落左咁多日雨, 終於出事了!

今朝食早餐, 擺低部車之後n咁多部鐵馬警察衝埋來, 以為又要"走鬼"啦,
點知, 今日d警察竟然show都唔show我地....奇怪呢!
之後去買報紙, 先發覺有部貨車跪左係度, 真係跪個隻wo...

以為又甩轆啦, 點知, 睇真d先知....

嘩, 個司機真係唔好彩...食完早餐諗著開工, 點知攪成咁..

唔知邊個要俾拖車錢呢?!
好彩唔係胡總來的時候出事, 否則真係出醜了...
條路之後都封左成個鐘, 而巧合地, 同一條街的藥材舖似乎都出左事,
好多CID係度影野又睇野, 似乎俾人爆竊...

歡迎討論, 版權所有, 嚴禁擅自轉載有關相片.

[ 本帖最後由 hkbw 於 2007-7-2 19:33 編輯 ]

前晚仲擺左係呢度食宵夜添...

請問係邊樹?香港d路咁...."脆"架..

原帖由 yeung_miriam 於 2007-7-2 21:21 發表
請問係邊樹?香港d路咁...."脆"架..

呢度係新港城III期對出, 今晚再路過, 見到已經舖返石屎,
無錯, 係石屎, 而唔係瀝青, 但, 路面再一次向下"挫"低左,
大家路過要小心小心...

[ 本帖最後由 hkbw 於 2007-7-3 00:10 編輯 ]

係個路口係咁, 都算係神明保佑囉. 你話如果觀繞或老龍整個咁既洞, 真係分分鐘攪出人命都似~

有一次係我屋企對開路面都有一個類似咁既窿...
真係幾驚嚇,無啦啦見到個咁既窿

原帖由 CZ_6686 於 2007-7-3 09:49 發表
有一次係我屋企對開路面都有一個類似咁既窿...
真係幾驚嚇,無啦啦見到個咁既窿

唔係咁驚嚇掛, 真係隨時炒車的wo

呢個窿, 恐怖之處係穿到見晒下面的電線管及喉管(如果冇睇錯既話)..

今日又路過呢度...好恐怖...個位又再"挫"低左落去更加多, 真係唔知幾時又再塌過..

原帖由 hkbw 於 2007-7-3 12:13 PM 發表


唔係咁驚嚇掛, 真係隨時炒車的wo

呢個窿, 恐怖之處係穿到見晒下面的電線管及喉管(如果冇睇錯既話)..

今日又路過呢度...好恐怖...個位又再"挫"低左落去更加多, 真係唔知幾時又再塌過.. ...

上次果個都係...不過無考究過見到D乜!

原帖由 CZ_6686 於 2007-7-2 20:16 發表
前晚仲擺左係呢度食宵夜添...

嘩!我前日先行過呢個位兩次,幫個fd搵吓呢頭有冇匯豐機....

原帖由 lee329 於 2007-7-3 04:13 PM 發表

嘩!我前日先行過呢個位兩次,幫個fd搵吓呢頭有冇匯豐機....

有...
係新港城咁解之嘛!!

我果晚直情擺左部Stream係度!
岩岩同bw傾完電話,佢話只係七一朝早八九點...
死...唔通關我事?!