有城巴E線連續行錯路

往機場方向，車長以為自己揸緊A線，在北大嶼山公路揀左直入機場。之後該車行經東涌碼頭，北大嶼山公路九龍方向，港珠澳人工島，旅檢大樓，赤臘角路，赤臘角南路，纜車站，富東廣場，行錯路後在裕東苑站首次停站俾客落車。我在呢度落左。

入左人工島之後我同車長講，因有一定行李客，斷估佢地趕時間搭飛機，建議去機場俾佢地落左先再翻東涌消防局依原有次序停站，不過都係睇你點決定。最後司機無在機場俾人落先。

希望城巴唔好重罰呢位車長啦。如果我係城巴管理層，可以考慮在重要道路分岔位前廣播多次“你搭緊XX線前往XX”，提醒車長揀路。聽講九巴在揀大欖定屯公嘅位已經加左類似廣播。同埋有D容易行錯嘅路線應該事先編定萬一行錯時最快去翻原路嘅路線。

https://www.tcu.gov.hk/chi/traffic-complaint.html或者
https://www.bravobus.com.hk/onlineform/tc/feedback?intLangID=2
可以幫到你，係italk投訴係無用

969汀九橋近屯門公路分岔口已經有類似廣播，甚至E車離開青馬轉車站往東涌都會再播多一次“歡迎乘搭城巴EXX”（以前無）。以後睇怕要係東涌出口前再播多一次

喺裕雅苑個十字路口咪上得返大迴旋處 唔使兜咁遠呀話

koneotis 發表於 2022-12-18 14:49
969汀九橋近屯門公路分岔口已經有類似廣播，甚至E車離開青馬轉車站往東涌都會再播多一次“歡迎乘搭城巴EXX ...

車長有需要嘅,
望吓個八達通機,
咪知自己揸緊咩路線囉...

城巴A車國泰城特別班次都可以夠膽死聽到報站都直飛去客運大樓，呢啲嘢自己低調同巴士公司投訴就得

JR5204@26M 發表於 2022-12-18 14:47
https://www.tcu.gov.hk/chi/traffic-complaint.html或者
https://www.bravobus.com.hk/onlineform/tc/feed ...

我當然唔係想投訴啦，想投訴我點解連邊條線都唔講清楚

szeto993 發表於 2022-12-18 15:40
城巴A車國泰城特別班次都可以夠膽死聽到報站都直飛去客運大樓，呢啲嘢自己低調同巴士公司投訴就得 ...

其實我唔係想投訴，我想討論嘅係，當駛入人工島係既定事實嘅時候，車長在機場停站俾去客運區嘅乘客落左先再去東涌，可唔可取？
首先要睇公司政策是否允許在行錯路之後將錯就錯改變停站次序。
其次，今次嘅proposal算係加停（機場）一個落客站後再依原次序停站，唔會做唔到原本呢條線嘅所有OD。如果會做少左某些OD，咁就唔好改變。
再次，如果真係在停東涌消防局前加停機場，司機一定要熟路同保持鎮定，同埋明確知會車上乘客。香港巴士車型應該係無咪嘅，司機有嘢同上層乘客講係要大聲嗌。我覺得，司機在行錯路之後會變得緊張，唔夠膽加停一個站都算正常。如果司機保持鎮定同心水清，加停一個站以減少今次行錯路對去機場嘅乘客造成嘅延誤，咁就應該表揚。
當然，再次重申，大前提係已經入左人工島。如果唔係已經行錯咁多路，當然儘快翻去原本路線啦。

sunhoo 發表於 2022-12-18 16:29
其實我唔係想投訴，我想討論嘅係，當駛入人工島係既定事實嘅時候，車長在機場停站俾去客運區嘅乘客落左先 ...

正確嚟講應該係先停低問返公司攞指示，搭過咁多次多數巴士司機行錯路都係自己揸返去原線

城巴A車早上國泰城特別車就多數停咗客運大樓先去返國泰城

亦有有試過坐E42C過咗AAT個司機以為自己揸E42直飛出東涌先知自己行錯，特登加停東涌站畀人落再兜返入貨運區行返原線

既然唔係要投訴都無乜特別可以討論