hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (B) Bus 巴士討論區 香港巴士討論 (B2) 一年後皇后山交通問題
開啟左側

[問題] 一年後皇后山交通問題

  [複製鏈接]
KC3555 發表於 2022-11-22 23:32 | 顯示全部樓層

                                    Advertisement



kmb71k 發表於 2022-11-22 23:10
聯和墟有270C 277X
上面我都講過
既然城巴之前反對270C拉入皇后山

仲有講有次同城巴某高層會面,佢分享咗一樣嘢,
如果我要開新線,宜家做法係巴士公司路線發展部,交建議書上去。
運輸署俾過大概指引,唔可以同對家公司有部分巴士站重疊的可能性,導致有搶客之嫌疑。
所以有次聽返前議員劉X烽講佢查詢城巴可不可能為天平邨開返條678A,幫助返前NR108邨巴的乘客有返直達路線。
城巴話:
第一,用返678,必須係要同九巴夾,又要九巴是否有相同意願先可以開辦;
第二,開唔係唔得,要絕大部分巴士站不能與678重疊,先有可能申請獨營;
第三,咁樣情況下,可能要通過招標決定生死。我遞咗紙,最終辦嘅未必係我。
所以我嘅結論係,天平邨無可能開辧返去柴灣嘅路線,因為城巴只可能要條路線直插筲箕灣再行柴灣斜返柴灣,仲要只可以經聯和墟、粉嶺中心同塘坑,喺利潤上無意義,喺插旗上已經有B7。
而用678去夾,城巴講明願意,但九巴唔肯。

所以宜家運輸署路線開辦的政策係咁,而就我所聽,巴士公司自己都未必拿捏到路線幾時屬於招標,幾時批俾自己營運。
七擒孟獲尚知廉恥,但某相....
JH_LE4612 發表於 2022-11-22 23:53 來自手機 | 顯示全部樓層
KC3555 發表於 2022-11-22 22:42
咁就要講一講關於招標線喺我從幫區議員做嘢時,同巴士公司及運輸署代表開會解釋係乜嘢情況:
營運者必須 ...

我著眼點反而係20A同1A嘅例子,如果太公覺得新線同對家嘅既有線係良性競爭,就可以要求舊線減班成全新線? 可以要求巴士公司將彌敦道 quota拱手相讓比對方?因為咁就代表,一啲自由搏擊嘅地盤例如康城或者發展左嘅粉嶺北,就算一間插左旗,只要兩邊需求夠大,競爭就係良性,就一定要死過...好有鬥獸場感覺,當然睇得最開心嘅係坐包廂嘅凱婷太公。
KC3555 發表於 2022-11-23 00:03 | 顯示全部樓層
JH_LE4612 發表於 2022-11-22 23:53
我著眼點反而係20A同1A嘅例子,如果太公覺得新線同對家嘅既有線係良性競爭,就可以要求舊線減班成全新線? ...

係架,當年261同44小巴嘅對戰到,到後來261對44A兆康埋身肉搏,然後加261P入戰團,261S搶佔44A1生意,今日加埋城巴56/56A嘅混戰,都係良性競爭嘅原因,
馬生不停反對,運輸署又慢慢平衡,但係兆康的確小巴做唔掂係不爭事實。

仲有後來298B同綠小102對戰,將軍澳線一通車就死298B;
最近205M慘死在37M手下,都係因為良性競爭而批出嚟玩嘅嘢。
七擒孟獲尚知廉恥,但某相....
s3n370 發表於 2022-11-23 00:12 來自手機 | 顯示全部樓層

                                    Advertisement



KC3555 發表於 2022-11-22 15:03
問題係最重要係運輸署認衰投降。
路線定義首先係乜:路線其實在政府同巴士公司嘅角度,路線係一樣政府規範 ...

