九巴41取消和241X提升服務

Gary_B 發表於 2023-5-25 19:13
其實由決定 41 轉 241X 個刻開始 大家都預見零加車下爆鑊既將會係 44 同 45  遲下到 41A 及 42A

係得北 ...

45爆得大所以有人嘈，古生仲話“糾正”我靠41救命喎

而家44自己都玩緊好過當年41嘅班次同派車時，真係哈哈哈

ccchhhuuunnn 發表於 2023-5-24 22:06
講到口水乾
起碼中長距離巴士行繞道/快速公路先會突顯到優勢 or/and 搭鐵要轉起碼一次線，先至值得開始諗 ...

再唔係塊餅夠大，其他對手食唔哂，又或者剩低嘅餅碎都夠睇頭。
荔景就算無鐵都唔會近磅。

搵其他成功例子去參考唔係錯，問題在cherry picking。
唔係忽略其他要素，就係搵現況最差同自己估算最好去比較。
咁搞點會唔漏洞處處呢

ccchhhuuunnn 發表於 2023-5-25 16:43
Again 厹咁難得改到兩條線以特快為名去填返其M/X線乘客轉車走後剩低嘅空位
同死心唔使諗252延長一樣，可 ...

所以 63X 飛美孚個 priority 可能仲低過 41 全日改做 241X，
反正屯轉 <> 旺角特快夠吸引，飛唔飛美孚都有固定嘅捧場客，
如果仲要 258A/960P/960X 之類嘅甜頭先成事，分分鐘由得佢就算。

BTW，241X 係咪真係有效分擔 41A 青衣中北 <> 旺角嘅客量呢？

ccchhhuuunnn 發表於 2023-5-24 21:13
唔會
又係偽科學讀死書拎曬唔使等車最佳時間去FF

46飛西廊拉去麗港城，其實行車時間同宜家分別唔大
但做多 麗港城<>油旺、觀塘商貿區<>油旺、荔景山<>九展/偉業街
都幾明顯值得蛇轉正/加多兩部車落去做20分鐘一班

我同意中距離，巴士好難同地鐵鬥速度
所以你見我上面既論述都無提過人口更多既美孚新邨
但宜家唔係單純同地鐵鬥速度，站位先係重點
2/6呢類流水線點解有人搭，原因係十分鐘車程既嘢，要行十分鐘去地鐵站，感覺好差
更加唔好話華荔邨/麗瑤/祖堯呢啲，行去地鐵站條路唔少係30度高溫曝曬
46行西廊，其實類似701，係一條行西廊既短途流水線
如果唔係整體車程輸太多，其實大把人肯涼住冷氣，較啱時間搭巴士出市區
荔景山/華荔邨<>長深荔，巴士出到客，點解一去到油旺，就反而覺得無得做？
沿住市區路站站停，啲客覺得太慢當然唔會buy，但你行西廊，巴士vs地鐵個差距，其實唔會差過長深荔

我同意做30分鐘一班會趕客，但呢個唔係市場大細既問題，係做法既問題

2X興發街直上東廊已經贏在起跑線，但西廊冇得直篤旺角彌敦道

問號？興發街上落橋交通狀況，都幾明顯差過西廊
當然2X人口基數大過46唔少，但46沿線某程度上更加遠離地鐵站
重點係，你開2X，開2A，係唔會做到同一班客

至於去觀塘
258X/259X行車時間相差唔遠
邊個快就睇龍翔道/佐敦道交通狀況
講穩定性就肯定係旺角穩定過佐敦道/龍翔道
46做埋40B功能，效果係唔差

S3BL100 發表於 2023-5-24 23:04
我想知你點樣由「45 當年麗瑤至荔枝角總站前有 1400 個客」去推導出沿路每小時有 130 個客出深長荔？

你 ...

45對開75班車，1400人即一班車19個荔景山客，一半去長深荔就每班車10個
46條數差唔多，6都幾肯定多過45/46，42如你所講會少過45/46
但考慮埋回程有171/904/905
45/42/46/6四線平均一班車10個長深荔客，即每小時130人出長深荔
應該係頗為合理既估算

油旺基本盤同長深荔，分別唔算大
當然你會話四條線喺長深荔個覆蓋，會廣過一條46喺油旺
但同時油旺客源又明顯集中過長深荔，一條彌敦道都已經掃曬值得做既位

老實講，如果大家認同 麗港城/茶果嶺/高嶺道/觀塘商貿區 係有必要開油旺線
假設開20分鐘一班，拉去麗瑤只係加兩部車
就算基本盤斬一半，其實都值得做（20分鐘額外行車時間，收$7回本門檻係19人）

ccchhhuuunnn 發表於 2023-5-24 23:51
同意
42呢啲根本同6D齊齊做荔枝角道同青山道大流水，青衣/荔景本身又大把車出長沙灣道，6D/42各自揾到獨 ...

