建議延長 621 路線至高嶺道，並開辦茶果嶺至東區路線

背景：配合茶果嶺 Koko Hills 入伙，本年度 RDP 已建議將 219X 部分班次延長至高嶺道
然而預計 Koko Hills 繁忙時間往返港島將有一定的需求，建議將上午繁忙時間 621 部分班次延長至高嶺道；重組 621 下繁班次，提供下午繁忙時間中環灣仔特快往啟德，及九龍灣往麗港城服務，並開辦兩繁茶果嶺來往港島東商業區新路線

1. 建議 621 上午繁忙時間 0740（九巴）0815（城巴）班次延長至高嶺道，相關班次提早 5 分鐘由高嶺道開出，並設定時點於麗港城總站 0740 及 0815

途經：高嶺道、茜發道、茶果嶺道、有康街後返回原線
－－－－－－－－－－－－－－－－－－－－
2. 建議取消 621 下午繁忙時間班次，並抽調至 621P 線（詳見下方）
－－－－－－－－－－－－－－－－－－－－
3. 新增下午繁忙時間特別路線 101P 中環港澳碼頭 -> 高嶺道，經中環、灣仔、海底隧道、土瓜灣十三街、啟德、啟麗、九龍灣商貿區及麗港城

途經：干諾道中、林士街、德輔道中、金鐘道、軒尼詩道、馬師道天橋、鴻興道、海底隧道、康莊道、漆咸道北、東九龍走廊、九龍城道、木廠街、土瓜灣道、承啟道、L3 路、宏照道、常悅道、常怡道、宏照道、觀塘繞道、偉業街、茶果嶺道、茜發道及高嶺道

班次：1755（城巴）1830（九巴）
由 101 641 各抽調一班
－－－－－－－－－－－－－－－－－－－－
4. 開辦 621P 路線來往高嶺道 - 跑馬地下，經茶果嶺、西灣河、北角、炮台山及銅鑼灣

往跑馬地下：高嶺道、茜發道、茶果嶺道、有康街、麗港城總站、茶果嶺道、油塘道、鯉魚門道、東區海底隧道、東區走廊、太安街、筲箕灣道、英皇道、康山道、英皇道、清風街天橋、告士打道、內告士打道、波斯富街、禮頓道及黃泥涌道
往高嶺道：黃泥涌道、摩理臣山道、天樂里、軒尼詩道、怡和街、高士威道、英皇道、太康街、東區走廊、東區海底隧道、鯉魚門道、油塘道、茶果嶺道及高嶺道

往跑馬地班次：0805（城巴）0835（九巴）
往高嶺道班次：1800（城巴）1830（九巴）

由原有 621 下午繁忙時間班次抽調
－－－－－－－－－－－－－－－－－－－－
以上

621P由跑馬地開到出嚟，班次應該會幾唔穩定 (對比起307P類天后先開起碼行多廿分鐘)。另外九龍灣去高高山應該唔會特登等101P，太夜，但用嚟打劫641啲車係好方法嚟嘅。

JH_LE4612 發表於 2023-4-3 09:19
621P由跑馬地開到出嚟，班次應該會幾唔穩定 (對比起307P類天后先開起碼行多廿分鐘)。另外九龍灣去高高山應 ...

621P 要補 621 銅鑼灣返麗港城，所以跑馬地/銅鑼灣一帶開出來都係無辦法；

至於九龍灣返茶果嶺我明去到九龍灣太晏，只可以話執得一個得一個，又或者當係用來過區議會
始終要顧返中環尾班車返麗港城（大約 1830 開出）之餘兩班車又唔可以隔太疏，但如果下繁成條 641 執又太大動作
加上時段問題，所以係以 101 名義做而非 641

原本想 621P 下繁只開一班，攞去做 101P，不過聯營關係要兩巴各開一班

其實長遠 621 有得做，拉上山，再兜埋茶果嶺新公屋，應該足夠免於一死，除時有機會反彈

其實回程返麗港城, 如果唔搭地鐵, 好多人都係搭601 601P 619 671觀塘法院行返入去, 而無視左621.

所以621回程客量, 比起同樣由興發街上橋及停藍田站的601P低好多, 而因為知名度極低, 即使中環-天后出到客返藍田站, 621都不會在考慮之列.

如果樓主建議的621P為左補位灣仔東 銅鑼灣返麗港城, 似乎真係只得補位一個功能, 而唔會吸到或keep到班客搭返麗港城, 因為班車一直碌到西灣河先上橋, 即使班客唔搭601P, 仲有601 619, 甚至係619X 690藍田站落車.

KOKO HILLS位置較近藍田站茜發道出口, 基本上搭巴士藍田站落車, 由尾行到頭上電梯, 日曬雨淋位唔多.

往北區和大埔的東隧線由銅鑼灣碌到西灣河上橋的成功, apply落九龍路線唔一定成功, 呢點幾年前已經討論過, 東九線北角上橋係極限, 而如果係主打太古坊收工客, 開出時間唔應該咁晏, 1810應該要有第一班車, 即係1740左右要由跑馬地開出, 黃泥涌道出灣仔塞下車可能仲要再早d.

另外, 茶果嶺道/茜發道交界燈位出名惡等, 尤其麗港城總站係超級大客倉, 上客需時, 早繁特班只給5分鐘時間做定時點未必足夠, 出站後亦要再經一次燈位, 不利高嶺道乘客, 令麗港城總站座位量大跌亦應避免, 故反建議高嶺道特班由新增資源去做, 茜發道後左轉麗港中心, 不入麗港城總站, 621所有班次維持不變.

101P返九龍要由馬頭角碌到麗港城, 宋皇臺 啓德有屯馬線, 九龍城區一段客量打左折扣, 因為有鐵在先, 難以估算沐泰街 沐安街新樓客會否接受巴士, 啓麗會出到客, 不過走入常怡道上繞道可以睇淡, 如果係轉出啓祥道快線, 跟以前13E出偉業街直去麗港城好似仲易接受, 架車去到九龍灣已經好夜, 只要德福後不設站, 直飛可能性大, 往麗港城的車程吸引力會相應增加, 最後, 可以嘗試提早中環開出時間.

EX-TL 發表於 2023-4-4 11:42
其實回程返麗港城, 如果唔搭地鐵, 好多人都係搭601 601P 619 671觀塘法院行返入去, 而無視左621.

所以621 ...

我承認係一車不加情況下，現有方案係唔理想
但呢個多少係現實條件下妥協嘅方案

首先係因為 621 聯營，所以要加車就兩巴都要加
如果 621 維持不變，即係 Koko Hills 獨立成線開兩班車，但個人對一個位於地鐵站隔離嘅小型私人屋苑，係咪有能力開到兩班村巴式過海線有所保留

至於兩線回程班次，如上面所講 101P 開車時間係因為時段同班次限制
如果解決到呢一點我絕對樂意調整開出時間

小弟固然有考慮到屯馬線因素，所以 101P 係馬頭角同啟德都係選擇行遠離鐵路但人口有一定密度嘅地方，
亦因此 101P 不如 641 般停會展，改經軒尼詩道及馬師道天橋，做鐵路相對無咁直接嘅地區