(九巴VS城巴, 九巴VS運輸處保小巴政策) 火藥北區區議會記錄

S3bl430 發表於 2022-12-28 23:44
20C一向都有直出火車站班次,尤其是火車站坐滿客就會直入大尾督

咁現在75K死左未?

一直冇人講嘅係，鄉郊成個問題係連串丁屋，地產商不停收購農地再發展而造成今日嘅局面

dennis28a 發表於 2022-12-28 22:16
我想講，運輸署政策入面最想殺死就係村巴。
只係港島人有錢富豪搞唔死，咪搞新發展區班中產。 ...

就係話本身個政策出梗問題

S3bl430 發表於 2022-12-28 19:08
我想起白石角個case,早在白石角未發展以前,九巴明顯想73A改經白石角,
不過在奇特的區議會制度下, 73A無法 ...

奇特嘅唔係區議會制度，一個諮詢架構本身並無實權。

只可以話每個區議員個視野就好唔同。

換轉，400幾隊關愛隊一樣可以好奇特。

12Lane 發表於 2022-12-28 22:38
78x 79x咪又係村巴，開架雙層同掛個專營頭銜比佢之嘛，服務人口數量根本同村巴無異。88R都係村巴，不過唔 ...

其實玩到一兩萬人口當一組標咁出去，只不過係政府有更大控制權嘅邨巴而已。

不過都唔出奇架啦，冇公民社會，政府要自己話事嘛，佢劃線，佢俾乜你搭乜，最好唔好咁多野講。

Twinings 發表於 2022-12-29 02:17
事實係封關前嘅44系營辦商根本唔夠能力滿足大半個屯門嘅需求；對總站客來講，小巴班次係密，但對中途站/ ...

44A疫情期間繁忙時間屯門往上水一樣咁難上車，尤其公路前的幾個站。 不少人索性搭261/56(A)。 不過自從有56出現和加班後，有版友說小巴公司多了車在欣田起載加班，以往繁時係近乎無車經過 (打爆左改路走曬)，不知道其他中途站有無減班減車受害了。

觀望一下開關之後44系，尤其A仔情況會如何。

UA2892 發表於 2022-12-28 16:49
要睇政府肯唔肯用合理嘅價錢回購小巴牌
但係有啲窄路仲要靠小巴出入
從成本角度看,小巴維持較頻密班次理 ...

我都覺得係, 路面上也好、需求上也好, 有D位真係小巴/中型巴士去做真係好過由雙層巴士做好多~
但TD而家呢種殺村巴既形式, 很大程度上係連綠小既需求都傷害緊~

其實政府肯揹車隊條數, 營運商就好似外判商咁搵人返黎揸車啫, 個小巴牌未來點生存都唔係好煩, 唔一定需要回購~

但好坦白咁講, 而家不論長短路線定村巴, 很大程度上載客使用車輛既真空位係好大
意思指低地台與否以外, 而家睇落唔少路線都需要20-40個座位既短巴士
好一些路線如果而家係行緊呢種短巴士, 係好大程度上可以減少巴士同小巴之間既難堪與衝突的

stevechau 發表於 2022-12-29 10:44
但好坦白咁講, 而家不論長短路線定村巴, 很大程度上載客使用車輛既真空位係好大
意思指低地台與否以外, 而 ...

所以就係話而家車款上已經唔難做到超過19個位，而同時又滿足到行狹窄路段嘅要求。係一直冇政策去配合姐，而家一係就搵小巴做，多一個都上唔到；搵巴士，掟架單層甚至雙層入去試路一fail成件事就完左。難聽咁講，村巴廿幾座2+2係迫少少，點都好過完全上唔到，印象中以前澳門D小巴連埋企位都好似塞到成差唔多30人，好鬼癲。

12Lane 發表於 2022-12-29 11:09
所以就係話而家車款上已經唔難做到超過19個位，而同時又滿足到行狹窄路段嘅要求。係一直冇政策去配合姐， ...

其實只係無再放寬或者無再update而家呢個客車世界有咩車款岩本地用啫
難聽講句, 要塞的話, 以前紅VAN前身咪又係一架細客貨VAN塞9個位入去, 唔理人道要塞實塞得入ga喎~

但呢幾年無論國內定日本, 都見到有D比Coaster闊D, 差唔多長度既較小型旅遊巴士, 呢D車塞到30-40個座位係無問題ga喎(有無低地台係後話)
開呢種車做小巴村巴既成本如果話會比Coaster小巴高好多, 甚至貼近單/雙層專利巴士, 我暫時抱好懷疑既角度去看待

stevechau 發表於 2022-12-29 10:44
但好坦白咁講, 而家不論長短路線定村巴, 很大程度上載客使用車輛既真空位係好大
意思指低地台與否以外, 而 ...

能否好似當年深圳咁，大小巴合一？（綠頂、鐵巴、愉景灣、珀客、陽光馬灣線改制為專利巴士，九巴、善水亦可買小巴行疏車線，綠頂也可買長單甚至雙層行大線）