建議取消98D康城站特別班次

98D康城特班需要繞經坑口全圈。一直以來在鐵路及796P競爭下客量欠佳。現在由於新巴790提供服務，清水灣半島、百勝角及康城一帶路線重疊。因此客量進一步下降。建議於790下一次加班時，取消4班98D康城特班。原有用車用作預留開辦298C或加密298X線或拼入98D坑口特班用。（開放討論）

坑口咪變相減班

先將98D特車拉入康城，有790後就建議人地直接取消，再拎埋架車去做康城專線298X
比98A特(98B)延長至康城再縮短更肉酸😂

298X唔係我話要開既，一開始RPP都係話開298C，而家唔知開唔開得成。

又或者咁講，如果照開9班坑口直出，果9班客量會如何？坑口願唔願意用幾班98D換幾班西九旺角九龍城車？

Citcalag 發表於 2023-1-5 17:25
又或者咁講，如果照開9班坑口直出，果9班客量會如何？坑口願唔願意用幾班98D換幾班西九旺角九龍城車？ ...

減至35分鐘一班 = 拆爛d班次，就算換到將軍澳段298C行法+市區段98E行法 / 西九乘客好滿意，九巴也唔肯吧😂

214P_world 發表於 2023-1-5 17:35
減至35分鐘一班 = 拆爛d班次，就算換到將軍澳段298C行法+市區段98E行法 / 西九乘客好滿意，九巴也唔肯吧 ...

我無寫得好死既，我只係話取消康城特班，減少環保段載空。至於騰空4架車點用，可以再討論。唔係話全部4架放哂落298C

Citcalag 發表於 2023-1-5 17:41
我無寫得好死既，我只係話取消康城特班，減少環保段載空。至於騰空4架車點用，可以再討論。唔係話全部4架 ...

• 咁就仲死，都未諗d車點用就乘機cut晒其他區d線，今次98D，下次會唔會到796P 793 98S?
  尤其796P，比98D路線更長，收費更平一截，回本所需要嘅客量自然更多，按你講法呢條線肯定會係下個對象
• 康城段載空縮短咪得，為何要慷其他區之慨，令其他區/康城去區內冇得搭呢... 加上康城段舊線載空絕非新鮮事
• 名義上抽走98D 4部車做西九快線，實際上講明唔係放返晒落298C，咁同cut晒98D放落98C有咩分別，
  而且抽走晒4班98D去換298C乘客都實唔肯 (去尖沙咀返工嘅人 同時段比架旺角車佢有乜用)，更何況唔係
  

• 面對790競爭，就算唔縮返坑北，入百勝角路方便居民又得，或者PTI直接左轉都得，
  唔好忘記790係新巴線，九巴又點會直接棄賽兼趕走晒原本嘅乘客呢? 加回程康城特都仲得
• btw 不論「康城專線298X」還是「康城快線790」加班，相信天降資源都輕而易舉，
  即係「0換1 or more」與「1換1」嘅分別，就算康城區議員都唔會揀後者啦
  

其實係幾有趣
成日話康城只搭鐵，但 790 只做清半到康城，客量仲好過 98D 康城加埋坑口直出一大截
即係根本係兜坑口趕康城客

反正 98D 繼續康城開都無咩意義，坑口直出又咁少客
不如特車全部擺返坑口北開，早繁正班變晒 98P 算啦，反正 98P 仲好生意，98D 正班朝早坑口又接近無客嘅

214P_world 發表於 2023-1-5 20:03

咁就仲死，都未諗d車點用就乘機cut晒其他區d線，今次98D，下次會唔會到796P 793 98S?
尤其796P，比98D ...

因為98D康城特真係無乜康城客囉 減少開支及資源浪費已經係一個理由。同埋我唔係提議先取消後加班，而係取消係必然要做，剩低既車如何處理可以開放討論。

796P 793 唔同790，剩係服務時間已經差好遠。拉返出將軍澳，只留返一條流水係遲早既事。開左790仲同時有98D特、796P同地鐵，個餅就得咁大，仲喺度死纏難打做乜？明明已經蝕錢都要蝕落去，呢個唔係叫知其不可為而為之，而係唔識做生意。做生意就係為左賺錢，邊區多客做邊區。路線重疊引致資源浪費就合併、取消服務。

98S縮短返去坑口，我個人非常贊成。康城唔需要呢條線。290X已經可以替代區內服務。