無論42荔景山點處理
條線點都應該行長沙灣道同拉去中秀

四順/曉麗/中秀無地鐵，唯一一條西九線避走荔枝角道，係好唔合理
你無理由叫青山道>順天班客，行去荔枝角道搭車，然後順利落車再萬里長征返順天
如果咁都覺得無問題，係離地到喊

castanopsis 發表於 2023-5-30 02:05
45對開75班車，1400人即一班車19個荔景山客，一半去長深荔就每班車10個
46條數差唔多，6都幾肯定多過45/4 ...

你依然係繼續只提對自己有利 points，將自己願景最好同對手最差情況比較

麻煩你先望下 45 46 華荔邨站位喺邊，再諗下對華荔邨、盈暉臺到底吸引力有幾大；再諗下點解 6 號仔荔枝角總站客量唔可以用來評估荔景山路旺角特快線客量

根本就算出面有條特快線，華荔邨、盈暉臺巴士客都唔見得會放棄條入面就有得上車既 6 號仔，行出去坐你條廿分班特快。況且 6 號仔深水埗一段最大優勢係元州街青山道，距離鐵路有一定距離，呢點落到油尖旺已經不適用

仲要你條線大半個佐敦做唔到，又可以再打折扣

所以點解我話一日二千個客都畀多左。一小時 130 客，你真係以為一條特快線就可以令巴士喺荔景山往來旺角食到既客量可以上升 3-4 倍？

就算真係要去應酬佢地，三部車做佐敦旺角循環 vs 九部車拉去麗港城，一定係揀前者，多出六部車出來，麗港城茶果嶺想點行都得，唔需要畀荔景綁死日後重組空間。至低限度西行唔係事必要行死亡交叉，可以太子道西入、加士居道出，或者開線做其他野亦得。六部車幫人拆線，vs 六部車自己開新線，本身已經好大分別

但與其係咁，我寧願直接三部車開兩味線，麗瑤掃落美孚，直飛佐敦，再經東九廊、偉業街往觀塘碼頭，回程加經九龍灣商貿區。至低限度無其他包袱綁死，非繁直頭收起三部車唔開就蝕最少。當然代價係 45 要全日經旺角，但唔好忘記非繁收起左幾多部車

咩事呀 又推番上嚟  loop左160+文都未夠喉？

Snoopy@FB8617 發表於 2023-5-24 11:34
雖則我唔睇好荔景山旺角特快
問題係係唔係一定要有新人口
先可以做服務重組而唔係剩減班?

6同905減班已經答咗你

依個位依家除咗作為放巴士，實制用途不大

另外唔好再幻想有任何新線，因為有巴士停站嘅噪音問題

反而係諗需唔需要係嗰一座新樓落成後加強小巴服務落山（例如411之類）

S3BL100 發表於 2023-5-30 23:57
你依然係繼續只提對自己有利 points，將自己願景最好同對手最差情況比較

麻煩你先望下 45 46 華荔邨站位 ...

荔灣花園/九華徑/華荔邨
其實唔少座數出去荔景山路搭車，係近過去荔枝角總站
宜家啲人prefer搭6，唔多唔少係因為速度無分別，但價錢平啲/班次密啲

如果你認為華荔邨班客真係唔肯行出去搭車
一係46東行兜入荔枝角總站？

華荔邨/盈暉臺/九華徑，人口大約同海麗邨差唔多
老實講唔認為基本盤真係細得咁緊要
問題係6/46宜家個服務基準係堅難頂
32/36B獨市，行青山道/荔枝角道都趕足咁多年客，無理由去到華荔邨又覺得可接受
尤其九龍人本身出油旺既頻率，會高過新界人好多

加士居道擴闊工程過多兩年就落成
宜家條線plan得來，其實已經唔會有死亡交叉
掉返轉觀繞落太子道，成日俾大老山隧道車龍頂死
麗港城出油旺，東九龍走廊似乎會係最理想走線
而擺大角咀同擺麗瑤，只係多兩部車既分別，荔景無論少客到乜嘢地步，其實都無理由唔值得做

油旺佐唔適合用兩味線去做，而觀塘商貿區shoulder peak都會有客
45宜家大半車客都係 何文田<>長深荔，繼續塞落亞皆老街真係好冤枉
考慮到呢堆因素，我始終覺得45/46應該分工