講到尾,都係睇實際上有冇D好強嘅理由,
去justify個改動啫。
唔講遠年代嘅E線、將南等package丫,
同為招標嘅B同W線,咪一樣被改到九彩。

交通運輸嘅野,好少寫到死話唔可以改。
原因係任何有關嘅prediction有好大主觀成份,
outcome可以好貼近,亦可以相距甚遠。
所以唔係睇可以改幾多%,而係睇有無偏離原本嘅objective。
當然,如果衰到原本嘅objective都唔合時宜,可修改嘅空間更大。

如果個改動空間真係咁細,
我地唔會見到巴士公司肯加車落去D對辦嘅招標線。
相反,巴士公司肯定會狂開支線,有人有車都隊落支線度。
招標線就乜都唔郁直到永遠。
ctb8107 發表於 2022-11-23 00:39 來自手機 | 顯示全部樓層
可唔可以好似當年296X變796X咁,搶78A黎做,九巴變城巴... 講笑啫~
3ASV174 發表於 2022-11-23 01:06 | 顯示全部樓層
KC3555 發表於 2022-11-22 22:42
咁就要講一講關於招標線喺我從幫區議員做嘢時,同巴士公司及運輸署代表開會解釋係乜嘢情況:
營運者必須 ...

其實咪即係任佢 up
只係用個結果去嘗試解釋返佢點解批與唔批,但係唔可以調返轉推論一個新改動會唔會批,即係無意義

290x 唔係招標任改,咁點解 290 縮短去坑口北又會批?
點解 608 標書無回程,入標又開全日都得?
點解成堆 796 系唔跟標書開仲要開完任改?現存 796C 796S 796X 都仲係招標底,邊條認得返個樣?
點解 265B 265M 269M 開線同中標個樣唔同晒?
點解 701 702 改到反轉都得?
B1 B2 B3 全部都大改過晒,點解又得?

其實咪就係佢想點就點
如要討論,請先自貼差餉單一次
KC3555 發表於 2022-11-23 01:23 | 顯示全部樓層

                                    Advertisement



s3n370 發表於 2022-11-23 00:12
講到尾,都係睇實際上有冇D好強嘅理由,
去justify個改動啫。
唔講遠年代嘅E線、將南等package丫,

其實我都講咗巴士公司最強武器,就係劈炮。
W1,2,3都係為服侍阿爺,政府又誇大數據,再有行政誘因同甜頭俾過巴士公司。
九巴又喺大陸咁多生意,剩係講深圳嘅深巴集團,咁樣嘅車海式營運,一班車載一兩個都唔會貿貿然甩班,電動車快壞唔緊要,好快又一大堆車補充入車隊。淨係呢門生意,點可能唔擦大陸鞋。

將南改到七彩,因為專營權講到明要因港鐵將軍澳線通車可以大幅重組,呢個無得好講,唔可以納入嗰個原則上。

機場系列又因為運輸署已經對A線同E線政策變咗,清楚分開A線係為旅客服務,E線為旅客以外的通勤服務,
所以自前幾年瘋狂開辦A線,及讓E線盡量撤離機場客運大樓。已經確認機管局連同運輸署對巴士定位上的新基準。既然係用新基準時,舊基制已經過時;

B線問題,B1起初因為兜路拍烏蠅,因為運輸署假設元朗站公共交通交匯處係將所有同過關有關路線擺埋一齊作中轉站,方便大家從鐵路轉乘,集中在一點。
只係運輸署真係以為自己好醒,搬入去嘅76K, 276/276P, B1 同 B2,得B2真係稍為好D,但實際上帶唔出運輸署構思嘅效果,B1基本上差到難以營運落去,但75小巴做極都做唔切。條龍點都疏唔哂。
所以九巴要求順行不逆走,並盡量以不違背運輸署初衷為原則,將路線搬入天水圍南,同B2服務範圍體齊的公平則,一方面吸客。如果唔係75極好客量,B1起初極差,同埋同B2服務範圍公平原則呢個情況救線。都無可能將B1改去天水圍站,結果成功將75客帶返去B1。
B2因為載唔哂,先可以拆到線出來。以後B2P, B2X要點改,又係招標以外嘅事。
B3有區議會壓力,先喺開辦前做出快慢版B3及B3X,但B3兜哂成個屯門嚴重慢板,屯門碼頭要45分鐘以上先可以上元朗公路,反而B3X就誇張客量。數據反映B3的確客量好差,再喺區議員壓力加持下,用返相同資源拆線B3/B3A。因為B3+B3A仍然喺運輸署最低要求的用車數字下運作,所以三條線都係喺招標條款加持。
B3M嘅產物,其實本身B3X兜入去唔會太影響,但運輸署唔批,先有掛名V City專線B3M出現。並且同B3X路線相同,但只停多個V City,呢個怪胎,之後咪有一番爭議囉。


七擒孟獲尚知廉恥,但某相....
KC3555 發表於 2022-11-23 01:40 | 顯示全部樓層
本帖最後由 KC3555 於 2022-11-23 01:56 編輯
3ASV174 發表於 2022-11-23 01:06
其實咪即係任佢 up
只係用個結果去嘗試解釋返佢點解批與唔批,但係唔可以調返轉推論一個新改動會唔會批, ...

