建議九巴試辦 X95 尖沙咀 — 康盛花園/翠林邨 (循環線‧特快)

天空之神 發表於 2023-1-4 19:50
X95 係循環線，我改得去翠林總站一定有原因既

95雖然泊雙坑，但如果X95講緊之後想密過35分鐘1班，唔見得嗰條坑可以額外塞多超過2部車，
btw如果翠林揾到總站位，可以做嘅嘢多好多，e.g.成條W2拉入翠林做佐敦，或者比人落寶琳站駁鐵

樓主一向仇視山區居民大家係有目共睹嘅
但唔等於可以濫收車資架喎

你條 X95 單程得 14.9km，最高車費收 $10 架咋
同埋試辦一個月會唔會唔夠？
我見 98B 行左半年，坑口拉晒大 banner 都係得十個客唔夠，會唔會唔夠時間俾啲客認識條線？

3ASV174 發表於 2023-1-5 21:19
樓主一向仇視山區居民大家係有目共睹嘅
但唔等於可以濫收車資架喎

X95乃98P特快班次，釐定收費時須按照非特快班次之行車里數 (19.3km最高可收$13.9)，
而X95只建議收$11.6。我都想再平d，最好平到W2咁$5.9直出佐敦，但開新線可唔做到咁平？拉W2或者得，我21樓亦有討論

另外，其實我原建議都寫到明，試辦一個月後係研究點樣加強服務和加密班次，唔係取消服務，
如果要試夠幾年先慢慢傾如何加密班次和改善走線，我真係做唔出，真係唔知邊個仇視山區居民啦

214P_world 發表於 2023-1-5 23:13
X95乃98P特快班次，釐定收費時須按照非特快班次之行車里數 (19.3km最高可收$13.9)，
而X95只建議收$11.6。 ...

跟里數收到最貴已經可以接受，有人要超平車咩？
你都想收平啲？但係你千方百計諗到收得仲貴過原本喎

98B 作為 98A 特快班次都唔使加價，巧立名目都唔好咁過份啦，都唔使佢同價，跟返里數收錢本來都好合理
同埋唔知點解成日要作啲帝線出嚟俾人地區，只開日間非繁時，35 分鐘一班循環線，大站全部路過不停，你仲喺其他 post 埋怨緊間中開 25 嘅 297 疏車，咁呢條算係咩？

真係有心載客嘅，好似 35A/35X 個組合咁，98P 下繁後開到夜晚，就算只係 30 分一班
都好過呢條只做日間非繁，35 分一班嘅垃圾，連繁時都唔會只做兩條邨去尖東點到點，要照留返 98P，咁究竟點解日間非繁反而要開條咁嘅線

3ASV174 發表於 2023-1-6 15:52
跟里數收到最貴已經可以接受，有人要超平車咩？
你都想收平啲？但係你千方百計諗到收得仲貴過原本喎

• 我21樓討論過W2可否拉入翠林總站 ($5.9翠林直出佐敦)，選擇性失明真係好咩😅
• X95特快價都只係跟收費表按里數收費，同區其他路線按特快路段/重新砌線出個貴D嘅價已有大把例子：
  98C→298C/298X(+$1.1)、98B→98(+$1.1)、796C→795X(+$2.3)、796P→790(+$1.4)、796E→795/795P(+$1.7)
• 建議中 98P→X95(+$1.1) 只參考上述例子入面加最少嗰個，夾埋都只係旺角線咁上下嘅價，
  其他post都有討論(e.g.796P→790)：人均收費多咗自然回本門檻低d，傾加車時對客量要求自然鬆d
• 98B→98 收特快價玩全日，貴$1.1唔爽但不至於大問題，若果 98A→98B 咁做亦然，98A都貴過95M啦
  

• 揾2架車開35分鐘1班都都比你話帝線😅，我點敢一來就揾6-7架車開10-15分鐘1班?
• 非繁35當然疏，所以我寫明1個月後研究加密班次，297冇分別，係袋住先vs紙上談兵得個吉
  

• 停寶達就要等「安峯—九龍站」結果 (否則路線重疊盞ban)，甚至出爐再過幾年RPP先有得傾重組分工，
  等得來都退休，到時還可能有東九龍綫/安達臣發展區/137區發展，如果呢幾個項目成功落實，
  可預期秀茂坪巴士跌客/安達臣(經秀茂坪)用車增加/北車南調至137，X95更易胎死腹中
• 所以我強調先試辦再檢視；若唔做點對點仲可以點，入秀茂坪內街? 落觀塘道? 兜將軍澳落山?
• 其他版友亦曾討論自疫情起夜晚跌唔少客 (而且客源單一方向)，日間非繁我所見98D/215X東行坐滿，
  建議率先喺較穩陣嘅日間試辦，而你所觀察到嘅相反一面正是試辦後「研究延長服務時段」要傾嘅嘢
• 最後，漆咸道南或者不及彌敦道好，但至少毋需考慮彌敦道仲有冇quota塞條新線入去，
  彌敦道行去漆咸道南5分鐘，只係邊面行去邊面咁解，平時翠林人龍不絕嘅17M→MTR去P出口都係咁行
  

214P_world 發表於 2023-1-5 19:25
95雖然泊雙坑，但如果X95講緊之後想密過35分鐘1班，唔見得嗰條坑可以額外塞多超過2部車，
btw如果翠林揾 ...

