九巴41取消和241X提升服務

其實依家早晚繁忙時間，40已經少咗人坐

原因好簡單，基本上山上五日總有一日塞，一塞就30-70分鐘

以241X一塞，一脫一班，（40都可以隔50分鐘），個半鐘一班絕對有可能

依個就點解E23同86C會行歌和老街但全日除九龍塘，都唔多個100人上落

同樣道理係俾214

咁疏落嘅線行呈祥道十分之高風險

其實每星期朝早好多去九龍東嘅車總係辛辛苦苦由青山道上完呈祥道轉頭就落返大埔道

仲有就係有7B行九龍塘

所以我都係嗰句，未真正返工返學係何文田，根本唔明山上情況

如果要解決問題

做法就係取消241X，將部班次轉往45，及至20分鐘一班，18則全日行經深旺道

長遠收回寶輪街九巴車廠，改為荔枝角深旺道總站，將12/12A/12P/18/20/118/286C/701/702/914/914P/971搬往該處停泊，以疏導美孚人流

現在241X唔經長荔深節省10分鐘,
咁如果改行窩打老道、太子道西/界限街、然後到深水埗,咁會唔會同樣都節省10分鐘時間?


我想帶出的信息是, 要縮短行車時間,改行西九龍公路只是其中一個方法,但不是惟一方法

dennis28a 發表於 2023-4-26 01:44
你應該知我最討厭你亂咁幫我落定論。

何文田 + 旺角／油麻地 + 青衣 = 直線（241X）

原來你個大前提係青衣往來紅土要行最直接路線

呢個前提無絕對對錯，但你堅持呢點還堅持，如果係要透過排除人地所有不同意見，鬧到狗血淋頭，去捧高你既諗法，我就真係唔知你有咩居心

當然青衣經尖咀去紅土理論上係最理想，但咁做等同拖 242X 後腿，架空青衣南、長亨、長宏往返尖咀既合理期望。咁退而求其次行佐敦都得架，very fine

不過咁，如果你覺得荃富街、青山上路往來何紅土無得做，點解你又會覺得青衣往來紅磡土瓜灣有得玩？如果東北葵坐 35X 36X 去太子轉車已經足以令到我提出既走線無得生存，青衣紅土線無論行尖沙咀定佐敦都唔會快過青衣站坐東涌線轉屯馬線，點解又有得玩？套用你既邏輯，42A 美孚轉車，或者 249M 青衣站轉車，唔夠吸引力？

荃富街去何紅土無得玩既話，點解青衣北又有得玩？大半個青衣北距離青衣站只係十分鐘步程，荃富街夾喺兩個站中間都係差唔多行咁耐，仲要大部分客本身係行多幾分鐘去到荃富街巴士站

又，何紅土點解會有好大需要去青衣返工或消閒？又係青北帝上身，日日喺度嗔，覺得 290 條條去荃葵唔合理，想分條去青衣？就算青衣往來紅土直接走線出到客，條線都唔會有逆向客源支持

同埋而家就算畀你改到條線紅土用最直接方法去青衣，咁何文田呢？一句經何文田就係兜路，就可以唔理佢地？佢地唔係持份者？唔使補償？

我就唔打算千字文逐點詳細反駁，但係你邏輯思維前後矛盾，偷換概念轉移視線，真係令人歎為觀止。而思維同推導過程，比起個人持咩立場更重要

S3BL100 發表於 2023-4-27 00:29
原來你個大前提係青衣往來紅土要行最直接路線

呢個前提無絕對對錯，但你堅持呢點還堅持，如果係要透過排 ...

