九巴司機視而不停聽又不停？

有片｜觀眾報料暴燥司機「視而不停 聽又不停」和乘客爆衝突
網址：
https://www.mytvsuper.com/tc/sco ... _campaign=scoopplus
====================


重點 段片報站係裘錦秋中學
即係阿伯一係天盛苑上，一係裘錦秋上

最恐怖疑點係 架269C會喺事發後專登停喺元朗警署？
呀報料者許小姐唔該好好補充下地區知識  定係個司機因為紅燈被迫停喺天水圍警署門外咋？
香港真係越黎越多無事生非  （車長係有鬧人，但加多呢啲抽述，咪多咗囉）


至於唔俾阿伯上車，冇片證明阿伯係咪真係一早截咗車，定只係用眼神截車。。。。。
見過有啲人 喺架車停咗喺站廿幾秒落客 都仍然堅持只用眼神“通知”司機想上車都仍然唔肯拎隻手出嚟。。。。（琴日朝搭98喺megaplus數據中心已見到唔識既一男一女都係咁）

亦冇片證明司機清白 但你就好似講到司機冇錯咁

就算係乘客錯, 有必要持續咁問候成車人?
情緒咁爆燥唔係好岩繼續揸落去
況且件事上哂報紙個司機都好難走得甩無任何懲罰

小西灣/柴灣啲$2客搭106/682/694， 成日靠眼神截車

呢位樓主最喜歡話乘客唔截車/唔行去站頭站尾/唔執生坐車，佢不在現場都可以知道客人有錯在先，見怪不怪。
參考：https://www.hkitalk.net/HKiTalk2/forum.php?mod=redirect&goto=findpost&ptid=2150130&pid=4765574

其實回歸最簡單問題，香港地係咪乘客唔截車就可以直接飛站走人？
如果你答我係的話，請每朝到紅隧口或屯轉執正做，排頭位乘客唔截車一於假定全條隊唔關自己車事，直接踩油過站……

其實。 我冇講過個司機岩晒嫁播.....  我亦都冇100%肯定話個客冇截嫁播   就係討論下咋播   我呢篇文要”鬧”係嗰位報料許小姐喎......   

今天18點那班79K去打鼓嶺，我記得司機眼神唔好，龍躍頭飛站，沒見到要上車的兩個客
米問為什麽，我就系車上

ps，入地都伸手截車了

poohpter 發表於 2023-2-19 17:58
呢位樓主最喜歡話乘客唔截車/唔行去站頭站尾/唔執生坐車，佢不在現場都可以知道客人有錯在先，見怪 ...

其實唔能夠一概而論, 巴士公司係大多數預期上車既站頭都畫左排隊線, 所以企係排隊線by default即係等緊呢條路線, 我又覺得呢個情況伸手都多餘
當然會有d麻煩情況: 排隊線有多過一條巴士線埋站, 排第一果個未必係搭埋站果架車, 呢個時候巴士埋站應該打開門等到條隊無再郁動先關門
較混亂就係觀市 296A 296C, 價錢一樣路線一樣但差左個轉乘網, 296C 埋站往往就係大哂大交

但如果冇排隊線,
係市區車站而言, 好多時候都係屬於落客為主既車站, 司機多數都係係安全情況下並非對準站頭落客,
如果想上車一係就做伸手黨一係就係佢落緊客既時候行去架車度

GW5878 發表於 2023-2-19 21:56
其實唔能夠一概而論, 巴士公司係大多數預期上車既站頭都畫左排隊線, 所以企係排隊線by default即係等緊呢 ...

有唔少劃線都係叫兩三飛, 呢啲case最後都應該遞手截車
其實劃線主要目的係維持車站秩序, 而唔係比客老奉
而家啲司機一般照停只係買啲客怕, 反正逗糧無謂惹事咁解


好似我呢啲中記年代長大嘅人截車老遠就遞手
皆因當年隻手遞慢啲都飛你站, 蝕底首先係你自己, 點解要咁笨呢?
遞咗手飛你站, 投訴起嚟都理直氣壯

感覺上近期多咗司機飛站
最離譜一早遞曬手都照飛
差在未人肉擋車