大窩口站C出口方案

呢個新出口建議真係好hea咯......好似大家話齋，將B出口改建就基本解決問題。
一開始仲以為係德士古道北，關門口村西邊土墻（行人天橋下方）開窿整新出口
（上述行人天橋通往蕙荃體育館。此外也方便前往城門谷游泳池、石圍角邨等地）

其實大家當個C出口，係如旺角站大堂往銀行中心出口嘅上行扶手電梯咁，
响現有樓梯隔離另行加建出嚟，增加整個出口嘅流量。

改建唔係玩Sim City，撳個掣就變到出嚟。
改建期間肯定要臨時收窄現有出口，令到繁忙嘅出入口更擠迫。
更極端嘅情況係要起臨時出口去取代。
而無論如何，改建係耐同貴過起新出入口。

地方有限，就貴D、耐D、乘客迫D都要焗住改建啫，
有位起新出口，正路都唔會攞苦黎辛啦

s3n370 發表於 2023-2-15 18:15
其實大家當個C出口，係如旺角站大堂往銀行中心出口嘅上行扶手電梯咁，
响現有樓梯隔離另行加建出嚟，增加整 ...

咁起多個點都無人反對嘅，係擔心新出口距離天橋遠咗吸引唔到人用，起嚟得個吉啫

clivetock 發表於 2023-2-15 13:11
咁起多個點都無人反對嘅，係擔心新出口距離天橋遠咗吸引唔到人用，起嚟得個吉啫
...

新C出口响正大堂中軸，而現有B出口側埋一邊。
整體步行距離唔會有乜分別。
況且新出口有扶手電梯，都幾肯定大多數乘客會改用扶手電梯上地面。

況且起得新出入口，必然會執埋大堂佈局去理順人流。
甚至整埋港鐵至愛嘅商舖，唔駛擔心得個桔喎。

無錯，有新出口就有可以將人流帶去車站另一度，可以加舖頭依家個站就係人流太集中，少有同款既車站都仲未加舖頭加到盡

s3n370 發表於 2023-2-15 18:15
其實大家當個C出口，係如旺角站大堂往銀行中心出口嘅上行扶手電梯咁，
响現有樓梯隔離另行加建出嚟，增加整 ...

咁B出口已經有樓梯，C出口做雙電梯先有意思，佢依家做電梯加樓梯一樣係哂咗。如果只係得一條電梯嘅錢，其實B/C出口用返荔枝角D1/D2個模式咪得。

lrv1092 發表於 2023-2-16 03:33
無錯，有新出口就有可以將人流帶去車站另一度，可以加舖頭依家個站就係人流太集中，少有同款既車站都仲未 ...

如果用呢個思路，唔係應該喺A出口果邊造幾部高速𨋢駁條橋去旭葵樓，平衡返兩邊人流？

巴士的膠 發表於 2023-2-16 00:21
咁B出口已經有樓梯，C出口做雙電梯先有意思，佢依家做電梯加樓梯一樣係哂咗。如果只係得一條電梯嘅錢，其 ...

純以出口佈局論，起一條扶手電梯的確可以用荔枝角站D1/D2出口嘅模式。

但考慮埋出入口位置同車站構造嘅關係，就未必係咁睇。
荔枝角站D1/D2出口係獨立於荔枝角站，
佈局亦受制於長荔街嘅闊度。

而大窩口站新C出口同時有扶手電梯同樓梯，
咁好大機會係啱啱佔用車站中間兩條柱嘅空間。
換句話講係兩柱之間嘅天花樓板需要完全移除。

同只係造一條扶手電梯咁闊嘅出口，只係移除部分天花樓板計，
咁做需要嘅加固工程係更多。未必平得過起個闊D嘅出口。

起兩條扶手電梯當然係好，問題係一條扶手定兩條扶手電梯貴D，答案係顯而易見。

巴士的膠 發表於 2023-2-16 00:24
如果用呢個思路，唔係應該喺A出口果邊造幾部高速𨋢駁條橋去旭葵樓，平衡返兩邊人流？ ...

錢呢？

起野剩考慮單一因素？

https://www.inmediahk.net/node/% ... 7%E9%99%8D%E6%A9%9F

點解港鐵咁孤寒唔肯起雙向電梯?