你有時間不如睇番我今次係依篇文第一句：

當改咗做 241X，青衣去何紅土客量全裸咁顯示出黎。
會唔會係何紅土本身根本都唔夠客呢？

同埋對一上次覆你一句：

紅土 + 佐敦／尖沙咀 = 直線（我唔一定認同要巴士做嫁，只係陳述事實）

我知係何紅土去青衣無客呀，我知係唔夠同港鐵抽呀。
我覆你第一句咪講左囉？

我都講過，如果真係無客，勉強去做無幸福，
我亦同過其他人講，都唔到就做唔到。

我根本無講過要開依條線喎，唔該佢地返落去搭鐵。
我只係解釋緊，咩野叫做合理走線，而經九龍塘建議有幾唔合理同荒謬。

點解你成日都亂咁幫我去落結論？再下下基於一 D 錯既野發洩鬧我？

如果你記得我重點：

我咪講咗，如果 41 前題要何愛同紅土無得郁，條線點改都死。

世界上有另一個方法，咁咪唔好再做重組先。
無矛盾無衝突嫁。

我係度話緊，日日發夢覺得 41 改上何愛同紅土兜多幾個區既人，完全離地同不設實際。
唔係針對你，而係針對依個危險同離地既諗法。

問題係，你又要我要證明依個方法唔 Work，解釋自然要做比較，
Even 唔實際既比較（即非繁無客量支持但合理走線），去解釋點解九龍塘、東北葵完全唔 Work。

唔代表真係我堅持要開紅土直達青衣既線，無矛盾，思路好清晰。
或者咁講，我根本無講過，而係你亂咁幫我講。

荃富街去何紅土無得玩既話，點解青衣北又有得玩？
大半個青衣北距離青衣站只係十分鐘步程，荃富街夾喺兩個站中間都係差唔多行咁耐，仲要大部分客本身係行多幾分鐘去到荃富街巴士站

係呀，你終於明個重點，
無錯，係連青衣北紅土都係無得玩嫁，我完全同意嫁。

或者咁講，我幾時講過青衣北有得玩？
我幾時講一定要咁行？現實班人落晒地底啦。

學我上面講，無需求咪唔好做，勉強無幸福。
請問邊度矛盾？我理念係一致嫁。

我只係針對緊一班日日以為兜上九龍塘、東北葵自以為解決左問題既走線。
我係話緊個諗法荒謬，唔係解決問題，而係製造問題。

九碼開車，要跑 65 分鐘到荃富街，聽到都應該要恥笑啦。
邊有理由九龍中去荃葵會慢過九龍東？有腦睇地圖既人都覺得唔合理下化。

去到咁都可以話荃富街去紅土有需求回流到？而且只係慢港鐵少少？
慢 30 分鐘都叫慢少少就會出現雙向客源？我係推翻緊你既荒謬立論。

既然青衣去紅土慢，荃富街去紅土明明一樣係慢，
你就講前者無客，後者會有客唔介意佢慢少少搭，咩野邏輯？
我係鬧緊係依樣野，幫所以同我持一樣意見既人以正視聽。

有時原封不動，靜觀其變都係一個選擇黎。
時機未到，咁咪唔好再改，等到有機會，我無問題。
而唔係明明製造更垃圾既廢物，都可以扭曲到資源回收。

都係果句，唔夠人拗就唔好下下發嗨氣。
咩野「邏輯思維前後矛盾，偷換概念轉移視線」，悶唔悶少少？

以上論點，我幾年前咪同你拗過晒囉，失憶果個係你。

dennis28a 發表於 2023-4-27 01:24
你有時間不如睇番我今次係依篇文第一句：

咁我亦無講過你堅持要開呢條線，但唔係最直接走線就要鬧，好明顯你係堅持緊最直接走線先係合理，呢點我無講錯；而我就唔認為事必行最直接走線

不過你鬧人荒謬之前都唔該檢查下自己既論據同論證過程。你鬧我荒謬既前提係九龍城碼頭開到荃富街要 65 分

但原來根據九巴網站數據：
45 九龍城碼頭 -> 中華電力 28.5 分
7 中華電力 -> 義德道 7.3 分
2F 根德道 -> 則仁中心 3.0 分
42C 畢架山花園 -> 荃富街 15.7 分

埋單係 54.5 分，就算畀多幾分都好明顯唔過一粒鐘，邊度要 65 分？如果好似上文提及，簡化紅磡走線，行機利士北路轉上何文田，唔入寶其利街轉圈，可以再慳多五分

又順便提下，根據九巴網站，42C 畢架山至長安 23.2 分，換言之根據呢個走線（仲要係紅磡照舊兜入寶其利街），我建議既走線由九龍城碼頭至長安，需時 62 分。然後九巴網站指 241X 由九龍城碼頭至長安都要 60.9 分，只係比我建議走線快一分鐘左右，統計上可忽略不計；而因為 241X 本身已經快過舊 41，我建議既走線青衣方向亦肯定比 41 更快

