5 條經將藍公路新線首航 將軍澳兩條隧道皆暢通

tommy14D 發表於 2022-12-13 15:26
但係呢個上山塞車冇得搞，夜晚6-7入將隧預咗慢車，不過應該唔會再見到夜晚十點十一點鐘仲塞 ...

係......所以將隧都仲係會出現呢種不定時慢流甚至塞車問題~
夜晚9-11果種塞有時真係關收費站事, 佢地站頭好似係咁上下時間交更
我試過兩次中左佢地夜晚交更點數, 真係停晒成個站黎搞, 搞掂先放返車入隧道

3ASV174 發表於 2022-12-13 16:32
但事實上慢線一向有一大堆車最終係直行入隧道
包括一眾將隧巴士
同埋你數錯了，個分叉位係 4 線的，所以將 ...

我意思係將軍澳道三線，唔係講緊個分叉位。分叉位有廿條線都好，最終只係得單線入秀茂坪道北行，本身就係一個樽頸。

3ASV174 發表於 2022-12-13 15:44
智力問題：

以前將軍澳道塞車龍頭係隧道口前匯口位，

其實與智力丁點兒關係都無~

如果同秀茂坪果邊無關, 你解得通點解大部份次數將軍澳道上山, 快線除左稍慢但總係無事, 而中慢線硬係打交打到停
搞到觀繞上去有時連麗港灣都未過就要停, 觀塘上去有時都係警署出面就郁唔到
而你從中慢線塞上去, 絕大部份時間一過秀茂坪分叉位就海闊天空, 甚至行autotoll可以一腳油唔使踩brake就返到TKO各個大出口就得
隧道口果個匯合位其實主要係右線果4線左右合一, 左線2合一其實就算有塞都好快過的
如果你用將隧都有塞黎講, 咁都只係能夠講, 兩邊都係塞, 但單靠將隧其實好少會塞死倒灌落到山腳的
你睇下上繁一樣唔少車殺入TKO, 但上山一樣唔會點塞就明, 因為朝早根本上就無乜車會入秀茂坪果邊
左線唔倒灌, 咁入將隧咁多車都塞唔成的~

但反方向落山就另一個故事黎, 通常將隧真係塞將軍澳出去既車, 另一個就係法院灣倒流
所以繁時果觀塘唔出事的話都好順, 基本上將隧去到7點左右我就已經可以彩明一腳油去到收費站了~
其實呢兩個位大部份都係觀塘區內車既問題黎

而如果秀茂坪真不是源頭問題, 咁將藍唔出事的話, 成條將軍澳道左中線上山全日基本上就唔會再點塞ga喇
應該稍有智力既不難參透~

tommy14D 發表於 2022-12-13 16:00
道路設計， 首先要同連德道車互讓，其次現時得一條線畀人直上秀暉，個到係迴旋處又要讓右轉曉光街車行，  ...

主要係迴旋處食唔到咁多車, 落山都仲有左邊快線可以直篤燈口(雖然都係會塞), 但上山真係架架車都要入迴旋處
而另一點係將軍澳道算係公路直入秀茂坪既路向, 但寶達一帶出黎其實唔一定靠將軍澳道先快, 變相有得分流
但上山揸落真係分分鐘咁塞將軍澳道都未必慢過其他路上去, 我都解唔通~

Citcalag 發表於 2022-12-13 16:17
三條線，入將隧兩線，左轉上秀茂坪道寶達方向得一條線，變左將軍澳道慢線咪慢囉 ...

其實仲有一個問題, 就係好多慢線重型車唔似巴士咁會死守左線, 好多時佢地都會夾硬扭出中線, 但無力踩上去, 變左兩條線都一齊慢
但咁既情況入收費站本身條路係通的~

3ASV174 發表於 2022-12-13 16:32
但事實上慢線一向有一大堆車最終係直行入隧道
包括一眾將隧巴士
同埋你數錯了，個分叉位係 4 線的，所以將 ...

相對中&右線, 左線肯塞到入收費站既車係少得多的~
稍為有D力水既都已經行出中線上去了

而你諗漏左另一樣野, 就係出行時間......你山上散晒堆車同後面TKO散晒堆車唔一定係同時段~
但夜晚拉長返歸時段, 山上既車係咁呢個分叉位返去就已經夠塞死晒兩地車流~
就算絕大部份車流係返TKO, 但問題在於將隧大部份時間係消得晒入去既車流而唔使點塞
但你山上稍為多車一齊返去, 基本上就已經同TKO堆車攬炒~

所以你呢個思考方向可能證明到大部份車流都係入TKO, 但你係證明唔到將軍澳道不是主要因為迴旋處一帶倒灌而塞的~

我再次引用上繁TKO道上山情況黎做對比, 其實一樣係入TKO既車流係主流, 偶爾收費站都係消唔切會稍稍倒灌
咁點解TKO道唔會因為倒灌而好似下繁咁塞到出麗港灣呢?? 要知道上繁TKO道上山車流其實都唔少的呢, 非常接近下午多車時段既車流ga
(如果車流都是智力問題, 請給予有智力的答案)

stevechau 發表於 2022-12-13 17:24
相對中&右線, 左線肯塞到入收費站既車係少得多的~
稍為有D力水既都已經行出中線上去了

朝早車流一定比夜晚集中
將隧 7am 己塞到單車館，秀茂坪都未開始塞，之後秀茂坪散完條龍，將隧龍尾仲喺將軍澳
以呢個車流，夜晚秀茂坪要令到原本唔塞嘅將軍澳道塞車，太誇張吧？

