本帖最後由 szeto993 於 2023-2-25 20:54 編輯
日本航空 東京（羽田）>香港 JL29 商務艙體驗
* 永遠不要相信美好的事情即將發生
日期：25FEB2023
時間：09:55(10:11)-13:50(14:17)
航班：JL29
機型：Boeing 787-8 JA823J
三年前，國泰換咗架無特選經濟客艙嘅機型嚟賀一賀趕及日本封關前最後一遊，三年後疫後第一遊輪到日本航空照板煮碗賀一賀，最終因為Avios系統搵到去程國泰有放位用77W飛羽田所以選擇重新出票。可惜回程點check都係無其他航班，到出發前一個星期都係用787-8。
今次坐787-8，其實當初知道係787-8我係拒絕嘅，因為飛香港同台灣嘅787-8都唔係SKY SUITE產品，原定呢班機係用SKY SUITE嘅787-9但日航機型變更無通知，所以第一次坐日航商務艙就只能夠體驗比SKY SUITE次一級嘅JAL SHELL FLAT NEO。
羽田機場JAL報到櫃檯喺3號客運大樓F/G/H區，由於未訓醒所以用咗self check-in服務，幸好地勤會協助乘客貼上行李標籤，之後再去H區自助寄行李，但速度上點都係慢，未知咩原因等咗5分鐘行李輸送帶先再啟動。另外出境前安檢速度太慢，雖然已經有中央口及北口，但對上一次見咁慢已經係台灣桃園機場第一航廈早機時段。 JAL Sakura Lounge SKY VIEW距離本日登機閘口唔係好遠，搭電梯到5/F就係，入到去只需要掃描機票就可以 食品選擇唔係少，但因為已經食咗早餐所以只係飲杯嘢食啲餅仔；羽田機場lounge真係好適合航空愛好者，一大片玻璃望出去停機坪，亦可以望到今日坐嗰班機喺144閘口預備 登上飛機，JAL SHELL FLAT NEO用黑色為主色調，為區域性商務位設計，今次坐商務最後一排座位，非常幸運地隔離位無人，而座位上一早已經預留衣架掛外套，稍後會由空中服務員攞去掛好。 耳機插位位於兩個座位之間，今次終於無雜音。 耳機有降噪功能，但我都係用返自己嘅耳機。 螢幕下方置物空間意外地大。 樽裝水、雜誌同資訊卡有專門放置空間。 IFE螢幕官方宣稱有15.4吋，娛樂系統不意外內容不多，大部份影視內容都有英文字幕。 既然座位無任何期望就只能期望日航機上飲食嘅表現，先嚟菜單： 起飛後日航空中服務員會逐位乘客詢問餐點及飲品，好快就上零食同飲品，今次想飲日本威士忌所以請空中服務員推介，係啱口味嘅。 期待已久嘅和食，全部都好食，果然無令人失望，比較意外嘅係伴比目魚嘅蘿蔔蓉係預先加入檸檬汁，係另一番風味。 食完之後較低個座位睇下可唔可以小睡一陣，雖然個名叫FLAT NEO，但實際躺平後係明顯斜向地板。 機上購物已經電子化咗，但有需要仍可向空中服務員索取紙本目錄。 機上WiFi按機型分別由不同公司提供服務，呢妿787-8係用panasonic，登入畫面同787-9有不同，但服務計劃就完全一樣，分一小時、三小時及全程，由於本次航程扣除起飛及降落前一部份時間實際可用約3小時左右，所以選擇三小時服務計劃非常合適。 速度嘛… 用饍後機內燈光會調整成暖色調，窗戶亦由中央控制變暗，不過787老毛病係窗戶變色速度慢，完全變暗未能完全遮光。
總結：久違日航，依然高質 回程呢程除咗用787-8係美中不足之外，無論服務定機上餐飲都遠勝同一聯盟嘅國泰，如果真金白銀買機票係值得考慮，下次換機票首選日航。
| 
樓主