咁我好同意原封不動唔重組都係一個選擇，甚至今次 241X 本身就唔應該開線做全日。但係咩時候開始，重組一定要令頭尾客加快先可以？幾時開始，頭尾客車程不變就不如唔好做？點解唔可以改中間一段走線搵新客？咁都有得鬧？搶到其他交通工具幾多份額無人知，但肯定唔會係零，亦因此我諗呢度無幾多人反對我建議既走線可以做到更多 241X 同其他現有巴士線做唔到既野，原來唔岩你口味就寧願有客都唔做？就算做到比而家更多客，一句唔合理、荒謬就寧願維持現狀做少D客？

你口口聲聲話我建議走線不合理，你證明到我埋單會比起 241X 或者舊 41 或者咁多條相關路線加埋晒，做少左客嗎？

S3BL100 發表於 2023-4-27 02:50
咁我亦無講過你堅持要開呢條線，但唔係最直接走線就要鬧，好明顯你係堅持緊最直接走線先係合理，呢點我無 ...

我覺得經尖沙咀無問題，難道尖沙咀唔叫兜多個區？
我又有因為咁鬧人？無。咁你憑咩話我堅持最直接走線？

你應該好清楚我性格，我真係會專登為左你一個人落去搭車。
費事你又話咩野我論證錯誤。

琴晚（係歌和老街見到有部 86C 跪左）：
45：九碼去中電：31 分
7：中電去多實街燈口，9 分半
E22：義德道去則仁，3 分半；則仁去澤安村過左燈，2 分；過左燈去青公支橋，5 分，埋單 10 分半

前日晚：
42C：青公支橋去荃富街，12 分
42C：荃富街去長安，9 分

合共夾埋 63 分，下繁真係過一個鐘呀師兄，慢你 9 分半鐘呀。
而且咁計法，下繁仲慢過舊 41 少少到長安喎，你又點睇？

定因為你建議走線下繁都無咩人搭，咁一定做到 50 分甚至 45 分九碼去荃富街？
一定係我怪錯左你，次次都係咁你先收貨？
＝＝＝＝＝

首先，你部新 41 一口氣無晒旺角、長深荔客。
將來係連 18 45 旺角執雞客都趕走晒。

而荃富街同屏麗徑又因為唔夠快唔吸客，
半個何文田又係鐵路範圍，九龍塘行既位又唔近客倉，
紅土又有強而有力屯馬綫，
靠得半個青公山頭，半個何文田山班唔多搭港鐵既客去支持。

成個基本盤已經細，質疑你條線無客好正常。
吸到好多新客係你一箱情願，依個 Post 唔少人都有對你提出過依點質疑甚至反對架。
唔好覺得隔離 45 個 Post 有幾個人和應你，世界上就無人質疑。

你部新 41 會比舊 41 同 241X 搵唔到更多客係常理推斷黎。

咁你下下拎自己計落 ETA 計落 54 分，
再宣傳改完 50 分做到九碼去荃富街吸引呀之類。

你憑咩自信？一架 30 分一班，做到 50 分依個數字值得自豪？
講緊土瓜灣去大窩口、青衣係 30 同 26 分鐘。

你可唔可以貼地少少？用居民角度睇依個時間有幾唔吸引？
50／60／65 都好，通勤呀大哥，慢過人都算，龍翔道呈祥道唔係意外黑點？
我係紅土上車，半個鐘後先知獅隧炒車，塞到落九龍塘會，點吸到人搭？

而家係反對緊你單方面覺得班紅土居民會突然支持，
你計出黎 50 分鐘依張空頭支票，然後說服佢地條線更有用做到更多客叫佢地照食啦，有直車你就唔好嘈。

你自己都係隔離文講過，條線重點都唔係紅土去青衣，
只係因為一個解決唔到既問題將行做你心目中東北葵客，
我只係踢爆你果條另類紅土線根本做唔到咩野鐵路盲點，你預測新客源嚴重被高估，好似係我同部份版友唔啱你心水多少少囉。

