【附圖】北環線南延與RDS2區域快線的微妙關係

相信近日大家都在報章得悉北環線南延，經東北葵涌至九龍塘的方案。其實早於2000年之前進行的RDS2(第二次鐵路發展研究)時，顧問團隊已提出兩條區域快線(Regional Express / REL)方案，分別是西鐵快線(WR Express / WRE)及東鐵快線(ER Express / ERX)。其中西鐵快線於錦上路站（地底月台）開始南延，穿過大帽山抵達荃灣東站(Tsuen Wan East / TWE)，並且經石硤尾連接至紅磡車站。若按照最新規劃，即東北葵涌直達九龍塘，其實只需將當年顧問報告所提出的RDS2走線從東北葵以一直線向東南方延伸（附圖的暖粉紅色直線及箭咀），即可直達九龍塘站。

雖然個人認為該線直達旺角空置地皮較佳，因可同時與東鐵、觀塘綫及荃灣綫交匯，但從建築技術難度層面上看，直達九龍塘站（與東鐵及觀塘綫交匯）應簡單過在繁忙的旺角鬧市施工，不失為一個折衷方案。至於延線是否不應在九龍塘站止步，或是應進一步向東/東南方延伸，則歡迎各位討論。

我覺得可以拉埋去慈雲山
再唔係同東九龍綫合併埋

Kj2052 發表於 2022-10-18 09:21
我覺得可以拉埋去慈雲山
再唔係同東九龍綫合併埋

我認為可以向東延伸與東九龍綫接駁交匯 (而不是合併兩線)，但EKL沿線客量似乎未能夠支持採用8卡DIL train。

tonyng 發表於 2022-10-18 10:56
我認為可以向東延伸與東九龍綫接駁，但EKL沿線客量似乎未能夠支持採用8卡DIL train。
...

其實可以宋皇臺、啟德一帶設站，再去觀塘海濱，正式取代單軌列車計劃，似乎更好。

咁其實我自己一早都估到，其實嗰位「港漂」議員所講嘅「元朗九龍塘鐵路」，其實係參考「區域快線」，只係南面總站改咗去九龍塘，甚至會用歌和老街公園嚟起新嘅南北走向地底月台。
不過，由於現有東鐵火車已經直到九龍塘，又有大老山隧道直出九龍灣，咁又點會願意兜去葵涌先至出到東九龍？

而西北面嘅乘客搭北環線「南延段」去到九龍塘，其實大部份人都係要轉車去到東九龍同將軍澳，咁如果要喺錦上路同九龍塘轉兩次車，咁時間優勢何在？

所以我覺得「元朗九龍塘鐵路」應該經啟德發展區延長去兒童醫院、牛頭角同將軍澳，甚至應該經科技大學、蠔涌、屈返去小瀝源、駿洋邨、大埔墟、富蝶邨、九龍坑、馬屎埔、天平山去返古洞，形成一條大約65km的環迴鐵路，站距約2至3km，而列車應該要快過西鐵「千九」（IKK），但可以慢過「動感號」。

北環線建設，經過呢位「港漂工程師」畫龍點睛之後，重要性可能同當年嘅西鐵，以及最近嘅「東鐵過海」不相伯仲，所以要送上一首「鐵膠廣告歌」以作推廣：

地鐵動土真的很興奮，
駁通北都仲有九龍塘！
期盼去到啟德將軍澳，
快啲起好會更加開心！

個人ff設站
錦上路
大窩口
北葵涌
李鄭屋
九龍塘
慈雲山
順利
秀茂坪
茶果嶺

中間可以服務荃灣一帶鐵路空白區域
東南延伸亦可直達啓德乃至觀塘商貿區甚至將軍澳137區，以改善當區交通問題

荃灣東站位於石蔭，其實最好位置係和宜合道運動場，拆咗運動場去起鐵路站。

x3100 發表於 2022-10-18 11:58
中間可以服務荃灣一帶鐵路空白區域
東南延伸亦可直達啓德乃至觀塘商貿區甚至將軍澳137區，以改善當區交通問 ...

唔駛去到「137區」，去科技大學（大埔仔）會好少少，如果北環線由兒童醫院，過山經將軍澳「魷魚灣」去科技大學，隨時可以代替半條「過山」嘅「東九龍線」。
而且，過山嘅「東九龍線」係服務九龍區內嘅短途乘客，而「北環線」係服務新界北及西北面往來九龍東嘅長途乘客，服務對象其實係有分別㗎。

搞咁多野不如起屯門到九龍塘鐵路仲好過，將大部分西鐵客分流到新鐵路，到時西鐵一定可容納北部鬼城區的客量。