其實51行唔行到12米？

kitarolo 發表於 2023-1-19 10:11
的確,舉例說粉錦公路、屏夏路
大潭道並無設立限制車輛長度的
告示,但唔會批准用12米巴士載客 ...

大家有時係咪諗漏左樣野，部車要行到有幾難，你去外國旅行搵架旅遊巴行D懸崖山路幾窄幾崎嶇都冇問題架，有倒頭車最多咪入後波蹆車。最主要都係配唔配合到香港本地政策、同日常營運情況架姐。除左政府官僚僵化同怕事（或者so call保證安全）嘅作風，咩都要試清試楚為防投訴。

在巴士公司角度，搵架雙層上去一定好架，開少班車，平日行埋可能個半鐘一班添仲可以聲稱提升載客容量。


而家拎架11.3去行，同12米講真已差不遠矣。嶼巴咪又係照攞部11.7去諗住試行嶼南，有得行你估佢唔想咩，問題就係政府部門（suppose) 就係要為其他道路使用者/道路效率設想架啦。就好似嶼巴E400，載客量提升左，調轉頭犧牲就係道路效率同埋行車時間，呢樣都係要平衡同埋考慮嘅。但至於荃錦交通比較繁忙定係嶼南道東涌道比較繁忙，就不得而知啦。

12Lane 發表於 2023-1-19 10:47
大家有時係咪諗漏左樣野，部車要行到有幾難，你去外國旅行搵架旅遊巴行D懸崖山路幾窄幾崎嶇都冇問題架， ...

批 AD 都極速老化緊
架 11.7 本身諗住同 A51 長度一樣好好批
又試埋 A95 落散石灣
而家咩都無睇黎真係咁用架車有問題

講返荃錦 , 車係上到不過唔比你企客你都唔會買啦
當年 M 仔得 3 個企位真係即管睇下批新 E6M 可以企幾多人上山先啦

mattwong09 發表於 2023-1-19 10:11
54同251B都係由錦田公路東行線左轉入總站

(啱啱醒起E36P回程班次都係咁樣右轉入總站，不過一日只係兩班 ...

E36P 嗰兩班車有無真係入上村總站都成問題

天空之神 發表於 2023-1-19 10:53
批 AD 都極速老化緊
架 11.7 本身諗住同 A51 長度一樣好好批
又試埋 A95 落散石灣

嶼南只係運吉搬龍門搬到唔批啫

樂仔〞 發表於 2023-1-19 10:58
E36P 嗰兩班車有無真係入上村總站都成問題

根據行記片，有入過嘅


https://www.youtube.com/watch?v=vdnqwOIeimk

mattwong09 發表於 2023-1-19 10:01
與其諗荃錦公路行唔行到，不如諗下12米車點樣右轉入上村總站 (而家用AAU都已經幾牙煙)
...

E36P 啲車入到

12Lane 發表於 2023-1-19 02:47
大家有時係咪諗漏左樣野，部車要行到有幾難，你去外國旅行搵架旅遊巴行D懸崖山路幾窄幾崎嶇都冇問題架，有 ...

雙層巴士提升佐載客量，即係同一條路同一車流可以運送嘅客多佐，
同減低道路效率呢點有矛盾。

可能你係話雙層車慢過單層，拖慢整體車速。
但係講緊雙層車慢接近一半兼且無位俾快車爬頭，先至會出現。

而調番轉講，如果雙層車令道路效率低嘅話，
嶼巴/九巴自己都唔會諗入雙層落嶼南/11.3爬大山啦。

clivetock 發表於 2023-1-19 03:17
根據行記片，有入過嘅

我成日都話，唔好當D師傅流先至得架。

題外話，呢度好多人批評凱婷同巴士公司“保守”、“僵化”。
响行大車呢一點，眾多板友反而比凱婷同巴士公司更“保守”、“僵化”。
有趣有趣...

s3n370 發表於 2023-1-19 17:42
雙層巴士提升佐載客量，即係同一條路同一車流可以運送嘅客多佐，
同減低道路效率呢點有矛盾。

只係睇邊個factor對整體效率影響較大，覺得矛盾只係因為你assume兩者行車時間同車速一樣。

用更少更大嘅車載番同一班客，上落客時間多左，車行慢左，轉彎靈活度差左，都一樣可以減低番載客效率。

點解用嶼巴做例子，就係因為E400行車速度真係難以同旅遊巴比較，一架載88人，一架載65人，但同時行車時間雙層能唔能夠賺番載客優勢，我自己就不置可否。唔之大家仲記唔記得行旅遊巴3M嘅年代跑一單要幾耐？

至於點解巴士公司爭住用？睇年報都知，就係因為人工係營運巴士最大支出factor，用更少司機載番同一數量乘客可以利潤最大化，就係咁簡單。

12Lane 發表於 2023-1-19 10:23
只係睇邊個factor對整體效率影響較大，覺得矛盾只係因為你assume兩者行車時間同車速一樣。

用更少更大嘅 ...

比較唔係剩係快佐慢佐，而係快幾多同慢幾多。
仲要睇好嘅地方彌唔彌補到差佐嘅。

快慢同靈活性影響回車速度，直接影響用車同司機數目。
65同88嘅差距唔大，即係說明佐雙層車就算比單層慢同無咁靈活，
但影響微不足道。