九巴45號修訂行車時間表

s3n370 發表於 2023-4-28 05:46
麻煩你搞清楚邏輯先

你自己話小巴19座落旺角呢個繁忙區域唔理想，

係唔理想但係點樣阻止?
更甚嘅係無可能阻止私家車入，小巴已經係後話

話說載客大咗但車無疏到要兜多條邨
邏輯上正確但係你仲想兜何文田邊條邨?常樂邨啱唔啱?

ccchhhuuunnn 發表於 2023-4-28 06:05
香港應該係全世界先進城市但又容許多於一種交通模式有較直接競爭
主要係小巴同巴士，同埋兩間唔同巴士公 ...

當然唔係啦
大把城市都係幾種交通模式直接競爭
小巴/巴士個dynamics就可能真係香港獨有
但 巴士/地鐵、巴士公司之間、鐵路公司之間 既競爭，係好常見

英國其實都係倫敦先under the same umbrella
好多其他城市都有好多operator，就算政府有協調，都有競爭
我最熟悉既英國城市，人口只係沙田級數，但粗略數一數都已經有7間巴士公司
當然唔係全部路線都重疊，但開新線貼poster吸對家客，係有出現

（Anyway如果想覆copy去隔離thread講，費時離題太遠）

castanopsis 發表於 2023-4-28 11:59
當然唔係啦
大把城市都係幾種交通模式直接競爭
小巴/巴士個dynamics就可能真係香港獨有

上文講緊19座落旺角CBD好阻街
我只想針對返CBD路面交通，鐵路就更加唔關事

ccchhhuuunnn 發表於 2023-4-27 22:05
香港應該係全世界先進城市但又容許多於一種交通模式有較直接競爭
主要係小巴同巴士，同埋兩間唔同巴士公 ...

1. 如果係外國模式，除咗你講10分一班落旺角嘅巴士，
條18都幾大機會去埋欽州街，做深水埗堆客...
甚至再追遠D，41 45唔會出現，18繼續美孚做總站都唔定。

2. 以小政府大市場嘅理念，唔同交通工具嘅競爭，無可避免會有浪費嘅時候，
但市場力量（即係客量同賺蝕）會最終達致整體係有效率嘅平衡。
避免官僚甚至長官意志，慷納稅人之概慨造成嘅資源浪費。

3. 從呢個角度睇，45今日嘅動作係擺向有效率嘅平衡。
啟德嘅5A同20A似乎未如理想，不過以班次黎睇，
浪費係有，但未去到新巴初年咁狂派車咁嚴重。
（戴頭盔，個人除咗搭過N次20，
個人對啟德線嘅客量一無所知，以上論點純粹從呢板嘅評論綜合而來）

4. 所以我仍然認為45嘅動作係核突，但亦只係睇落核突。
資源方面有乜限制用得幾smart都好（宏觀），
始終無法回應地區同用家嘅不滿（微觀）。

5. 公共交通公具就算全商業運作，總要兼顧市政服務嘅一邊。
咁就要有人做球證𥄫住，呢個就係運輸署。
運輸署嘅表現，我無意亦唔識評論喇。
從呢板偏幫/打壓  九/城/新/小巴嘅言論都輪流出現，
（好似無歲月靜好嘅嶼巴？）
其實係咪溝埋一齊做瀨尿牛丸丫笨，
呀唔係，溝埋一齊打和Super!

6. 其他靠政府補貼嘅巴士服務（其實都係市民嘅錢），
本質上似康文署付費嘅康體設施一類嘅按量收費市政服務。
交通又比康體嘅必要性強好多。
响民主政體黎講，做好呢項市政服務當然會吸到選票。

7. 咁啱得咁橋，大部分民主政體嘅政府都好窮困
（當然責任全在美、英、...方）。
暫時睇到邊個政黨都要出盡渾身解數，連同鐵路限米煮限飯下，
分配資源方面唔似出現慷納稅人之慨嘅情況。
始終運力過剩下減班雖然係好顯眼，
但as long as整體夠載，唔會成日留後之餘，
而D改善係有成效，好快無人再提。

8. 用同樣模式又較發達嘅地區，較接近香港嘅應該係新加坡。
新加坡有冇浪費呢，個人多次到訪，包括去D住宅區極有限同片面嘅觀察，
似乎睇唔到明顯嘅浪費，可能係新加坡嘅公務員要講求KPI啦。

9. 睇過一個節目，在野黨表示响D兩黨勢均力敵嘅地區，
執政黨會用增強巴士呢類市政服務拉票。
咁執政黨嘅回應係增強服務完全按需求而做，在野黨嘅指控子虛烏有。

10. 小結一下，從香港不同交通工具之間嘅競爭，運輸署有審計署去制衡。
西方城市政黨競爭以及自身嘅資源緊絀；
新加坡官員背後嘅KPI；
每個地方模式唔同，可以睇到唔同地方都用唔同手段同形式去達致有效制衡，去修正模式嘅不足。

11. 本篇文章只係分享個人對架構嘅見解，無意評論當中嘅效果同利弊。評論呢一部分就留番俾D師兄啦。

12. 返去第一個基本問題，香港用全面planning咁玩會點呢？
KPI點計我唔知啦。
只知道新时代下爱国者治港，让我们走得更远，齐齐迈向共同富裕！

1181174166 發表於 2023-4-28 00:11
係唔理想但係點樣阻止?
更甚嘅係無可能阻止私家車入，小巴已經係後話

我諗剩係何愛紅小合一，好難好似E21AB咁叫D客出大街等，
起碼要好似17咁兜一兜入去？

同埋停站上落客唔係時間？

s3n370 發表於 2023-4-28 20:51
我諗剩係何愛紅小合一，好難好似E21AB咁叫D客出大街等，
起碼要好似17咁兜一兜入去？

其實點解會變咗紅小合併?

講起接駁做法，都有版友提過美孚-愛民循環呢種做法
如果堆得夠密，對成座山都係好處(最少何文田-荔景山唔會係大需求)

因為校網原因，點都需要45由九龍城上山，否則學大家所講，全部都唔上山行繞道就快，咁得架8號小巴，即係叫人唔好再係山上面做寫字樓

1181174166 發表於 2023-4-28 12:55
其實點解會變咗紅小合併?

講起接駁做法，都有版友提過美孚-愛民循環呢種做法

只係舉個例。除非你認為出紅、綠小對交通嘅影響有分別。

都係果句，改由巴士做，一定唔夠小巴密同直接。
咁就好大機會變佐齋做只係往返兩地嘅客，接駁果班會流失。

s3n370 發表於 2023-4-28 23:54
只係舉個例。除非你認為出紅、綠小對交通嘅影響有分別。

都係果句，改由巴士做，一定唔夠小巴密同直接。 ...

如果要轉巴士，紅小其實唔就腳
早兩日行過快富街又排哂長龍
根本上係巴士越減越疏之下流失哂去小巴嗰邊，但係又因為深水埗又有批客
如果巴士有返密啲嘅班次，自然少啲依賴小巴

1181174166 發表於 2023-4-28 23:36
如果要轉巴士，紅小其實唔就腳
早兩日行過快富街又排哂長龍
根本上係巴士越減越疏之下流失哂去小巴嗰邊， ...

唔反對轉車無咁就腳呢點，我更不反對任何人用就腳呢點去揀交通工具。

不過唔少人會考慮埋速度同候車時間。
唔少小巴排隊仲耐過程車，都趕唔走D客就係咁解。