其實 W2 應該安心上路還車比 215X

劫唔係咁打既

214P_world 發表於 2023-1-7 01:08

我21樓討論過W2可否拉入翠林總站 ($5.9翠林直出佐敦)，選擇性失明真係好咩😅

X95特快價都只係跟收 ...

其實成個建議明眼人一睇就知係心地唔好到極先諗到本身都想忍下口，但啲歪理真心衰格

單係收費
298C/298X 單程 24.7km，98C 本身得 22.9km，本身按收費表最高可收 $13.9，298c/298x 加價根本係因為自己里數長左
98B/98，首先 98 同 98B 無關係，其次 98 單程 9.9km，本身收費表最高可收 $8.9，何以見得係特快價？
796C/795X，又一次 795X 同 796C 係兩條路線，而 796c 里數 22.5km 最高收費 $13.9，795X 里數 25.7km 最高收費 $16.6，795x 根本真係長左，唔係特快收貴
796P/790，呢個直頭擺明 796P 一直收平左，796P 26.1km 仲長過 795x，790 19.8km 依家只係正常收費，按里數佢本身都可以收到 $13.6

見到未？所有所謂特快加價，即使「加」完，佢個收費都無收盡自己里數個車費
而你條 X95？單程 14.9km 本身收 $10 已經頂盡，然後你是但搵個 number 話佢係阿媽班次然後用佢個里數收費加 1 成，合理嗎？
你唔使回我啦，唔好你同我話合唔合理，大家有眼睇啦，好嗎。

W2嗰啲，鍾意就建議佢拉去坑口啦，山區唔使你操心啦，Thanks。

至於開咩時段，咩班次，唔好又懶有邏輯咁
咩時間有客咩時間無客其實大家都好清楚，唔通依家日間非繁 98D 會多客過夜晚返將軍澳？點解建議開呢個時段呢個班次
大家明架啦，你解釋其實無意義

唔好將你自己嘅渴求擺喺人地度，
你自己鍾意一站直出，你咪開 post 畫夠幾十款坑口直出，35 分鐘一班，只做日間非繁，市區總站開入黎坑口停兩個站出去大循環
收爆車費表，呢種大帝式走線你地 buy 嘅玩返坑口算啦，唔好搞其他區，thanks

天空之神 發表於 2023-1-7 09:37
其實 W2 應該安心上路還車比 215X

劫唔係咁打既

高鐵重開，W2為何反而取消呢？

3ASV174 發表於 2023-1-7 14:10
其實成個建議明眼人一睇就知係心地唔好到極先諗到本身都想忍下口，但啲歪理真心衰格

單係收費

• 用收費表計，X95 19.3km最高可收$13.9，實際建議$11.6與最高收費仍有好大距離
• 用實際操作睇，98S→298C 飛寶琳再飛清半縮短里數+$1.1，同98P→X95有何分別？
• 98B→98 / 796C→795X 等雖並非以特車方式開線，但開辦前後 98B/98 也是宣傳康城出觀塘，
  796C/795X 也是宣傳將南出旺角，實際操作而言乘客比以前比多$1.1~$2.3出去，即改快後貴咗呢個價
• 796P→790 前者收得平所以後者貴冇問題，然後 98P→X95 卻可炒作成一個問題
• 我所觀察疫情前夜晚旺，但疫情下日頭反而較旺，但無論如何，感謝你嘅建議，已於原建議新增晚間服務
  

• 唔使開口埋口講住你最關注嘅疏車貴線坑口直出，已經有297，30分鐘一班，九龍灣收紅磡價，
  唔經油尖旺等旺區/觀塘等CBD，東行又唔似X95有得停九展轉車，啱唔啱你口味都唔使同我講
  

214P_world 發表於 2023-1-4 04:24
尖沙咀彌敦道行到漆咸道南巴士站都只係5分鐘，仲近過尖沙咀港鐵站啲出口去月台，點解咁就做唔到呢班客生 ...

就算你話漆咸道南做到彌敦道生意，咁漆咸道南做唔做得到廣東道、中港城生意？

你自己都默認做唔到，要加個轉乘落去，說明你根本無心盡量做最多客，根本就係喺度避重就輕

事實亦係當年 5 仔縮左去尖東麼地道果期客量比起之前同之後少好多，只做尖東係行得通就唔會搞到咁個款。咁都唔叫定線有問題？當年有加到 8A 28 轉乘架但結果係點？

口口聲聲話做尖沙咀生意但原來結果都係要叫成班客轉車，有無誠意大家心照