九巴45號修訂行車時間表

s3n370 發表於 2023-4-17 20:25
唔係無客，但係唔夠多，留條45咪啱囉。

45本身除佐何文田，亦做緊紅土兩區。

兩條留一條係正確做法，但留完之後班次不加反減、運力無左超過一半，係做得好難睇兼不合理

有無客係一件事，成件事係咪合理，合乎慣常做法、合乎路線重組倫理，先係重點

至起碼應該開非繁 20，到時真係唔夠客或者嫌無錢賺再減，而唔係一下子 15 變 30、上繁 10 變 25-30；至低限度呢段路唔係載空氣，數字上雖然未必支持到兩條 15 但亦唔代表支持到一下子減少超過一半運載力

今次重組開左極壞先例，打破慣常規矩，足以影響整個生態

s3n370 發表於 2023-4-17 20:25
唔係無客，但係唔夠多，留條45咪啱囉。

45本身除佐何文田，亦做緊紅土兩區。

留一條線做無問題
甚至好過41/45夾D唔夾D既班次
問題唔係大部分時間都30分鐘一班囉
如果肯專注做何文田<>深長荔
甩走紅土亦係合理

現況同疫情前比
九公少左超過一半班次
城記少左15%-20%班次
以前41/45好大都夾下都大機會做12-13/15分鐘一班
而家E21AB+45不斷shift
比起以前更唔efficient
從來唔係要條45定何深線做10分鐘一班
但繁忙時間20分鐘一班以內有必要性
而唔係而家20/25(城)+30(九)分鐘一班

睇返2036年港鐵系統估算客量
觀塘線仍然載得晒班客
要驚既都係條屯馬

castanopsis 發表於 2023-4-15 22:17
講真青衣去紅土未必完全無客
只係241X所謂特快完都仍然係太慢，可以預期啲人會繼續寧願搭鐵駁幾程車
如果 ...

唔係完全無客，但問題係有幾多？值唔值得提速，定係應該以維持可持續性基本服務為首？
紅土舊區整體呈沒落之勢，再加上鐵路夾擊，今次 241X 作為一條新界前往紅土巴士線，竟然有得服務提升，絕對係一反常態

紅磡土瓜灣跨區線，如果唔同時做更多鐵路盲點同雙向客源，係唔會有前景；所以點解我之前建議 41 廢物利用，改行青山上路。九龍塘係完全唔值得特登開線去做，我走去做埋九龍塘既前提係掟左條線上青山上路

241X 改行尖咀最大問題係青衣北本身已經有 41A，青衣下條線去尖咀點都會輪到 242X 先（中間點改、係咪做尖咀特快唔做旺角就後話）。畀左 241X 就等同長亨永世無全日車去尖沙咀

至於 18 改行果欄，塞車機會減少之餘，何文田山上往來富榮花園堆流水其實而家 10 18 20 都唔係好做得到。當然如果以慳車為目標，我而家有少少新諗法，暫時可以收起 18 改行果欄呢個 idea

純粹想問下各位點睇：

青衣北坐擁兩條去旺角既全日快線，
而無鐵既青衣南就依然係「0」？

公平咩？

****
又：
話241X遲下會變成青北做總站，尾站做青南既板友，
咁241X 又入唔入到TST？
如果唔入，咁有咩用？連油麻地、佐敦都做唔到，
得個旺角有屁用？

如果將成條241X 徹底改頭換面，變成「青北 -> 青南 -> 旺角 -> 尖沙咀 -> 紅土」，
咁點解唔直接「42A、43C、242X」自行搞分拆，而要用條41？
仲未計都唔知何文田肯唔肯放走條線。

s3n370 發表於 2023-4-16 18:45
兩蚊客去程可以搭118，亦可以砌12/新6F轉乘2E補位。

個人諗法不外乎係計埋D seafood數，搵堆吊命線撈埋 ...

6F 最大問題係 QE 而且係只限往九龍城方向，想慳車 6F + 18 唔係唯一選擇，我之前諗過 6F + 11

不過如果係 6F + 18，新諗法係 6F 立斬，18 來回改經聚魚道簡化路線，何文田方向旺角道右轉彌敦道，經加士居道、漆咸道上何文田，往海達邨方向加兜何文田總站，照舊行亞皆老街。初步計過，一轉比而家仲慳到少少時間

之後將全日化後 X6C 深水埗段來回跟 2A 咁行就完工，6F 果幾部車埋單可以全部收起畀 X6C，hidden agenda 係 2A 可以縮短或改道

至於 7B，最簡單其實係同 8 重組，一條做樂富往來尖碼，來回經何文田、下路、紅磡繞道落尖沙咀，收 7B 價錢；一條做九龍站、廣華醫院、何文田循環，就咁睇又可以慳 3-4 部車

S3BL100 發表於 2023-4-17 22:30
兩條留一條係正確做法，但留完之後班次不加反減、運力無左超過一半，係做得好難睇兼不合理

有無客係一件 ...

