九巴43B將於19/12起改道

leo_ku 發表於 2023-1-20 22:50
改左兩個月都無，點可以咁快下結論？ 你諗下43B行左沙咀道幾多年？

憑初代 409K 回程既失敗經驗，何止一個月已經可以下結論 43B 回程完全失敗，未改個陣 day0 #10 我已經下結論！以史為鏡，可以知興替，聽過未！

一直唔明點解要開咁多線用咁多資源做青衣來往荃灣，又唔係收得貴。

搞到跨區長途線服務不足，青荃短途線服務過盛

最好青衣荃灣用小巴服務為主，或長途線如 49X，68A，E31雙向分段，巴士線有 42M 243M 應該都足夠，將資源用來開辦更多收費比較貴既心直接長途線，如將青全日，開辦青衣大埔線（272P 轉全日，延長去青衣）

384047x 發表於 2023-1-21 02:26
厹擺明就係賭千色店/南豐夠吸引力,先咁改
反正賭輸就陰乾43b,再殺線,慳資源
243m爆極咪頂盡加1部,都慳左8 ...

第一句其實唔成立

荃灣一大個天橋陣，根本去慣咗嗰個位上車啲居民就會自己識行

反而紅巴個目的就係後面嗰兩句

陰死條43B就諗住出少啲車

難為當初有地區人士幫手諗埋點改線，自己出車RUN埋冇人理

紅巴整條咁既爛線，區佬凱婷唔BAN，遲早實出事

天空之神 發表於 2023-1-21 01:35
你諗下本身用 M 車轉 68A 轉 248M 249M 幾多錢先

無第 3 程轉乘其實同轉 43B 無優惠差唔多

68A轉248/9M食咗屯轉就冇份，68A加248/M正價加埋同M線轉43B比根本冇著數；仲有68A係屯廠收車減班祭旗首選你唔係唔知呀嘛。
我屯門碼頭返青衣除咗第一次中伏俾咗兩程正價外外，基本上都都冇試過轉68A，所以屯門人已經唔會考慮68A轉乘，除非啱啱好夾到車

仲有就算元朗M線有轉乘，轉43B都快過41M/243M。

唔係撐古生，係點解非要所有車去青衣就無差別塞楊屋沙咀道就好好玩

kingprowm 發表於 2023-1-21 09:40
一直唔明點解要開咁多線用咁多資源做青衣來往荃灣，又唔係收得貴。

搞到跨區長途線服務不足，青荃短途線服 ...

其實就算拎埋長途線比；真係重疊得比較犀利嘅，係得41M同49X。

其他線睇落重疊，但冇乜位真係完全重疊；反而43B同243M之前就再重疊多D

kingprowm 發表於 2023-1-21 09:40
一直唔明點解要開咁多線用咁多資源做青衣來往荃灣，又唔係收得貴。

搞到跨區長途線服務不足，青荃短途線服 ...

因為真係有咁大需求，條條線經長安唔代表幾條線係青衣區內都有重疊囉！而家日日 243M 爆鑊，邊條線救到佢？橫窩仔街尾站去青衣南你想點善後？行老遠再搭條兜到暈既 43？

仲有，49X 已經越行越慢，總站 45 分先到新城市係等閒事，搭鐵轉多一兩次車都快佢兩三個字，又話要直接長途線但條線十年如一日仲越行越慢，放過佢啦

leo_ku 發表於 2023-1-21 10:08
409K 改過兩次路，一次係改經沙咀道跟409走，另一次係經楊屋道。

呢條線入沙咀道那期一樣執唔滿架車走， ...

所謂第二代 409K 跟409 走，但409 咸田街長期私下飛站，得一條 15-20 分既 409K 單飛，邊會夠 43B 243M 兩飛一齊玩？就算聯合班次到站，都係 10 分鐘內一定有車 ，咸田街核心就係 43B 243M 加埋一齊先打到 409K 唔玩轉去楊屋道打條積弱既 41M。將條 43B 改去楊屋道我無意見，不過一來同 41M 疊得更勁，二來都係無處理到咸田街得返一條服務水平不足既 243M，除非佢大部分時間加到個位數。

GU9338 發表於 2023-1-21 12:59
因為真係有咁大需求，條條線經長安唔代表幾條線係青衣區內都有重疊囉！而家日日 243M 爆鑊，邊條線救到佢 ...

又咁講，49X慢其實上落唔係唯一原因，甚至唔係主要原因

係楊屋道去青山公路D垃圾燈位設定問題更大，試過啦，下午5點幾楊屋道行市去眾安街燈燈食塞足15分鐘，呢D關鬼上落事咩