點解今年九巴復古巴士整得仲差過網民改圖?

有晒80週年既經驗，大家當初都以為今年90週年都會整得好好睇睇，點知出到黎效果差強人意。就好似大台台慶咁樣，以前都搞過一次而且大獲好評，宜家搞多一次反而搞到一pat野。

目前為止已經有兩部復古出街，就係白板同熱狗，都係呢十一年消失既野，80週年復古色自然無佢地份，但憑當年成品還原度高又整得靚既關係，大家都對九巴抱有信心。結果睇番好多討論區既留言，失望既佔多，皆因出左問題:

先講白板色，搵架得番兩年命既巴士上復古色都算，上廣第一日出街，車尾散熱網已經甩左貼紙，個廣告代表自己公司形象，俾人見到車尾甩皮甩骨，人地可能感覺到你間公司只係一盤散沙。講到明復古但係塗裝又跟返E500既線條，車頭同車尾既黑色線條上到去車咀上面，搞到十分奇怪。相片入面見到裙腳位灰色好淺，不過要等見到實物先再評論。而且對比起熱狗復古色，呢部都唔算太差。

熱狗色相信最多批評，早前已經流傳過會搵E6M上復古色，我已經覺得會有難度，按常理唔會搵新出牌兩個月既巴士上廣告，而頭三批E6M梯位都有條金屬支架連接上層車身同車頂，預左效果無咁好。點知成品比想像中更差，睇到真係想嘔血。點解要搵架樹檔車上呢?都無熱狗巴士裝過樹檔!塗裝直情慘不忍睹，裙腳整到咁高，車頂紅色伸延去上層車窗，玻璃梯又唔貼廣告。最大問題係......九巴，你走去加個「城市脈搏」仲乜野?搞到個塗裝不倫不類，做法等於喺80週年復古巴士中間加個「九KMB/九巴服務　日日進步」標誌，做啲唔做啲，做左既又喺度畫蛇添足，到底明唔明「復古」係咩意思?

九巴十年前既復古色並非完美，但至少都好用心去還原番舊時既巴士出來。人地新巴服務質素無九巴好，但佢地都認真地還原番個波浪色，只係無用原裝軨蓋，成品都令人滿意。點解九巴宜家只係整左兩部，表現已經差到咁樣?唯有期望剩低7部無咁難睇。

仲有期望?唔差過呢兩部已經要還神

究竟「九巴美學」定「九巴ETA」先係「九巴最劣」？

打和 Super!

如果佢都無端端拎架AVBE去上白板色，我會諗可惜冇晒舊頭E500畀佢上熱狗色
樓梯前面隻窗仔拎去扮熱狗應該幾一流

突然覺得新巴收檔的廣告做得比老九仲好哦，我系唔系眼盲

九巴美學嘅嘢真係識條鐵……

~誰@359~ 發表於 2023-4-1 01:48
如果佢都無端端拎架AVBE去上白板色，我會諗可惜冇晒舊頭E500畀佢上熱狗色
樓梯前面隻窗仔拎去扮熱狗應該幾 ...

LY6508: ??

其實既然係致敬
不如用返個陣時LOGO
加埋九巴服務日日進步

不過九巴同新巴玩玩下
都係連句SLOGAN無埋
然後就服務走下坡

呢個年代 係要醜先有人睇到 你問下普通街坊 邊識分啲巴士 邊個知有新宣傳？ 突然俾番架白色 兼唔靚既 你先會有人注意同擺上網擦流量家嘛   大家都唔識既