膠液廣場吹水料十月篇

kmb71k 發表於 2022-10-22 19:55
鰂魚涌站果個旋轉迴廊
俾著我真係唔想搭鐵

鰂魚涌有幾條通道，有一條特別長，唔熟路行中左真係中大伏

行近車尾果條最短，月台起計，總共行4條電梯，行到去A出口只需要大約5-6分鐘

我唔覺得搭巴士落太古坊特別方便，一係新威園一係就官小落車，頭頭尾尾咪又係要行；調返轉回程就好d，起碼真係有個叫太古坊既巴士站喺天橋果邊

睇朝早9點鐘就知，大部份人都係搭鐵去太古坊既，鰂魚涌A出口人海咁衝出來

KU_7002 發表於 2022-10-22 14:45
我相信板友唔係話50M一個客都無，只係客量好差。

就我所見，日間都有不少班次連坐滿下層都做唔到，夜晚就 ...

我都一直唔係話一個客都無啵！不過日間連下層坐唔滿嘅路線，其實屯門區大把啦
連260X、66M、A34甚或67A嘅日間不少班次下層可以坐得滿嗎？
點解無人話依啲路線「無客」？

搬龍門都唔該搬得好啲啦唔該。

0q9w8e 發表於 2022-10-22 14:58
8559@50M

1127 屯門站+13-6

人地要坐滿下層先叫有客，
所以18個係無客。

UA2892 發表於 2022-10-22 21:25
標準好似係企滿?
南區夠成堆線坐滿下層,咪照減班

依家唔係要加班
係有班人一開波伙都未入就狂叫無客。

我唔明，可能佢地係先知啦。

noname617 發表於 2022-10-22 19:29
其實呢搭鐵好似新幹線咁無企位呢！我相信好多人坐！但香港搭地鐵又要計埋繁忙時間d衝門友，又要企足成 ...

巴士唔同的士，得你一個人搭唔夠客養起一條巴士線，even連一條早繁既692P都養唔起... 你連果8min都企唔到，不如唔好出街啦，因為將軍澳巴士嘅侯車時間平均都係8min以上，你咁尊貴不如去搭的士啦！

noname617 發表於 2022-10-22 19:29
其實呢搭鐵好似新幹線咁無企位呢！我相信好多人坐！但香港搭地鐵又要計埋繁忙時間d衝門友，又要企足成 ...

你肯定新幹線無企位？ 立席特急劵係咩？

其實有左將軍澳線之後，將軍澳嘅定位，就好似港島北岸延伸咁，就好似另一個杏花邨柴灣小西灣咁。

小西灣柴灣養得起一班唔鐘意企鐵站站停嘅客，搭8P，788去銅鑼灣中環，最主要係東區走廊多數時間都生性，唔係太塞。

但將軍澳呢？將隧加東隧，繁忙時間塞到傻，就算啲客幾唔鐘意逼地鐵，都唔敢返工時間逼巴士囉。

將藍通車，只係解決將隧塞車果關，但仲有東隧未解決。除非政府起多一條東部過海新隧道，否則將軍澳過海，冇乜人會當係8P 788咁嘅concept搭巴士。

le914 發表於 2022-10-22 23:53
其實有左將軍澳線之後，將軍澳嘅定位，就好似港島北岸延伸咁，就好似另一個杏花邨柴灣小西灣咁。

小西灣柴 ...

就算唔塞車，本身東隧口都冇路入太古坊，點行都要經一段東廊&過無數盞燈，根本開唔開將藍隧道巴士都冇可能同地鐵鬥，仲要將軍澳過海地鐵本身平過巴士，我諗唔到有乜誘因要搭巴士，柴小唔同嘅位係成個柴小得一個地鐵站，好多地方都需要駁腳費時失事所以巴士先有得做，而柴小啲巴士本身又開得密，車程又唔慢。

除非好似巴迷咁，本身偏好巴士；

或者份工嘅老闆超大方，完全唔介意遲到 (我果份工係，我老闆已對我幾點返到公司半放棄狀態)；

否則，真係唔多人，夠膽為左有個位座瞓到天光，而放棄相對準時可靠嘅鐵。