疫後機場旅客出入境復常 南區機場巴士卻遲遲未恢復？

隨著香港政府放寬各項疫情出入境管制措施，相信各位版友身邊甚至係自己都有出國同「回鄉」嘅打算，香港嘅出入境旅客亦都已經逐步回升，恢復返疫情前近半嘅數字，機場出入境大堂都同時再次變得擠擁。

普遍嘅機場對外交通都已經加返密班次，最密嘅A線都已經去到15-20分鐘一班；然而，先唔講暫停服務近三年嘅A17，南區現行唯一一條機場巴士路線A10仍然只提供寥寥可數嘅班次，淨係喺早上繁時往機場，同埋夜晚出市區，可以話係完全供不應求。

雖然，A10會喺嚟緊星期一(20/3)「加強服務」，來回方向各增加至四班次，但服務時間仍然未有大幅度調整，搭夜機嘅南區居民係仍然要使用其他交通工具往返機場。屎水，乜你有見過有人搭早機去歐洲？

對比返其他區嘅機場巴士A線服務：
大埔(人口31萬)：A47X 每日9班往機場、7班往大埔
將軍澳(人口39萬)：A29 日間最密15-30分鐘一班
屯門(人口49萬)：A33 A33X 日間20-30分鐘一班(A33X)
梅窩：A35 每日來回對開5班
南區、西區(人口共約40萬)：A10 每日來回對開4班

你可能仲會覺得「乜A10沿線需求真係咁大咩？」，數據證明的確係，當早繁A10往機場都坐得滿，甚至企緊人嘅時候，已經反映緊沿線嘅機場巴士服務已經供不應求。連梅窩嘅A35都開得多車A10嘅時候，城巴係咪應該好好檢討吓？

除此之外，據講城巴，作為該新發展區唯一中標巴士營辦商，將會喺不久嘅將來開辦A25來往啟德同機場，咁點解有多餘嘅資源開新線，而唔係做好現有嘅服務？

唔好唔記得，城巴機場快線仲有大量用車喺各個巴士總站封車，曬緊太陽，係真係資源不足吖？定係跟本無心做？


咁我哋可以做啲咩？
若果對南區機場巴士服務有不滿，可經下列途徑投訴：

1. 填寫交通投訴組表格
https://www.tcu.gov.hk/chi/traffic-complaint.html

2. 1823

若然經由上述兩個途徑投訴後對結果感到不滿，可向申訴專員公署投訴，指出運輸署就南區機場巴士服務相關事宜「行政失當」，解釋當局未有按市民出行需要調節及監督巴士服務等。
https://ofomb.ombudsman.hk/form/tc/

你不滿咪自己用呢兩個方法投訴囉！

A12仍然要經西環喎

又一篇復常A10，A12，A17，A23，A26日經文

請盡量使用更快捷的機場快綫，反而NA10就真係要開多幾班

樓主其實唔需要出呢個post，直接去投訴咪得囉

屎水:一係你自己轉A11/12,再唔係你去搭機鐵把啦

dominic023 發表於 2023-3-18 17:24
又一篇復常A10，A12，A17，A23，A26日經文

https://www.hkitalk.net/HKiTalk2/forum.php?mod=viewthread&tid=2162873&highlight=A10&mobile=2

係時候回帶了。

南區人囗老化，E10 係咪更值得開？