再者將軍澳道上山，因為咬住左線一直行到尾都係可以入隧道
有堆繞道落將軍澳道入將軍澳隧道既車係一直咬住條左線直入隧道
因為一早行右線落橋要同狗屋上黎既車搶線，落橋行左線係會快過行右線，唔等於佢最後係轉上山，所以點解 98D 297 296D 全部新巴多數都係會塞住左線，慢線根本好多車都係入隧道
過左個 4 線位就明顯見到好多車最後係無轉左

以往搭車上秀茂坪道，去到 4 線個位係可以爬返入隧道既車頭

至於點解朝早將軍澳道唔會倒塞上觀塘繞道
就好簡單，因為朝早入城既車就算集中埋一齊點都唔及夜晚多囉
夜晚將軍澳隧道出九龍都會塞，但龍尾多數都係寶順路，而且唔會塞上晝咁長時間，已經證明了呢點

3ASV174 發表於 2022-12-13 17:41
朝早車流一定比夜晚集中
將隧 7am 己塞到單車館，秀茂坪都未開始塞，之後秀茂坪散完條龍，將隧龍尾仲喺將 ...

誇張又點, 咁都唔代表上山秀茂坪出口倒灌影響埋將隧車並非事實, 誇張就可收扭曲成非事實咩??
其實呢樣野好多出口都係會發生同樣情況, 主車流被非主車流出口倒灌以致影響整體幹道
近近地觀繞麗港灣&對面megabox出口都係兩個稍為相近既例子黎
麗港灣倒灌上橋面甚至粉面廠都唔係少見, 但主車流係落麗港城咩??
朝早九龍灣出口慢溜影響3線慢車, 乜大部份主車流係落九龍灣咩?? 唔係囉
所以誇張既點係邊?? 就算誇張但現實就係秀茂坪上山車流誇張到影響左成條將軍澳道既左中線囉, 不影響事實陳述呢~

至於左線定右線落斜快, 又邊條線可能快D殺到入收費站......
只能用一句概括, 就係睇時間&運氣~
一般黎講秀茂坪出口唔倒灌的話, 個人揸落左/中線都係差唔多, 除非警署果邊咁岩有大車殺上黎~
咁左線係會有D時間走, 下繁的話有時左線會有D著數, 但你KEEP中線好彩班車神唔亂咁碌的話, 其實都仲係出中線穩陣地快過左線~
你D巴士其實都係睇車流決定落斜果下衝左線定係塞右線, 平時坐796P望過太多次橋面左線車走先, 我地中線打觀塘車打完一輪交再碌上去, 變電站附近已經過返原本左線爬頭既車~
跟著又會係收費站果頭見返架車係右邊出現
而左線比中右線更快上到收費站, 就要有右線塞死倒灌+秀茂坪出口咁岩非繁忙先會出現, 呢個情況係有既, 但比起秀茂坪出口影響後面既時間來得少啫~
星期六日下午/黃昏應該出現既成數稍高~

慢線其實有一半以上既車都係直入出口的, 連好多唔係入藍田秀茂坪既將隧巴士, 稍為有空間有力走都係會搶中線上去, 左線真係得返D泥頭/工程車係最多死守左線碌入將隧~
佢地塞車唔出中線唔係因為快, 而係因為夾硬隊都難出中線, 出到又比想係中線CUT入秀茂坪打尖既車頂返住, 變相出唔出都無咩大分別咋~
而唔係因為將隧太多車頂住條左線呢, 將隧左二定左三收費站先係之前人手收費, 果條隊D車大多數係中甚至右線車隊返過去排~
左線堆重型車多數都係行autotoll, 次次見佢地一過秀茂坪出口就加速蒙住眼咁直入隧道無阻無塞咁呢~

出城計, 夜晚大約9點後的確每晚都因為交更又遇岩出城車流等因素, 總係會有段時間塞半條上斜路既~
但下繁出城塞起黎, 不比上繁龍短呢~

其實我都唔明咁長篇大論做咩
事實就係將隧龍頭由始至終都係將隧收到兩線個匯合位
個匯合位喺邊，龍頭就喺邊，即係佢先係個原因
點解會塞車，根本無嘢要爭拗

如果秀茂坪道出口係塞車源頭
咁一過左個分叉位就通晒啦，但事實係以前入隧道，過左分叉位依然要繼續塞到入到將隧管道先暢通個重點係：個龍頭永遠係比秀茂坪道出口更前，即係過左個出口去將隧方向依然塞車，
既然過左個出口都仲塞，已經證明將隧根本係自己塞車，咁有咩好拗

講到尾，都係因為兩邊入將隧最後要三線收兩線造成塞車
只不過出秀茂坪個出口咁啱喺附近，俾人老屈佢

Btw 今朝將隧都已經塞返車
如果真係要避開塞車，咁可能真係調更多將隧車去行唔塞嘅將藍囉

3ASV174 發表於 2022-12-14 12:05
其實我都唔明咁長篇大論做咩
事實就係將隧龍頭由始至終都係將隧收到兩線個匯合位
個匯合位喺邊，龍頭就喺邊 ...

今朝早繁將隧出城, 龍尾 keep 住都係隧道口三收二個位咋喎, 9 點幾將轉有巴士同泥鬼撞左, 可能倒塞返去將軍澳入口