城巴973搭後感及問題

973兜尖沙咀原理同110一樣, 做南區居民往返尖沙咀, 同埋話晒尖沙咀酒店林立, 初開線時仲係唔跟大隊行漆咸道南, 而係行經麼地道酒店一段, 加埋來回程行海港城外一段廣東道, 做埋外地旅客生意, 去香港仔 海洋公園 淺水灣 赤柱玩.

如果唔行西隧而行紅隧, 冇左香港仔 薄扶林嗰邊, 往返尖沙咀唔方便, 西隧巴士網絡亦會細左, 冇左海洋公園以東部份.

而家就算行紅隧, 客量都唔會多, 海洋公園轉鐵快, 唔駛塞香隧紅隧, 專心做西區 南區流水, 食下970系西隧轉乘客, 守住等外國遊客回流有多幾個客.

EX-TL 發表於 2022-12-1 10:12
973兜尖沙咀原理同110一樣, 做南區居民往返尖沙咀, 同埋話晒尖沙咀酒店林立, 初開線時仲係唔跟大隊行漆咸道 ...

而家只見到973在尖沙咀兜到暈，如果有心搭佢，佢只要行彌敦道同廣東道，已經有人搭

要講少少歷史背景，973開辦前已經有人爭取西營盤博扶林道綫往赤柱十幾年，只係城巴趁西隧開通開973綫順便做埋。我記得一開始個高樂分段係$8.8，只係後期減到$5.8而北行全費當係平均番西區來回赤柱車資。

ricky 發表於 2022-12-1 14:15
而家只見到973在尖沙咀兜到暈，如果有心搭佢，佢只要行彌敦道同廣東道，已經有人搭
...

尖沙咀自轉一圈，老實講唔覺得有特別大問題，佢要食遊客要咁行無可厚非。問題係尖沙咀去薄扶林同南區除左遊客，居民/本地客根本唔夠，西營盤hku有鐵，黃竹坑又有鐵，北面油旺有970/x做，973走得去邊？

ricky 發表於 2022-12-1 14:15
而家只見到973在尖沙咀兜到暈，如果有心搭佢，佢只要行彌敦道同廣東道，已經有人搭
...

其實所謂兜到暈，只不過係行左一小段九龍公園徑兩次，
你講，新港中心除左973之外，仲有咩車係去西區同南區？
麼地道巴總只係總站，你可以行去百週年/K11上車個喎，無人叫你一定總站上車。
其餘梳士巴利道西行、廣東道北行好正常無兜喎，唔需要無限放大。

宏觀少少，你試下站在唔熟路既遊客角度去諗，尖咀酒店係多集中尖東、太空館、廣東道一帶，
唔好話遊客，一般市民都唔係個個識尖咀內街遊走，搵得黎等得車坐鐵可能已經到海公啦...

第二，你話點解唔行香隧？知唔知香隧同紅隧都會隨時塞到郁唔到？
淺赤平日有幾大尖咀特快需求？預期係咁，行薄扶林做多幾水客唔好？
唔好忘記佢係西隧、西營盤、瑪麗、置富唯一去赤柱/尖咀既車。

最後，你話拉長至大角咀？
而家尖咀兜個小圈，都比你形容到「兜到暈」，講到好嚴重個喎，
如果再加埋大角咀仲多左2公里，但旺客唔想兜，仲損失埋尖東市民遊客，
香港仔明明已經有970X去油旺，故意去重疊博CUT班？
而家白天都半個鐘一班，再拉長你想1個鐘一班？

973上繁南區會有零星尖東返工客，但相信地底食唔少客 除左遊客好難坐尖咀直通 反而 海洋公園去赤柱先係王道

ricky 發表於 2022-12-1 14:15
而家只見到973在尖沙咀兜到暈，如果有心搭佢，佢只要行彌敦道同廣東道，已經有人搭
...

想問一條要從北面進入隧道既路線點樣行只有單向南行既廣東道(海港城段)先係閣下口中既「唔兜」?

經常搭 970/970X/973，眼見 970/970X 多客到下午非繁時段 (12-4pm) 都幾乎班班大半滿座，下繁更加頂閘上唔到，
973 雖然無咁多客，但係用嚟汁 970/970X 啲客其實都唔錯，如果整返多啲分段收費相信班班爆。

ate214 發表於 2022-12-1 15:51
想問一條要從北面進入隧道既路線點樣行只有單向南行既廣東道(海港城段)先係閣下口中既「唔兜」?
...

如果由旺角駛來，彌敦道->佐敦道->廣東道->梳士巴利道->彌敦道->柯士甸道咁行，會唔會好啲？