建議重組 68A 69 線

背景：過往天水圍北往返元朗需求雖大但直達選擇有限，K73 線需繞經天水圍南，輕鐵 761P 未能服務天恆及濕地公園；配合地區人口增加，九巴於 2022 年底開辦 69 線方便天水圍及東頭工業區來往元朗市，然而對天水圍而言路線未能服務元朗東/雞地/博愛醫院，東頭工業區亦因發展未成熟且路線服務距離過短，吸引力有限

有見及此，建議 69 線改循環往博愛醫院，來回程經 YOHO，並博愛醫院方向繞經朗屏；東頭段由已有大量巴士轉乘且能前往屯門等地的 68A 延長取代，善用朗屏段運載力

建議內容：

69 天水圍市中心 - 博愛醫院（循環線）
(註：Google Map 不能畫進博愛醫院 S5 路）

途經路段：天恩路、天榮路、天城路、天華路、天瑞路、濕地公園路、天慈路、朗天路、朗屏路、朗屏邨總站、朗屏路、鳳池路、屏會街、元朗安寧路、媽廟路、青山公路－元朗段、朗日路、形點交通交匯處、朗日路、青山公路 – 元朗段、博愛交匯處、S5路、博愛交匯處、青山公路 – 元朗段、青山公路－屏山段、朗天路、唐人新村交匯處、朗天路、天慈路、濕地公園路丶天瑞路、天華路、天城路、天恩路及嘉恩街

預計全程行車時間縮短至 68 分鐘
派車 5 部（不變）
班次增加至 15/20 分鐘一班

68A 元朗德業街 - 青衣站

往青衣站：德業街、康業街、寶業街、元朗安樂路、媽橫路、屏會街 ...
往德業街：... 宏達街、朗業街、寶業街及德業街

預計往德業街行車時間增加 5 分鐘

－－－－－－－－－－－－－－－－－－－－
預計改動後，69 更頻密班次且更廣服務範圍將進一步吸引天水圍北乘客選乘，以及方便濕地公園一帶於元朗轉乘前往其他地區；
而 68A 預計可吸引東頭一帶前往屯門市中心通勤消遣中距離乘客，同時保留原有 69 接駁鐵路及轉乘安排，而朗屏乘客可於屏昌徑/悅屏樓上下車；68A 亦能加強沿線流水服務，如洪水橋前往朗屏，覆蓋 622 小巴主要服務區域
以上

69就係想避yoho呢個非常非常不穩定因素 你就中番埋去 同埋  招標線.......你懂的

而家68A非繁朗屏去屯門都要成30-35分鐘，拉埋成大半個鐘都未到點吸引到

lsc04d11 發表於 2023-5-3 18:03
69就係想避yoho呢個非常非常不穩定因素 你就中番埋去 同埋  招標線.......你懂的 ...

我又睇唔到 69 點樣 "避" YOHO，而家條線又唔係行到雞地後都特登都開唔停站

本身天水圍往返 YOHO 係有一定需求，加上新地商場，天水圍 69 尾站兩個樓盤係咩發展商？你懂的
自從 77 系小巴取消之後，天水圍北無車去博愛醫院，加上 69 嚴格來講唔算服務到雞地，其實地區而言都係合理要求延長，行車時間甚至比原本短

68A_ 發表於 2023-5-3 22:32
而家68A非繁朗屏去屯門都要成30-35分鐘，拉埋成大半個鐘都未到點吸引到

不如話相對其他選擇，68A 係咪無吸引力？東頭去屯門搭西鐵同輕鐵都要行一大段路
加上比起 69 只能去到元朗西，68A 幾肯定有用過 69

啱，德業街去元朗站咁近，要條20分班嘅巴士去朗屏站唔知做乜，去大馬路又淨係得一個站。你咁樣改有機會救到條線。

班次增加至 15/20 分鐘一班

而家名義上都係15/20分班

10598C 發表於 2023-5-4 05:53
不如話相對其他選擇，68A 係咪無吸引力？東頭去屯門搭西鐵同輕鐵都要行一大段路
加上比起 69 只能去到元 ...

68A係遠咗少少嘅

反而覺得拖268C會好啲

tina 發表於 2023-5-4 19:41
68A係遠咗少少嘅

反而覺得拖268C會好啲

對東頭而言，68A的確點都有用過69，因為68A同69一樣去到元朗西，但68A亦都去到青山公路同屯門沿線
所以按照樓主建議改68A去東頭，係好過而家

如果拉268C，對東頭而言，268C係去到全條元朗大馬路，而68A只係去到元朗西
如果拉68A，雖然68A係去到屯門市中心，但要碌青山公路，車程對比屯鹿唔吸引，只有來往紅橋相對有吸引力

結論係要睇下東頭寧願要條去到元朗東嘅線(268C)，定係要條去到洪水橋及屯門嘅線(68A)

10598C 發表於 2023-5-4 05:48
我又睇唔到 69 點樣 "避" YOHO，而家條線又唔係行到雞地後都特登都開唔停站

本身天水圍往返 YOHO 係有一 ...

69冇入到元朗站範圍咪就係避緊囉
你話齋 個商場仲要係友好都唔入喎。。。。

lsc04d11 發表於 2023-5-5 16:30
69冇入到元朗站範圍咪就係避緊囉
你話齋 個商場仲要係友好都唔入喎。。。。
...

等陣，搞清楚啲角色先

69 本身唔到 YOHO 同博愛係可以爭取；
但當初規劃條線嘅時候，係運輸署規劃一條招標線，唔係特登劃比九巴，運輸署無責任去考慮所謂嘅 "友好商場"

我實在睇唔出有幾大強烈理據 69 不能進入 YOHO，反而擺明係因為做 "天水圍 - 朗屏/元朗西 - 東頭" 雙頭龍，而無入到 YOHO
真正唔會有 YOHO 區內巴士線叫做東頭工業區 ...