唔係我要唔要直線，而係你建議對紅土係零吸引力，
明知比你既建議更荒謬，又無解決核心問題，亦肯定比而家更少客，唔維持現狀？

我係無阻住其他人意見嫁，我只係陳述緊經九龍塘提出既效益有幾低同唔可行。
係吸引既，點解時至今日無一條新西線行經九龍塘落中九龍呢？事出必有因。

dennis28a 發表於 2023-4-26 16:21
我成日都話，倒轉黎睇，
九龍塘去新界西睇落車程合理，點解到今日都無出現一條新界線？

無出現過，唔代表無得做
798出現既時候，都無人知道個市場究竟有無得做
要衡量一條線值唔值得做，始終要落返去睇地區性質
有相近既路線可以用來參考，但無相近既路線唔代表無客

我從來都針對緊 東北葵<>九龍塘/紅土
呢個位本身都無鐵，我覺得至少可以開下兩味線試下水溫
九龍塘衰極都叫做多返學客
100兄唔錯得曬，呢個位確實係現有網絡既盲點

但值得試，唔等同應該用41/241X去試
45既故事話俾你聽，頭尾太多載空路段，會影響條線營收
用41去做，青衣都好肯定會載空
就算中間有客上，頭段兜30分鐘冤枉路，都係極差
然後真係有吸引力既東北葵，站位又唔方便，咁何苦呢
呢點我覺得你同我立場一致

toby_tl10 發表於 2023-4-26 17:34
啱啱先發現，原來有人刻意做瓜45 241X九碼日頭開嘅班次，唔怪之得區議會要嘈。

現有班次：

呢次重組，簡直可以入選史上最差
乜嘢新城714大重組，至少換到一啲有價值既嘢返來
區域重組受害者眾，但都至少換到新線

今次——

Idea差
重組未落地，都已經無人睇好241X
本身條241X載客率都唔理想
就算作為繁時線都已經唔係好知做緊乜
紅土仍然係慢，青衣去何文田需求有限，青北旺角特快同41A疊到正

補償差
41改走都算，同佢做緊聯合班次既45竟然可以唔加班
真係前無古人，衷心希望後無來者

效果差
241X做唔到預期效果都算，我當你只係想減車
單係倒頭來用車都係無乜大變動
分分鐘41/45雙雙飛旺角/萬基大廈/寶其利街，仲減得多車
死草都算唔成

Execution差
竟然可以連45/241X九碼聯合班次都唔做

castanopsis 發表於 2023-4-27 10:56
無出現過，唔代表無得做
798出現既時候，都無人知道個市場究竟有無得做
要衡量一條線值唔值得做，始終要 ...

一個地方有冇潛在需求，會有蛛絲馬跡。沙田、將軍澳基本盤大，東北葵去九龍塘基本盤細。

我成日話，班城大學生幾乎無視 2B / 2F / 86C，
城大一半地方行去港鐵站同去巴士站時間相若，
叫佢哋上石硤尾公園餵蚊，班學生點解唔搭鐵？

而半個浸大浸醫係正金城道隔離，行去港鐵站明顯遠。
浸大門口仲要有正部 2 蚊機。
一個站上雙位數，咁樣先叫儲到巴士需求。

但行窩打老道、歌和老街，22 係連浸大客都做唔到，
馬鞍山班客係唔多搭 86C，多實街同義德道幾乎零上落。

Even 聯和道叫到幾十飛車，因為行到落依個位就到港鐵站
結果浸大浸醫客都比門口差幾皮。

以上正正係一個最好表徵，果區都養唔到客坐巴士，
點會因為多左條線吸晒所有客返黎？
有都好可能只係 1 個起幾個止，咁花資源去做黎仲咩？

除非你話將條 22 廢線重組，加少少車拉去東北葵，
我覺得咁都仲叫有得諗。
如果你話順路都算，問題佢係專登兜上去九龍塘東北葵。
今日下午 3 點半我上 241X，搭左足足 39 分鐘先到中電。

他日工業街有天橋上石籬，成個青公沿線係 10 分鐘港鐵步行圈。
仲諗住吸城大去東北葵班微量散客？只係越嚟越難做。