九巴41取消和241X提升服務

FBI2 發表於 2023-3-21 16:14
真係亞視永恆。

都話你啲料好流㗎啦

castanopsis 發表於 2023-3-21 08:58
無數據始終難討論
花咗少少時間睇人口普查數據
46個種走線服務到，但又同地鐵有啲距離既，大約有32646人

如果你問我睇法，我嘅睇法係同意荔景的確唔需要咁多條線落深水埗，但唔同意需要開條旺角特快比荔景，我寧願合併一條過做返好少少個班次（雖然往績話比我哋聽合併咗都係陰乾）好過整色整水開條30分班嘅所謂特快

首先42因為種種原因飛唔走荔景唔代表各持份者能夠容忍42加兜麗瑤祖堯，呢點我係懷疑的，如果42無辦法加兜麗瑤祖堯，45／46點都要至少留一條而且要去到深長荔，咁仲剩幾多資源開條旺角特快？你真係資源有多嘅拆30比荃灣開旺角特快肯定有意義得多

你舉嗰堆屋邨人口確實夾埋有3萬幾人，但咁多年喺荔景山出入嘅經驗話比我知，呢度相當部分嘅人並唔係首選搭巴士出入，更加唔係首選搭46嗰種走線
盈暉臺／華荔邨－荔枝角總站有各條市區路線，就算搭巴士都唔多會行去荔景山路搭，再唔係穿過荔枝角公園去美孚站都唔係遠
九華徑－人口少
清麗苑－過條天橋已經係美孚站G出口
祖堯－巴士站只係cover商場附近座數，上面一係要行落山，一係等小巴
麗瑤－同樣巴士站只係cover商場附近座數，上面一係要行落山，一係等小巴，而且麗瑤作為頭站行晒成條荔景山路嘅時間已經夠落鐵

你講到康盛翠林，巴士小巴站喺埋一齊都已經好多人選擇小巴駁鐵，麗瑤祖堯小巴站比巴士站就腳得多就自然更多人選擇小巴駁鐵，巴士站見親都係幾丁友等車，現今成本高企之下撐到條巴士線出九龍已經唔容易，開條旺角特快更加難上加難

最後我想你再睇多次我上個reply最後一句：對後生嗰班而言，既然點都要行落山 or 搭小巴駁腳，點解唔落地鐵而要等巴士？巴士又唔係快過地鐵；對老嗰班而言，特快油尖旺需求又有幾多？班長者隨時去荃灣多過出九龍

leo_ku 發表於 2023-3-21 16:18
唔需要，你已經盡左最大努力，一個不太理想的改動愈遲改愈好。

唔好意思，我期待咗241X全日好耐。

Tobychow 發表於 2023-3-21 17:05
都話你啲料好流㗎啦

吓，冇人叫你信到十足㗎，不嬲只當參考㗎喇。一日未出通告，一日都未firm個時間。你話佢啲料流，咁你點解仲要次次問佢？
再者41呢啲係特殊例子啫，邊個估到會有咁多事發生

Tobychow 發表於 2023-3-21 17:05
都話你啲料好流㗎啦

願意接受任何批評

clivetock 發表於 2023-3-21 17:37
如果你問我睇法，我嘅睇法係同意荔景的確唔需要咁多條線落深水埗，但唔同意需要開條旺角特快比荔景，我寧 ...

同意
按近年通勤需求，荔景山個覆蓋其實係爭條觀塘巴士線遠遠多過旺角特快本身已有覆蓋。快得個少少吸唔到乜新客之餘仲倒走舊客（雖然都冇乜同埋同45左手交右手）。

ccchhhuuunnn 發表於 2023-3-21 20:04
同意
按近年通勤需求，荔景山個覆蓋其實係爭條觀塘巴士線遠遠多過旺角特快本身已有覆蓋。快得個少少吸唔到 ...

42去唔到觀塘?

shakugan2005 發表於 2023-3-21 20:45
42去唔到觀塘?

42上順利wo ching
雖則順利係觀塘區
但係唔代表佢係觀塘範圍lo

LR7875_7B 發表於 2023-3-21 21:46
42上順利wo ching
雖則順利係觀塘區
但係唔代表佢係觀塘範圍lo

觀塘區唔係代表觀塘範圍係一個咩野邏輯? 唔通係九龍城範圍?

shakugan2005 發表於 2023-3-21 20:45
42去唔到觀塘?

你搭時光機返番44年前就坐到42去觀塘㗎喇屯門VIP！