招標係基本要求,你能提供比招標更理想的條款,係中招嘅籌碼。
我只回應天水圍北同南昌站系列:起初天水圍北有65M, 264M, 265B, 265M, 269D, 276A
首先第一條改係65M,本應係同265M係玩東西走線同去葵芳,後修訂去麗瑤,65M 係行屯門公路,265M行大欖隧道。
當然最後修訂咗係65M大欖隧道版。
跟住九巴中咗標,就出咗好精美嘅書籤,介紹佢六條天北路線;但當時265B走線係天恆經深旺道,櫻桃街出彌敦道去紅磡碼頭。
如無意外,九巴應該以走線上訴加上政府當時政策鼓勵善用轉車站。既然九巴有大欖轉乘網絡,就可以盡情改動去同運輸署Deal.
中標前,運輸署都唔知會係邊間公司中標,中標後加上九巴大欖隧道網絡又無可能唔用網絡優化。最後同意265B保留大角咀部分,可以刪除大欖隧道線可經過旺角以南一帶彌敦道,
加上當時彌敦道又嚴格配額限制,點會唔肯俾九巴咁樣重組同修訂呢?
更加最後269M食咗65M變咗天北線一員。


701同702背後係為海麗邨招標,開始時係先擺南昌站;
701起初嚴重拍烏蠅,用成30分鐘先可以由南昌站出到旺角,嗰時我有朋友喺運輸署做,佢爆過俾我知,因為太兜無客之餘,新巴嘈過完全唔夠時間行,加無可能喺標書以上增加資源,所以運輸署肯同佢坐埋一齊重組走線。
702由蘇屋變去又一城,最重要原因係小巴10系停辦,但10系係有一定客量,所以落行政指令將702取代10A同10M咁行。

最後我再重申路線觀念係,運輸署批個類似12個月合約出去,巴士公司要主動申請可以延續呢份合約,但至於修改或取消合約:
1. 係運輸署Order,
2. 巴士公司見有需要向運輸署申請批文。
七擒孟獲尚知廉恥,但某相....
s3n370 發表於 2022-11-23 02:05 來自手機 | 顯示全部樓層
3ASV174 發表於 2022-11-22 17:06
其實咪即係任佢 up
只係用個結果去嘗試解釋返佢點解批與唔批,但係唔可以調返轉推論一個新改動會唔會批, ...

佢應該講漏佐一點,就係巴士公司除佐入紙外,
仲有同運輸署交涉嘅過程。

巴士公司入紙唔似係學生去考公開試咁,交佐果份卷就係果份。
即使係考試改唔到份卷,對成績唔滿意都仲可以覆卷、再唔係下屆再戰又得。

亦牽涉個更基本嘅問題:考試肥佬、合格定攞A,都要睇考生點答卷下話?
更何況巴士公司入紙開嘅條件,可以有好大空間?

好似城巴意圖延長56,九新取消692咁,都唔係一招了。
前者兜第二條路開56A,後者就年復年鍥而不捨入紙一樣。
s3n370 發表於 2022-11-23 16:16 來自手機 | 顯示全部樓層

                                    Advertisement



KC3555 發表於 2022-11-22 17:23
其實我都講咗巴士公司最強武器,就係劈炮。
W1,2,3都係為服侍阿爺,政府又誇大數據,再有行政誘因同甜頭 ...

城巴N21同N22合併,E22同E23交換九龍區路線,同AE分家關係不大吧。

點都好,响呢板見到嘅都係起因同結果,唔一定睇到個交涉過程。
如果响56同692嘅例子,巴士公司無後續行動,板友點睇件事會好唔同

更加睇唔到巴士公司同運輸署點諗,呢D先至係重點,而非起因同結果。
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 07:45

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表