264R 加強服務可行性

FBI2 發表於 2022-11-19 09:55
對佢整體盤數冇幫助嘛,因為班客唔坐264R都會坐64K,再唔係坐73X轉269D,點都係坐番九巴.

64K收少一截 成本高一大截
269D轉73X就更少
不如276P轉火車，但又係收少一截

noname617 發表於 2022-11-19 17:17
你會唔會想太多啊！鐵轉276P有咩數據證明有好多客咁用先，學d關注組企係上水站見人係行去276P個站就話呢 ...

惡到，要有數據先講得野。不如閣下又攞條巴士線數據出黎睇下？唔好咁複雜，64K一日幾多客由大埔入元朗，我地都想閣下賜教下。

cx838 發表於 2022-11-19 18:08
大埔元朗間的成人通勤客，每小時不過百人，而他們大部分都坐紅小，繁忙時間，特別係晚繁先有空間開一兩班車 ...

每小時100又點計出嚟，唔通淨係計紅小？

ccchhhuuunnn 發表於 2022-11-19 18:10
64K收少一截 成本高一大截
269D轉73X就更少
不如276P轉火車，但又係收少一截 ...

264R元朗係佔到半車客嘅時候，就反映到64k入元朗真係競爭力奇低。搭得64K不如搭紅van，近鐵就不如火車轉276，276系仲要全個元天覆蓋晒。但係，平日黎講我就唔多信天元埔線會全日出得夠客，264R維持現狀暫時應該最好。

noname617 發表於 2022-11-19 17:17
你會唔會想太多啊！鐵轉276P有咩數據證明有好多客咁用先，學d關注組企係上水站見人係行去276P個站就話呢 ...

我以前大埔返工就係咁搭 元朗上269D去得城隧嚟276系都去到上水 火車又密又快 我真係想知會有幾多人 269D>73X

先唔講車費同車程感觀。
可能會有啲人會覺得264R為咗避林錦而要「兜」上水以至里數大增，特快都唔快得好多。但係睇返地圖就會發現大埔地理及公路網絡位置特殊，群山環繞，好聽講叫做環境清幽﹐但又偏偏冇主要隧道穿過呢啲山(望望隔離沙田幾咁四通八達)，所以去唔少地方都一係行山一係兜山邊。
就好似以荃灣去元朗要兜屯門，同埋屯門去機場要兜青馬咁，去元朗叫做有條荃錦公路，屯赤中間當時真係乜都冇(渡輪服務優先被停辦)，不過先後有欖隧同屯赤隧道分別將兩組貫通，路程被大幅拉直咗。(欖隧收費天價問題係後話)
但大埔就無咁幸運，分別去元朗(以至屯門天水圍)同荃葵青(以至機場及東涌)中間都冇隧道。如果要嚴格嚟講幾何學上264R係兜，73X(同埋272P，E41等等)就仲「兜」，你望望大埔經吐公城隧去到上葵跟本係一個半圓嚟，只不過因為有條地圖上望落去比較直接的林錦+錦上+錦田combo行64K所以264R就被「比下去」，而去全灣中間真係乜都冇所以冇嘢同73X佢地比，(你話林錦+荃錦？今日唔係愚人節呀朋友)亦因為咁從來無人認為佢地係兜，就係因為就交通網絡而言佢的確係最直接路徑。
來往大埔元朗264R係車程上係有時間優勢(唔計等車時間)，起碼真特快過好多聲稱所謂特快路線先(望望272X「青沙特快」)。而考慮林錦公路路面程況加上行車時間，64K一程營運開支應該唔會平264R好多。不過64K獨市位又係另一個話題
==========
以上只係小弟有感而發，望各位大大高抬貴手。
以下嚟真。
======
都參考返上述程況，我覺得會玩73X轉269D的一定係膘客+巴迷兼好多時間遊車河。車程無明顥快到甚至可能仲慢咗，好地地64K一程過有位坐唔好，點解要轉車仲要分分鐘企足兩程？要快就276(P)轉鐵啦(再唔係飛的吖笨)。當然你話有人會覺得林錦公路太危險坐64K會周身唔舒服咁我冇嘢好講，但優先選擇都應該係276(P)轉鐵(因為怕行林錦公路所以連紅小都唔駛諗)
話時話64K去大埔真係唔少人錦上路上車

p.s. 其實厹有無標榜過272X仲係特快？

北歐暖男洛基 發表於 2022-11-19 18:03
首先我從來無話過「有好多人」會咁搭﹐我亦都懶理有邊啲關注組講過乜做過乜調查仲有冇其他乜乜乜，講真我 ...

如果有踩到你唔好意思喎！
但你咁搭係好正常好熟交通或有屋企人好熟交通先咁教人搭車！
因為正路唔熟交通的都跟巴士apps教你轉車！或者直接一程鐵送到你去元朗或天水圍！偉大的黨鐵係咁教人！
當然你講citymapper或moovit咁教你！sorry我唔用呢類apps的！

另外我所知，無左自由行效應，276p應該無以前咁旺，兩繁旺滿一架車，我所見係有！

另外無你咁老香港咁熟以前港英政府年代曾經考慮鋪設新公路通往大埔至元朗！當年規劃呢條路時，林錦由軍用道路轉左民用未？

lsc04d11 發表於 2022-11-19 17:47
呢個諗法又真係好common wo...我地啲凡人手上冇八達通數據支持 但近兩個站嘅搭鐵去上水真係唔奇
（仲可以 ...

咁所以無真實八仔數據，無數據推得出好多人由鐵轉276p，除左新界西巴士公司好有信心264R減價轉全日常規會好旺先夠膽推全日！

北歐暖男洛基 發表於 2022-11-19 19:38
先唔講車費同車程感觀。
可能會有啲人會覺得264R為咗避林錦而要「兜」上水以至里數大增，特快都唔快得好多 ...

不過可以從64k縮去往來形點！改為264r轉為全日，與64k聯合班次！呢樣嘢大家又點睇呢？

noname617 發表於 2022-11-19 20:33
如果有踩到你唔好意思喎！
但你咁搭係好正常好熟交通或有屋企人好熟交通先咁教人搭車！
因為正路唔熟交 ...

冇踩到全程有講有笑我記得機鐵啱啱出嗰陣機場去東通涌當時地鐵真係教人青衣轉車而家應該教人欣澳轉
「276p應該無以前咁旺」多謝賜教。
另外plan過大埔至元朗起大路我都係之前HKITALK睇返嚟。其實都唔係好耐既事。最少嗰陣已經有64K

其實如果怕畀人誤解驚真係會踩到人條尾，適當位置加返少少表情符號會好好多。咁睇落會有啲幽默感﹐語氣都輕鬆返唔少。