其實既然何文田本身都有一抽線去紅土
紅土去深水埗又有6C/6F/12A
用愛民109條坑縮短加班又未嘗不可

甚至係呢度版友之前提過條39
都可以考慮以33A拉上何文田取締45嘅方式實現

neoplan720p 發表於 2023-4-17 23:26
純粹想問下各位點睇：

青衣北坐擁兩條去旺角既全日快線，

其實青衣南都有 2 條

一條叫 43C
另一條叫 242X
當 241X 唔關佢地事先

只係青南寧願要 42A 密車都唔放手去重組
怪得邊個？

而家等睇 241X 食埋 43C 啦都係

不過，241X 出旺角快得 3 分鐘就肯肯定係笑話黎

天空之神 發表於 2023-4-17 23:49
其實青衣南都有 2 條

一條叫 43C

43C 就……well……明顯係狗公想殺死佢，而搞到條線四不像。

一、朝早果個時間，只做太子、旺角，邊會有客？
成個油尖旺，咁早時間得尖沙咀叫做有客。
旺角係要10am打後先開始有客返工。

二、回程又係做返深長荔，根本唔係做緊大家所講既特快線。

Ricky403 發表於 2023-4-17 07:03
進口商/供應商夠多先做到「自由市場」，而其實無論如何只要消費者同供應商之間有信息不對稱就唔會係完全 ...

你篇文章搬佐凱婷上枱，但骨子裏根本係巴迷視角。

剩係講合理補償，睇下出佐街嘅RDP都睇到，
繼續有直車又夠載，已經可以做少好多轉乘。
成條線殺佐叫客搭鐵亦唔係未見過。

講辛辣麵都要雕轉到乜嘢信息唔對稱、供應商聯合抵制，
就算有國家級力量出手禁埋運，有足夠嘅需求或者有人俾得起錢，
都唔可能禁絕走私啦。

更何況食即食麵最基本係快快趣有野醫肚，邊個話醫肚剩係可以食麵？
公共交通最基本嘅本質就係醫肚。
咁人數夠多，環境夠好先至有條件做多D做好D。

現實係公共交通唔似入口即食麵咁，未致於毫無限制。
但要入口多過食量嘅麵、週街都買得到唔見得大問題。
公共交通剩係人、車、道路三樣已經成抽限制。

區區（嘅巴迷？）都哎緊服務差、唔合理果陣，
講到要响社會角度睇的話，正路都係保住最多客嘅位，
甚至俾條鐵虐待嘅機會都無嘅區先啦係咪？

你有冇見同樣去何文田愛民嘅17，叫做似番D樣？
東九另外果幾座鐵路連邊皮都掂唔到嘅山，
就算借頭借路cut車，最低限度都送番幾班快線？

我唔係話公眾以至巴迷要去到底線、爆到上車頂，又或者要通盤去睇，
先至可以批評巴士做得差。
而係想講要講大道理的話，唔可能剩係望住有幾多巴士，當其他交通工具以至大環境無到。

s3n370 發表於 2023-4-18 00:56
你篇文章搬佐凱婷上枱，但骨子裏根本係巴迷視角。

剩係講合理補償，睇下出佐街嘅RDP都睇到，

完全同意
其實何文田愛民同青衣技術上冇少到服務
只係41變咗241X，仍然係30分鐘一班
旺角特慢變旺角特快

技術上佢只係青衣-深長荔 同埋 深長荔-何愛減班
減班which is幾乎個個星期都有堆通告排住隊做，但唔會有巴迷咁大迴響

咁大迴響純粹就係減班同時「少咗條線」，喺巴迷視角自然同普通線純減班有極大分別。但當主要客群係深長荔來往何愛，普通乘客唔理41定45都啱路照上，對乘客最大分野自然係純粹減班，而唔係巴迷視角少咗條線

不同意亦不贊成呢個方案，但現實上要45大部分時段「補償地」加班就唔多現實，除非取消41後個別時段載唔曬（已計算疏車後趕客走因素）。45加班變相就係反增加資源比荔景同何愛，兩者都冇大型新增人口，而後者更仲有241X仲喺度。如果要45加班（除非可能極少量個別時段因載唔曬）的話，巴士公司寧願唔將41變241X。

41霸王硬上弓地特快241X同當年63X被特快係異曲同工之妙，明特快實慳車，兼想用特快重新吸新客，反正舊客一係走唔到或者跌客都唔及慳車多。

青衣-深長荔 同埋 深長荔-何愛 減班
前者大量更好替代(42A/44) 幾乎冇乜太大影響
後者就今次硬食
如果用社會責任嚟擋，其實又遠遠不及成日提嘅51，畢竟有太多替代，而本身45仲喺度
除此之外，以前仲可以區佬賴死唔制但而家就難啲
又或者本身餅大分拆到慢線快線兩條線共存，但明顯41不在此列

巴士係公共交通係社會公共資源
有需求加班（我知好難，離題略），冇需求減班實屬正常
私人商業公司減班趕客仲節省成本
就算公營或社會運作角度，鐵路興建成本高自然越多客用越有效益unless佢裝唔曬
少咗巴士跌客落鐵或行更某程度上減少路面擠塞同排放
巴迷/巴士公司迷先會覺得巴士公司寧願唔做生意巴士跌客去鐵路/行路係好大問題

總括而言，減班係大家唔願見到但現實地不斷持續進行緊，但41變241X嘅另類減班就喺巴迷視角有比一般減班更大得多嘅迴響但不貼近普通乘客視角（減班咪一係死等一係轉場）。