各一包。



機內還有免費wifi，連接時也是要觀看約1分半的廣告



機艙一攝，是次航班幾乎全滿。



於早上7時多抵達紐約甘乃迪國際機場，開展小弟紐約之旅。




AVOD、飲品、小食、免費Wifi，以廉航服務來說簡直是超乎預期。尤期是免費wifi，在傳統航空公司的長途航班上也不常見。
JFK的交通亦比EWR方便，紅眼航班可令人用盡旅遊時間。
總括來說捷藍的紐約——溫哥華線應該比加航/聯航的有競爭力得多。
唯一可以改善的是機內燈光——既然是紅眼航班，那麼為何不調至全黑好讓乘客更易入睡呢？

在美國，捷藍 (JetBlue/B6) 其實和西南一樣，雖叫廉航但服務水平遠高於其他傳統航空公司，服務出名做得唔錯。

B6開加拿大溫哥華線都幾 surprise, 佢開弟一條加拿大線竟唔開總部附近的的滿地可/多倫多/渥太華，卻跑去開 JFK-溫哥華，看來 B6 看到加西去美東的需求愈來愈大

你這班機在溫哥華用 D 登機口，即係無得在溫哥華一地兩檢清美國關，要到了 JFK 才可以清關，不知你到 JFK 後過關用了多久?

yuenpo 發表於 2022-10-24 13:51
在美國，捷藍 (JetBlue/B6) 其實和西南一樣，雖叫廉航但服務水平遠高於其他傳統航空公司，服務出名做得唔錯 ...

小弟來回程航班都幾乎全滿，如果係夏天旺季相信機位會更緊張。

小弟到達JFK後排了約20-30分鐘隊過關，清晨時份再加星期日，只有4-5個officer當值。

首先恭喜樓主成功移居加國

jetBlue 由 day 1 開始已經全線有 PTV，過去幾年間為大部分 A320 進行大規模翻新，換上樓主見到模樣的 AVOD 系統，服務水準更上一層樓。美國國內線計，jetBlue 係唯一保證有 AVOD/PTV 既航空公司，就算 DL mainline 都仲有成 80 隻 717 無裝 AVOD
暫時美國應該無其他航空公司有免費 wifi，AA DL 據聞遲下會有

就咁睇，jetBlue 派的小食比起 AA UA WN 都要正，亦唔差過 DL

可惜我可見將來都未必有機會坐 jetBlue...

樓主係邊幾日去 NYC？我雙十前後因事去左兩日，可能同你有 overlap，回程飛行報告未出

S3BL100 發表於 2022-10-24 21:41
首先恭喜樓主成功移居加國

jetBlue 由 day 1 開始已經全線有 PTV，過去 ...

多謝師兄☺️能夠移居加國是我一生最幸運的事，尤其係喺香港越趨沉淪的情況下。

我有睇你FB page，小弟9日落機後中午同樣跑到Mott Street吃午飯，兼且在中華會館前打卡，話唔定我地曾經擦身而過呢🤣

據小弟所知2019年前國泰航空亦使用第五航權營辦溫哥華-紐約航線，不過因客量不足而取消

CX 呢條第五航權線起北美黎講都算奇葩，
YVR-JFK/EWR 除 CX 之外真係冇全年直航，EWR 就算有當年 AC 都係 seasonal (UA 都好似有開過)，
雖然 YVR - JFK 客量係好 seasonal，
但係 CX 呢條線最大問題好似唔係起客量方面，而係個成本太高做唔住。

另外 COVID 之前又有傳 CX 想摺左條 YVR-JFK 換 YVR-MIA，
始終 HKG 直飛 MIA 起而家黎講就算用 A350 可能都可要 Block 位先飛到，停站係在所難免，
仲要 YVR 去 MIA 係未有航空公司做，又加上航權始終係有航班數量限制，拎走 JFK 轉去飛 MIA 策略上又講得通。
不過而家呢個第五航權好似比人收返，佢而家想做都未必做到了；又何況 AC 黎緊十二月都開 YVR - MIA 了。

PS. 歡迎落戶溫村，講下講下 iTalk 好似都有唔少人起溫哥華了

JetBlue真係唔講得笑，作為廉航都咁嘅質素，仲要近年買咗成批A321neo飛TransAtlantic，啱啱睇LHR-JFK平過晒維珍英航AA，仲要平接近£200，睇嚟對傳統航空公司威脅唔細

AVD1 發表於 2022-10-25 03:18
CX 呢條第五航權線起北美黎講都算奇葩，
YVR-JFK/EWR 除 CX 之外真係冇全年直航，EWR 就算有當年 AC 都係  ...

AC而家係daily，但時間唔靚（朝早8點幾出發）；而UA就更加似係seasonal，冬季冇服務（雖然我都唔肯定夏天會有）
再加上超貴價格（岩岩check過，3月中加航直航最平來回要近800幾加紙，而小弟今次jetBlue 先係500左右）
難怪jetBlue睇準咗YVR-JFK市場~

BTW感謝歡迎，都要多謝加國政府拯救我地呢啲冇BNO既迷途羔羊。
4年前黎旅遊嗰陣通街都係大陸人，而家佢地好似冇咗影咁，反而香港人就湧返晒入黎，真係風水輪流轉。

E21A 發表於 2022-10-25 01:17
多謝師兄☺️能夠移居加國是我一生最幸運的事，尤其係喺香港越趨沉淪的情況下。

我有睇你FB page，小弟9 ...

無獨有偶，我果日同屋企人真係喺 Mott St 食晏，去左呢間

正確來講係下午茶，因為之前去睇自由神像已經花左唔少時間，出到 Chinatown 都下晝兩點幾。大家都無興趣食 Chinese food，反而東南亞野就幾吸引

Fuk19805 發表於 2022-10-25 03:51
JetBlue真係唔講得笑，作為廉航都咁嘅質素，仲要近年買咗成批A321neo飛TransAtlantic，啱啱睇LHR-JFK平過晒 ...

而且睇返唔少 YouTubers 同其他網站既 reviews，jetBlue JFK-LHR 既膳食水準係遠勝所有其他有飛呢條航線既航空公司

如果畀得起錢，佢地個 seat 1A 好正